ខែវិច្ឆិកា 12, 2011 
ដោយ អ៊ួន ឈិន
2011-11-12
វិទ្យុអាស៊ីសេរី
មន្ត្រីមជ្ឈមណ្ឌលការពារសិទ្ធិមនុស្សកម្ពុជា ដែលបានតាមឃ្លាំមើលការដើរល្បាតរបស់សកម្មជនការពារព្រៃឡង់ប្រមាណ ៣០០នាក់ បានឲ្យដឹងថា នៅល្ងាចថ្ងៃ១១ ខែវិច្ឆិកា សកម្មជនការពារព្រៃឡង់ បានចូលទៅដល់ទីតាំងក្រុមហ៊ុនកៅស៊ូវៀតណាម CRCK ហើយបានប៉ះទង្គិចជាមួយក្រុមសមត្ថកិច្ចការពារក្រុមហ៊ុន។
១០-វិច្ឆិកា-២០១១៖ ក្បួន របស់ សកម្មជន ការពារ ព្រៃឡង់ ដង្ហែ ឆ្ពោះ ទៅ ក្រុមហ៊ុន វៀតណាម CRCK នៅ ព្រៃឡង់ នា ខេត្ត កំពង់ធំ។ (RFA/Uon Chhin)
http://flash-mp3-player.net/medias/player_mp3_maxi.swf
ការប៉ះទង្គិចមួយបានកើតឡើងរវាងប្រជាសហគមន៍ព្រៃឡង់ និងកងកម្លាំងប្រដាប់អាវុធ មាននគរបាល និងកងរាជអាវុធហត្ថនៅចំណុចភូមិជាំប្រអប់ ឃុំសណ្ដាន់ ស្រុកសណ្ដាន់ ខេត្តកំពង់ធំ កាលពីរសៀលថ្ងៃទី១១ ខែវិច្ឆិកា ឆ្នាំ២០១១។
តំណាងប្រជាសហគមន៍ព្រៃឡង់ដែលជាជនជាតិដើមភាគតិចព្នង មកពីខេត្តស្ទឹងត្រែង លោក យ៉ែម សុខខូយ បានឲ្យដឹងថា នៅរសៀលថ្ងៃទី១១ ខែវិច្ឆិកា ប្រជាសហគមន៍ព្រៃឡង់ចំនួនប្រមាណជាង ៣០០នាក់ ដែលកំពុងស្ថិតក្នុងយុទ្ធនាការទប់ស្កាត់ និងបង្ក្រាបបទល្មើសព្រៃឈើនៅតំបន់ព្រៃឡង់ បានដុតឈើនៅទីតាំងអាជីវកម្មឈើខុសច្បាប់មួយកន្លែងនៅភូមិជាំប្រអប់ បន្ទាប់មកកងកម្លាំងប្រដាប់អាវុធស្រុកសណ្ដាន់ប្រមាណ ១០០នាក់ បានឡោមព័ទ្ធចាប់លោក ឈុត វុទ្ធី ដែលជានាយកនៃអង្គការការពារធនធានធម្មជាតិ ដោយចោទលោកថា ជាអ្នកញុះញង់ប្រជាសហគមន៍។
នាយកអង្គការការពារធនធានធម្មជាតិ លោក ឈុត វុទ្ធី ថ្លែងថា ទង្វើរបស់កងកម្លាំងប្រដាប់អាវុធចំពោះរូបលោក និងប្រជាសហគមន៍ បានបង្ហាញយ៉ាងច្បាស់ថា អាជ្ញាធរខេត្តកំពង់ធំ នៅពីក្រោយបទល្មើសព្រៃឈើនៅតំបន់នោះ។
