ដោយ : សុខ ភក្តី
ថ្ងៃទី 11 វិច្ឆិកា 2011
CEN
ភ្នំពេញ: នៅរសៀលម៉ោង ៤ និង ៣០ នាទី ថ្ងៃទី១១វិច្ឆិកា ឆ្នាំ២០១១ ព្រះមហាក្សត្រ សម្តេចព្រះបរមនាថ នរោត្តម សីហមុនី បានយាងចូលរួមក្នុងពិធីពន្លត់ភ្លើងជ័យ នៅវិមានឯករាជ្យ ដើម្បីបិទបញ្ចប់បុណ្យឯករាជ្យរយៈពេល ៣ ថ្ងៃ ចាប់ពីព្រឹកថ្ងៃទី៩វិច្ឆិកា ឆ្នាំ២០១១។
ក្នុងពិធីនៅរសៀលនេះ មានការចូលរួមពីសម្តេចនាយករដ្ឋមន្ត្រី ហ៊ុនសែន សម្តេចហេងសំរិន សម្តេចសង្ឃរាជទាំងពីរគណៈ ព្រមទាំងមន្ត្រីរាជការនាម៉ឺនសព្វមុខមន្ត្រី និងសិក្សានុសិស្ស ជាច្រើននាក់។ ក៏ប៉ុន្តែសម្តេចជាស៊ីម ប្រធានព្រឹទ្ធសភា និងជាប្រធានគណបក្សប្រជាជនកម្ពុជា នៅតែអវត្តមាន ដូចកាលពីបើកពិធីបុណ្យឯករាជ្យជាតិ កាលពីថ្ងៃទី៩វិច្ឆិកា ឆ្នាំ២០១១។
ថ្ងៃ៩វិច្ឆិកា ឆ្នាំ១៩៥៣- ថ្ងៃ៩វិច្ឆិកា ឆ្នាំ២០១១ នៅឆ្នាំនេះ ជាខួបលើកទី៥៨ នៃទិវាបុណ្យឯករាជ្យជាតិ ដែលកម្ពុជាបានប្រារព្ធពិធីខួបអនុស្សាវរីយ៍យ៉ាងអធិកអធម ក្រោមព្រះរាជាធិបតីភាពដ៏ខ្ពង់ខ្ពស់របស់ព្រះមហាក្សត្រ សម្តេចព្រះបរមនាថ នរោត្តម សីហមុនី និងប្រមុខដឹកនាំរដ្ឋាភិបាល រដ្ឋសភា ព្រឹទ្ធសភា នាម៉ឺនសព្វមុខមន្ត្រី ព្រមទាំងមហាជនយ៉ាងច្រើនកោះករ កាលពីព្រឹកថ្ងៃទី៩វិច្ឆិកា ឆ្នាំ២០១១។
ទិវាបុណ្យឯករាជ្យជាតិដ៏ធំជារៀងរាល់ឆ្នាំ ត្រូវបានប្រារព្ធឡើង ដើម្បីរំលឹកដល់ស្នាព្រះហស្ថរបស់សម្តេចព្រះ នរោត្តម សីហនុ ដែលព្រះអង្គបានដឹកនាំធ្វើព្រះរាជបូជនីយកិច្ច ដណ្តើមឯករាជ្យភាពពេញលេញពីប្រទេសបារាំង។ បារាំង បានធ្វើជាអាណាព្យាបាលកម្ពុជា ចាប់តាំងពីឆ្នាំ១៨៦៣ ដល់ថ្ងៃទី៩វិច្ឆិកា ឆ្នាំ១៩៥៣។
សូមរម្លឹកថា ទិវាបុណ្យឯករាជ្យជាតិ នៅឆ្នាំនេះ ត្រូវចំថ្ងៃពិធីបុណ្យអុំទូក រយៈពេលបីថ្ងៃ ចាប់ពីថ្ងៃទី៩វិច្ឆិកា ឆ្នាំ២០១១។ ក៏ប៉ុន្តែរដ្ឋាភិបាល បានលុបចោលពិធីប្រណាំងទូក នៅមុខព្រះបរមរាជវាំង ដើម្បីសន្សំថវិកាជាតិ សម្រាប់ជួយដល់ជនរងគ្រោះដោយសារទឹកជំនន់៕
It is a mystery,why Chea Sim not enjoyed in commermoration of its independance?
Also,Chea Sim’s agents has been arrested most of them by accused of crimes.It is very depressed and frustrated of Chea Sim even his survivour is nonsense.
មេីលទៅដូចជាចម្លែកជាងមហាក្សត្រប្រទេសដ៍ទៃទៀត។ ព្រះមហាក្សត្រខ្មែរឬអតីតព្រះមហាក្សត្រខ្មែរតែងតែដើរ
សំពះអស់ហើយតាំងក្មេងក្មាង,អ្នកលក់ការេ៉មកី,ទឹកត្នោតជូរ,
ចេកអាំងចេកចៀន លនឹងល។តើមកពីហេតុអ្វីទៅហ្ន៏?គឺខុសពីជំនាន់
មុន ប្រហែលជាលោកត្រូវតែធ្វើទៅតាមកាលៈទេសៈទេដឹង!។