ខែតុលា 11, 2009 
ដោយ សុខ សេរី
2009-10-11
វិទ្យុអាស៊ីសេរី
ប្រជាពលរដ្ឋចំនួន២១៤គ្រួសារដែលរងការឈូសនិងដុតបំផ្លាញផ្ទះសម្បែងចោលនៅក្នុងក្រុងសំរោង ខេត្តឧត្តរមានជ័យ កាលពីថៃ្ង៩ តុលាថ្មីៗនេះ ប្រភពបានឲ្យដឹងថា ពួកគាត់ទាំងនោះកំពុងតែរងការជម្លៀសឲ្យទៅរស់នៅកន្លែងបណ្តោះអាសន្នមួយមិនអាចឲ្យទាក់ទងជាមួយនឹងក្រុមសកម្មជនការពារសិទ្ធិមនុស្សបានទេ ក្រោយពីជម្លោះដីធ្លីជាមួយក្រុមហ៊ុនឯកជនដាំដើមអំពៅនៅទីនោះ។
លោក ចាន់ សុវ៉េត ជាមន្រ្តីស៊ើបអង្កេតនៃអង្គការការពារសិទ្ធិមនុស្សក្រៅរដ្ឋាភិបាល ហៅកាត់ថា អាដហុក ដែលបានចុះទៅស៊ើបអង្កេតជាមួយនឹងអង្គការសិទ្ធិមនុស្សលីកាដូនៅក្នុងខេត្តឧត្តរមានជ័យ ជុំវិញករណីអំពើហិង្សាខាងលើនេះ បានមានប្រសាសន៍ប្រាប់វិទ្យុអាស៊ីសេរីតាមទូរស័ព្ទមកថា ៖ «ក្រោយពីការដុតនិងបំផ្លិចបំផ្លាញផ្ទះសម្បែងមក ឥឡូវនេះគេបង្ខំឲ្យប្រជាជនរើចេញពីដីទំនាស់ហ្នឹងទាំងអស់ ក្នុង២១៤គ្រួសារនៅពេលដែលយើងទៅដល់កន្លែងដីទំនាស់ហ្នឹង គឺមនុស្សវាអត់ដល់ហ្នឹងទេ»។
ក្រុមសកម្មជនការពារសិទ្ធិមនុស្សនានាដែលបានចុះតាមដានឃ្លាំមើលស្ថានការណ៍នៃការរស់នៅរបស់ប្រជាពលរដ្ឋខាងលើនេះ មិនត្រូវបានអាជ្ញាធរមូលរដ្ឋានអនុញ្ញាតឲ្យចូលជួបប្រជាពលរដ្ឋទាំងនោះទេ។
លោក ស្រី ណារ៉េន ជាមន្រ្តីសម្របសម្រួលនៃអង្គការការពារសិទ្ធិមនុស្ស ហៅកាត់ថា អាដហុក ប្រចាំការនៅក្នុងខេត្តឧត្តរមានជ័យ បានមានប្រសាសន៍ថា ប្រជាពលរដ្ឋជាច្រើនរយគ្រួសារកំពុងតែរងការជម្លៀសនិងប្រមូលផ្តុំឲ្យរស់នៅទីកន្លែងបណ្តោះអាសន្ននៅក្នុងវត្តអារាមមួយ។
លោក ស្រី ណារ៉េន បានឲ្យដឹងថា ៖ «គេរារាំងតាំងពីម្សិលមិញ ហើយរហូតមកដល់ថ្ងៃនេះគេមិនអនុញ្ញាតឲ្យយើងធ្វើការជួបជាមួយប្រជាពលរដ្ឋដែលត្រូវការជម្លៀសចេញនោះទេ ហើយចាប់ខ្លួនហ្នឹងមាន៣នាក់»។
មិនទាន់អាចទាក់ទងតំណាងក្រុមហ៊ុនណាមួយនៅក្នុងចំណោមក្រុមហ៊ុនឯកជនចំនួនបួនដើម្បីសុំការបំភ្លឺជុំវិញទំនាស់ដីធ្លីខាងលើនេះបានទេ។
លោក ឈុំ ធឿន ជាចៅសង្កាត់កូនគ្រៀល ក្រុងសំរោង ខេត្តឧត្តរមានជ័យ បានមានប្រសាសន៍ថា អាជ្ញាធរមូលដ្ឋានកំពុងតែដោះស្រាយបញ្ហាអំពីជំនួយនិងទីកន្លែងបណ្ដោះអាសន្នជូនប្រជាពលរដ្ឋទាំងនោះ។
លោក ឈុំ ធឿន បានបញ្ជាក់ថា ៖ «ខាងក្រុមការងាររបស់ខេត្តបានធ្វើការសម្របសម្រួលនៅក្នុងទីកន្លែងនោះ គេកំពុងតែដោះស្រាយតាមផែនការរបស់ខេត្តហ្នឹង»។
លោកបានបញ្ជាក់ឲ្យដឹងថា ក្រុមហ៊ុនឯកជនចំនួន៤ដាំដើមអំពៅនៅទីនោះបានទទួលសិទ្ធិកាន់កាប់ដីធ្លីនៅលើផៃ្ទដីចំនួនប្រមាណជាង១ម៉ឺនហិកតារ ផ្ដល់ដោយរដ្ឋាភិបាលកម្ពុជានិងអាជ្ញាធរមូលដ្ឋានចាប់តាំងពីឆ្នាំ២០០៥មក។
