ខែវិច្ឆិកា 12, 2011 
ដោយ : សុខ ភក្តី
ថ្ងៃទី 12 វិច្ឆិកា 2011
CEN
ភ្នំពេញ: កូនកំព្រាក្នុងរបបខ្មែរក្រហម កញ្ញា សេង ធារី បានប្រកាសដកខ្លួន ចេញពីដើមបណ្តឹងរដ្ឋប្បវេណី ក្នុងតុលាការខ្មែរក្រហម ចាប់ពីពេលនេះតទៅ។ ជាការសម្រេចចិត្ត ដែលប្រធានសមាគមជនរងគ្រោះ ក្នុងរបបខ្មែរក្រហមនៅកម្ពុជា បានថ្កោលទោសតុលាការខ្មែរក្រហមថា ជាតុលាការ មិនបានការ និងមានជ្រៀតជ្រៀតដោយនយោបាយ។
សេចក្តីប្រកាសដូច្នេះ បានធ្វើឡើង តាមរយៈសេចក្តីថ្លែងការណ៍ព័ត៌មាន ជាភាសាអង់គ្លេស ដែលបានចេញផ្សាយ កាលពីព្រលប់ ថ្ងៃទី១១វិច្ឆិកា ឆ្នាំ២០១១។
កញ្ញា សេង ធារី បានបញ្ជាក់ប្រាប់ CEN នៅព្រឹកថ្ងៃទី១២វិច្ឆិកា ឆ្នាំ២០១១ថា “ខ្ញុំបានប្តេជ្ញាចិត្តហើយថា ខ្ញុំអត់ចង់មានទំនាក់ទំនងជាផ្លូវការជាមួយតុលាការខ្មែរក្រហមទៀតទេ ពីព្រោះ នេះជាតុលាការចំអកឡកលើយ និងជាឆាកកំប្លែងនយោបាយ ដែលកំពុងលេងសើចជាមួយការឈឺចាប់របស់ខ្ញុំ និងជាមួយការឈឺចាប់របស់ជនរងគ្រោះផ្សេងៗទៀត នៅក្នុងរបបខ្មែរក្រហម”។
សេចក្តីពិស្តារនៃការសម្រេចចិត្តរបស់កញ្ញា សេង ធារី នឹងត្រូវប្រកាសជាផ្លូវការ ក្នុងសន្និសីទកាសែត នៅផ្ទះរបស់កញ្ញា សេង ធារី ផ្ទះលេខ ២២ B ផ្លូវលេខ ៣០២ នាម៉ោង ១០ ព្រឹក ថ្ងៃទី១៥វិច្ឆិកា ឆ្នាំ២០១១។
យ៉ាងណាក៏ដោយ លោក នេត្រ ភក្ត្រា អ្នកនាំពាក្យសាលាក្តីខ្មែរក្រហម បានមានប្រសាសន៍ថា ការសម្រេចចិត្តរបស់កញ្ញា សេង ធារី គឺជាសិទ្ធិរបស់គាត់។ ប៉ុន្តែការដកខ្លួននោះ នឹងមិនប៉ះពាល់ដល់ដំណើរការស្វែងរកយុតិ្តធម៌របស់តុលាការខ្មែរក្រហមទេ។ តុលាការខ្មែរក្រហម ដែលបំពេញបេសកកម្ម តាមច្បាប់យ៉ាងត្រឹមត្រូវ។
រីឯការចោទប្រកាន់ថា សាលាក្តីខ្មែរក្រហម មានការជ្រៀតជ្រែកនយោបាយនោះ ត្រូវបានលោក នេត្រ ភក្ត្រា បញ្ជាក់ថា គ្រាន់តែជាការលើកឡើង ដោយគ្មានមូលដ្ឋានច្បាស់លាស់ប៉ុណ្ណោះ៕
Camnews 
ប្រជាពលរដ្ឋខ្មែរបានទទួលរងនូវទុក្ខវេទនាជាច្រើន។ដូចេ្នះសូមអស់លោកមេត្តាអាណិតប្រជាជនផងក្នុងនាមជាមនុស្សដូចជាអស់លោកផងដែរ។
ច្បាប់ជាសំណាញ់ពិងពាងចាប់ជាប់តែរុយនិងមូសតែមិនអាចចាប់សត្វស្ទាំងបានឡើយ
ឬមានន័យជារបបងការពារអ្នកធំតែជាច្រវាក់ដាក់កអ្នកក្រ។
Justice in Cambodia is depended on Money. The more money someone has, the more opportunity for that person to have justice.
អ្នកដឹកនាំដដែលៗ ទោះបីផ្លាស់ប្តូសង្គម ឲ្យតែមនុស្សដដែលៗនៅក្នុងនយោបាយខ្មែរ វាតែប៉ុណ្ណឹង!។ ធ្លាប់បានរំលឹកម្តងហើយថា តុលាកាខ្មែរក្រហមគ្រាន់តែជាការឡប់ ឡែកាត់ទោសមនុស្សមិនបានការ។ ឃាដករពិតដែលមិនមែនខ្មែរ ត្រូវបានគេធ្វើច្បាប់ រំដោះការពារទុក បើទោះជាបន្តការកាត់ទោសតែខ្មែរគ្នាឯង គ្មានបានផលប្រយោជន៌ទេ។
ការដកខ្លួនចេញត្រឹមត្រូវ ពួកអ្នកដឹកនាំសព្វថ្ងៃមួយភាគធំ ជាអតិតសមាជិក ខ្មែរក្រហម ។ Good luck Theary