ខែកញ្ញា 14, 2011 
ដោយ : មុនីរ័ត្ន
ថ្ងៃទី 14 កញ្ញា 2011
CEN
អ្នកសេដ្ឋកិច្ច ធនាគារ អភិវឌ្ឍន៍អាស៊ី ADB នៅក្នុង សន្និសីទ កាសែត កាលពី ព្រឹក ថ្ងៃទី ១៤ កញ្ញា ឆ្នាំ ២០១១៕
ភ្នំពេញ:ធនាគារអភិវឌ្ឍន៍អាស៊ី ADB បានបង្កើនការព្យាករណ៍របស់ខ្លួនលើកំណើនសេដ្ឋកិច្ចកម្ពុជា នៅឆ្នាំ២០១១ ។ ក៏ប៉ុន្តែ ADB បានបង្ហាញក្ដីបារម្ភអំពីទីផ្សារសកល នៅតែមានសម្រាប់ឆ្នាំ២០១២។ ពោលគឺនៅឆ្នាំ២០១១ ADB បានព្យាករណ៍ថា កំណើនសេដ្ឋកិច្ចកម្ពុជា មានចំនួន ៦,៨ %។ នេះបើតាមសេចក្តីប្រកាសព័ត៌មាន។
សេចក្តីប្រកាសព័ត៌មានរបស់ ADB ដែលបានផ្សព្វផ្សាយក្នុងសន្និសីទកាសែត នាព្រឹកថ្ងៃទី១៤កញ្ញា ឆ្នាំ២០១១ បង្ហាញថា និន្នាការវិជ្ជមាននៅក្នុងរយៈពេល ៦ខែដើមឆ្នាំនេះ នឹងជំរុញកំណើនសេដ្ឋកិច្ចរបស់ប្រទេសកម្ពុជា ឲ្យកើនឡើងដល់ ៦,៨% នៅក្នុងឆ្នាំ២០១១។ គឺកើនឡើងច្រើនជាងព្យាករណ៍កាលពីខែមេសា ដែលធានាគារអភិវឌ្ឍន៍អាស៊ី ADB បានវាយតម្លៃថា សេដ្ឋកិច្ចកម្ពុជា មានកំណើនត្រឹម ៦,៥% នៅឆ្នាំ២០១១។
របាយការណ៍របស់ ADB ស្តីពី ទស្សនវិស័យអភិវឌ្ឍន៍អាស៊ីឆ្នាំ២០១១ បច្ចុប្បន្នកម្ម (ADO 2011 Update) ដែលបានចេញផ្សាយនៅថ្ងៃទី១៤កញ្ញានេះ បានលើកឡើងថា ការកែសម្រួលតួលេខកំណើននេះ គឺដោយសារមានការកើនឡើងនូវការនាំចេញសម្លៀកបំពាក់នៅក្នុងឆមាសទី១ នៃឆ្នាំ២០១១។
ADB បានគូសបញ្ជាក់ថា តម្លៃនៃការនាំចេញសម្លៀកបំពាក់របស់ប្រទេសកម្ពុជា ទៅសហរដ្ឋអាមេរិក នៅក្នុងរយៈពេល ៦ខែដំបូង នៅឆ្នាំនេះ បានកើនឡើងជាង ២៣% បើធៀបជាមួយនឹងរយៈពេលដូចគ្នាកាលពីឆ្នាំមុន។ ក្នុងពេលជាមួយគ្នានោះ ចំនួនភ្ញៀវទេសចរណ៍មានការកើនឡើងជាង ១៣% ហើយការនាំចេញអង្ករក៏មាននិន្នាការកើនឡើងផងដែរ ។
សេដ្ឋវិទូជាន់ខ្ពស់ប្រចាំប្រទេសកម្ពុជា របស់ធនាគារអភិវឌ្ឍន៍អាស៊ី លោក Peter Brimble មានប្រសាសន៍ថា “ ប្រទេសកម្ពុជានៅតែអាចរក្សាបាននូវកំណើនសេដ្ឋកិច្ចរឹងមាំសម្រាប់ឆ្នាំ២០១១ នេះ ដោយសារតែការងើបឡើងលឿនជាងការរំពឹងទុកនូវការនាំចេញសម្លៀកបំពាក់ និងវិស័យទេសចរណ៍ និងដោយសារទស្សនវិស័យវិជ្ជមាននៃការពង្រីកផលិតកម្មកសិកម្ម។ ប៉ុន្តែការថយចុះនូវសកម្មភាពពាណិជ្ជកម្មជាសកល ដែលកំពុងកើតមាននាពេលបច្ចុប្បន្ននេះ នឹងបង្អន់ល្បឿនកំណើននៅក្នុងឆ្នាំ២០១២ ” ។