សូមជម្រាបថា កាលពីថៃ្ងសុក្រ ទី៩ ខែតុលាថ្មីៗនេះ ផ្ទះសម្បែងរបស់ប្រជាពលរដ្ឋចំនួនប្រមាណ២១៤គ្រួសាររងការឈូសនិងដុតបំផ្លាញចោល ហើយប្រជាពលរដ្ឋ៣នាក់ទៀតរងការចាប់ខ្លួនភ្លាមៗ នៅក្នុងនោះមានឈ្មោះ ទ្បុង សារិទ្ធិ អាយុ៤៣ឆ្នាំ, ឈ្មោះ ចាន់ សារី ហៅ សួស្តី អាយុ៣៣ឆ្នាំ និងម្នាក់ទៀតឈ្មោះ ម៉ា ប៊ុនឈឿន រងការចោទប្រកាន់ថា បានហ៊ុមព័ទ្ធដីព្រៃរបស់រដ្ឋខុសច្បាប់ ប្តឹងដោយមេព្រៃនៅទីនោះ។
រឿងជម្លោះដីធ្លីនោះគឺមានទំហំប្រមាណជាង១ម៉ឺនហិកតារ រវាងប្រជាពលរដ្ឋជាង២០០គ្រួសារនោះនិងក្រុមហ៊ុនឯកជនចំនួន៤ គឺក្នុងនោះមានក្រុមហ៊ុនមួយរបស់លោក លី យ៉ុងផាត់ ផងដែរ ជាសមាជិកព្រឹទ្ធសភាខាងគណបក្សប្រជាជនកម្ពុជា នេះបើតាមការអះអាងពីប្រភពប្រជាពលរដ្ឋ។
ក្រុមសកម្មជនការពារសិទ្ធិមនុស្សក្រៅរដ្ឋាភិបាលកំពុងតែតាមដានស្ថានការណ៍នេះដោយយកចិត្តទុកដាក់៕
ប្រមាណជាងមួយខែកន្លងមកនេះ គេឃើញតារាសិចស៊ី កែវ សូរិយា បង្ហាញមុខជាញឹកញាប់នៅតាមទំព័រសារព័ត៌មាន ប្រកាសប្រាប់ពីរឿងស្រីម្នាក់ដែលឧទ្ទេសនាមខ្លួនឯងថាជាជំទាវរបស់ មន្ត្រីជាន់ខ្ពស់និងជាឧកញ៉ាល្បីឈ្មោះមួយរូបនៅខេត្តសៀម រាបបានតិះដៀលនិង គំរាមនាងឲ្យប្រគល់សម្ភារៈរួមមាន ផ្ទះ, រថយន្ត និងសណ្ឋាគារទៅឱ្យគេជាប្រពន្ធវិញជាកំហិត បើមិនដូច្នេះទេ គេនឹងបញ្ចេញនូវខ្សែវីដេអូសិច ដែលបង្ហាញពីក្បាច់រួមរ័ក្សស្នេហា រវាងនាងសូរិយាជាមួយនឹងមន្ត្រីរូបនោះជាសាធារណៈ ។ រហូតមកដល់ពេលនេះ មិនឃើញមានការបង្ហាញនូវ ខ្សែវីដេអូសិចនោះទេ តែបែរជាលេចព័ត៌មានមកថាជំទាវរូបនោះបានណាត់ជួបជាមួយ កែវ សូរិយាតែពីរនាក់តទល់ក្នុងពេលឆាប់ៗនេះទៅវិញ។ប្រិយមិត្តអ្នកអាន ចង់ដឹងនូវព័ត៌មាននោះតើវាយ៉ាងដូច ម្តេច? ឬគ្រាន់តែជាការប្រឌិត ឡើងដើម្បីកេងយកចំណេញខាងប្រជាប្រិយភាព ក្នុងខណៈដែលរូបនាងសូរិយាមិនសូវល្បីល្បាញនោះ?
ក្នុងសប្តាហ៍នេះ រដ្ឋមន្ត្រីការបរទេសថៃលោកកាស៊ីត ភិរម្យបានប្រកាសថា រដ្ឋាភិបាលថៃរបស់លោកនឹងស្នើបង្កើតយន្តការដោះស្រាយជម្លោះព្រំដែន កម្ពុជា-ថៃមួយក្នុងចំណោមសមាជិកអាស៊ានដែលត្រូវមកជួបជុំគ្នាក្នុង ប្រទេសថៃនាចុងខែតុលានេះ។ កម្ពុជាមិនភ្ញាក់ផ្អើលជាមួយនិងគំនិតរបស់រដ្ឋាភិបាលថៃនេះទេ ហើយកម្ពុជាគិតថាថៃកំពុងបង្កើតល្បិចកលអ្វីមួយដើម្បីគេចវេះពី ការដោះស្រាយវិបត្តិព្រំដែនទៅវិញ។
បណ្តាញ ព័ត៌មាននៅក្នុងប្រទេសកម្ពុជា កំពុងរីកចម្រើនក្នុងទីផ្សារដ៏តូចចង្អៀត។ ការប្រកួតប្រជែងកាន់តែខ្លាំង ជំរុញអោយតម្លៃពាណិជ្ជកម្មកាន់តែធ្លាក់ចុះហើយនេះគឺជាគ្រោះថ្នាក់ ក្នុងវិស័យសារព័ត៌មានទៅវិញទេ។
មេដឹកនាំកំពូលៗរបស់គណបក្សប្រជាជនកម្ពុជារក្សាភាពស្ងប់ស្ងៀម ក្រោយពី សហចៅក្រមស៊ើបអង្កេតខាងភាគីអន្តរជាតិកោះហៅទៅផ្តល់សក្ខីកម្មនៅសាលា ក្តីខ្មែរក្រហម។
Camnews 