ទស្សនវិស័យអភិវឌ្ឍន៍អាស៊ី ឆ្នាំ២០១១ បច្ចុប្បន្នកម្ម ព្យាករណ៍ថា កំណើននៅក្នុងឆ្នាំ២០១២ នឹងមានកម្រិត ៦,៥% ពោលគឺ ថយចុះពី ៦,៨% ដែលត្រូវបានព្យាករណ៍ នៅពេលដែលធនាគារអភិវឌ្ឍន៍អាស៊ីចេញផ្សាយរបាយការណ៍ទស្សនវិស័យអភិវឌ្ឍន៍អាស៊ីឆ្នាំ២០១១ ដែលជារបាយការណ៍សេដ្ឋកិច្ចប្រចាំឆ្នាំ ។ ការថយចុះនេះ ឆ្លុះបញ្ចាំងពីអស្ថេរភាព ដែលកំពុងមាននៅក្នុងទីផ្សារសកល ដែលនឹងធ្វើឲ្យប៉ះពាល់ដល់តម្រូវការផលិតផលពីប្រទេសកម្ពុជា នៅក្នុងឆមាសទី២ នៃឆ្នាំ២០១១ និងឆ្លងចូលទៅក្នុងឆ្នាំ២០១២ ។
តែទោះជាយ៉ាងណាក៏ដោយ របាយការណ៍របស់ ADB បានលើកឡើងថា និន្នាការថយចុះក្នុងទីផ្សារសកលនេះ នឹងមិនប៉ះពាល់ដល់និន្នាការវិជ្ជមាន ដែលបានសង្កេតឃើញកន្លងមកនោះទេ។ ប៉ុន្តែបញ្ហាប្រឈមរយៈពេលវែង នៅតែមានសម្រាប់សេដ្ឋកិច្ចដែលមានមូលដ្ឋានចង្អៀតរបស់ប្រទេសកម្ពុជា ហើយវាទាមទារឲ្យមានការធ្វើពិពិធកម្មសេដ្ឋកិច្ច ការពង្រីកលំហសារពើពន្ធ ការដោះស្រាយបញ្ហាអភិបាលកិច្ច និងការពង្រឹងបរិយាកាសវិនិយោគ។
លោក Brimble និយាយថា “ ប្រទេសកម្ពុជា ចាំបាច់ត្រូវដោះស្រាយបញ្ហាប្រឈមរយៈពេលវែងទាំងនេះ ទើបអាចសម្រេចបាននូវកំណើនប្រកបដោយសក្ដានុពល។ ការកាត់បន្ថយចំណាយខ្ពស់លើការដឹកជញ្ជូន ថាមពល និងការធ្វើពិពិធកម្មផលិតផលកសិកម្ម និងវិស័យទេសចរណ៍ មានសារៈសំខាន់យ៉ាងខ្លាំង ហើយបញ្ហាទាំងអស់នេះនឹងត្រូវបានលើកយកមកដោះស្រាយ ក្រោមយុទ្ធសាស្ដ្រភាពជាដៃគូ ប្រចាំប្រទេស ២០១១-២០១៣ របស់ធនាគារអភិវឌ្ឍន៍អាស៊ី ” ។
ចំពោះអត្រាអតិផរណា នៅកម្ពុជា ក៏ត្រូវបាន ADB ព្យាករណ៍ថា នឹងមានកម្រិតជាមធ្យមប្រមាណ ៥,៥% នៅក្នុងឆ្នាំ២០១១ និងឆ្នាំ២០១២។ ពោលគឺអត្រាអតិផរណា ពុំមានការផ្លាស់ប្ដូរពីការព្យាករណ៍ក្នុងទស្សនវិស័យអភិវឌ្ឍន៍អាស៊ីឆ្នាំ២០១១ឡើយ។ នោះក៏ដោយសារមានការធ្លាក់ចុះនូវតម្លៃប្រេងឥន្ធនៈជាសកល និងដោយមានការសន្មតថា តម្លៃប្រេងឥន្ធនៈ នឹងនៅមានកម្រិតថេរ រហូតដល់ដំណាច់ឆ្នាំនេះ។
របាយការណ៍របស់ ADB ដែលបានផ្សព្វផ្សាយនៅព្រឹកថ្ងៃទី១៤កញ្ញា ឆ្នាំ២០១១ ក៏បានប៉ាន់ប្រមាណឱនភាពគណនីចរន្តក្នុងកម្រិត ១១,៦% នៃ GDP ក្នុងឆ្នាំ២០១១ និង ១១,០% នៅក្នុងឆ្នាំ២០១២ ដោយសារមានការថយចុះនូវឱនភាពពាណិជ្ជកម្ម។
យ៉ាងណាក៏ដោយ កាលពីថ្ងៃច័ន្ទ ទី១២កញ្ញា ឆ្នាំ២០១១ សម្តេចប្រមុខរាជរដ្ឋាភិបាល ហ៊ុន សែន ក៏បានប្រកាសថា កំណើនសេដ្ឋកិច្ចកម្ពុជា នៅឆ្នាំ២០១១នេះ អាចនឹងកើនឡើងដល់ ៨,៧% លើសការព្យាករណ៍ពីលើកមុន។ ការព្យាករពីកំណើនសេដ្ឋកិច្ចលើកមុន ដែលរដ្ឋាភិបាលកំណត់ថា សេដ្ឋកិច្ចកម្ពុជានៅឆ្នាំ២០១១ មានកំណើនត្រឹមតែ ៦% ប៉ុណ្ណោះ។
លោកនាយករដ្ឋមន្ត្រី ហ៊ុនសែន បានលើកឡើងថា កំណើនសេដ្ឋកិច្ចកម្ពុជា ដែលអាចហក់ឡើងដល់ ៨,៧% ក៏ដោយសារតែកំណើននាំចេញសម្លៀកបំពាក់ និងការងើបឡើងវិញដ៏ខ្លាំងក្លា ក្នុងវិស័យទេសចរណ៍ បានធ្វើឲ្យសេដ្ឋកិច្ចកម្ពុជា មានកំណើនលើសពីការរំពឹងទុក៕
Camnews 
សូមអបអរសារទ
Economic growth is 6.8%. What is the inflation rate?
ខ្ញុំមិនសូវយល់អំពីបញ្ហាកំណើនសេដ្ឋកិច្ចនេះ ។ គ្រប់ស្ថាប័នហិរញ្ញវត្ថុធំៗរបស់ពិភពលោកស្ទើរទាំងអស់ដូចជា ADB, WB, IMF… សុទ្ធតែបានវាយតម្លៃថា សេដ្ឋកិច្ចកម្ពុជានៅឆ្នាំនេះមានកំណើនឡើងបានប៉ុណ្ណេះភាគរយ ប៉ុណ្ណោះភាគរយ…. ប៉ុន្តែខ្ញុំឆ្ងល់ថា តើកំណើនសេដ្ឋកិច្ចជាតិ វាមានហុចផលអី្វដល់ប្រជារាស្រ្តអត់ ? សេដ្ឋកិច្ចមានកំណើន ប៉ុន្តែអ្វីដែលមានកំណើនលឿនជាងសេដ្ឋកិច្ចទៀតនោះ គឺតម្លៃប្រេងសាំង ដែលឡើងលឿនដូចទឹកជន់ បើសិនជាអាចគ្រប់គ្រងតម្លៃប្រេងសាំង ឬ អាចបញ្ចុះតម្លៃប្រេងសាំងបាន, មិនដឹងជាសេដ្ឋកិច្ចខ្មែរដើរលឿនប៉ុណ្ណាទេ….
Yes! but don’t forget million khmers are still living in poverty.
កំេណីនេសដ្ធកិច្ចគឺ ៨,៧ % មិនែមន ៦,៨ %េនាះេទ៕
ជិតដល់រដូវបោះឆ្នោតហើយ តើសាំងនៅ ១/L៣៥០០រ បានទេ ? ៗ
្រតូវែតបាន!!!!្រតូវែតបាន!!!!្រតូវែតបាន!!!!្រតូវែតបាន!!!!
ខ្ញុំសូមសួរសំនួរមួយ ! តើកត្តាអ្វីខ្លះដែលធ្វើអោយកម្ពុជាមានកំនើនសេដ្ឋកិច្ច ?