មន្ត្រីស៊ើបអង្កេតជាន់ខ្ពស់នៃអង្គការសិទ្ធិមនុស្សលីកាដូ លោក ឆេង សុភ័ស្ត មានប្រសាសន៍ថា ទាក់ទិននឹងបញ្ហានេះ គួរតែមានការចរចាគ្នារវាងអាជ្ញាធរ និងលោក ឈុត វុទ្ធី។
ប្រជាសហគមន៍ព្រៃឡង់អះអាងថា គិតមកដល់ថ្ងៃទី១១ ខែវិច្ឆិកា យុទ្ធនាការទប់ស្កាត់ និងបង្ក្រាបបទល្មើសព្រៃឈើនៅតំបន់ព្រៃឡង់ បានរកឃើញ និងដុតបំផ្លាញឈើខុសច្បាប់ យ៉ាងហោចណាស់ជាង ២០កន្លែង ដែលមួយកន្លែងៗមានគំនរឈើពី ១០ ទៅ ២០ម៉ែត្រត្រីគុណ ចាប់រណារសម្រាប់អារ និងផ្ដួលរំលំដើមឈើបានចំនួន ៣គ្រឿង និងកៅឡាក់មួយគ្រឿង ដែលជាភស្តុតាងនៃអាជីវកម្មឈើខុសច្បាប់នៅតំបន់ព្រៃឡង់៕
Camnews 
វាគ្មានអ្នកណាដែលហ៊ានទៅកាប់ឈើរក្រៅពីតែប៉ូលីសនឹងចៅហ្វាយខេត្តនោះទេ ពួកអាប្រែតអស់
នឹងតែងតែប្រាប់ប្រជាជនអោយចូលរួមថែរក្សារសម្បត្តិធនធានធម្មជាតិ តែពូកអាប្រែតអស់នឹងជា
អ្នកលក់ទាំងអស់ហ្នឹង ដល់ពេលគេបានចូលរួមថែរក្សារ ថាគេនឹងសុទ្ធតែពួកប្រឆាំង
បងប្អូនការពារព្រៃឡង់នេះគឺត្រឹមត្រូវ បន្តិចទៀតកម្មករកៅស៊ូនៅទីនោះសុទ្ធតែវៀតណាមហើយ
កេមិនយកខ្មែរទេ ។ ហើយពេលនោះ មន្ទីរពេទ្យ វ៌ ណ សាលារៀនក៍ភាសា វ ណាម ភូមិក៍ វ ណាម
ព្រោះកើតកូនកើតចៅច្រើនទៅសុទ្ធតែ វណាម ១០០ឆ្នាំទៅ គឺដីវ ណាមបាត់ខ្មែរបន្តិចម្តង គឺកម្ពុជាក្រោមនោះឯង ។
ខ្ញុំសូមគាំទ្រយ៉ាងពេញទំហឹង នូវទង្វើរដ៏ក្លាហានរបស់បងប្អូន ជនរួមជាតិទាំងអស់ ដែលបានពុះពារតស៊ូរាល់ការលំបាក ជាមួយពូកក្រុមហ៊ុនយួន និងអាជ្ញាធ័រដែនដី ដែលកំពុងកាប់បំផ្លាញ សម្បត្ដិធម្មជាតិយើង ដើម្បីរក្សាទុកឱយកូនចៅជំនាន់ក្រោយ សូមអរគុណ។
ហេតុការណ៍លើកនេះធ្វើឲ្យឃើញព្រៃឈើ
របស់ខ្មែរយើងកំពុងត្រូវក្រុមអ្នកវិនិយោគទុន
ពីប្រទេសវៀតណាមចូលមកបំផ្លាញដើម្បីដាំកៅស៊ូ
ខ្ញុំចង់សួរដោយចំៗថារាជរដ្ឋាភិបាលនេះមាន
បានការគាំទ្រឲ្យបំផ្លាញព្រៃឈើឬដូចម្ដេច?៕
ការដឹកនាំដែលគ្មានសមត្តភាពតែងនាំមកនូវសេចក្តីប្រេះឆា តែចូរកុំភ្លេចថាជាតិជា មនុស្សនិងការលោភលន់ គ្មានទីបញ្ចប់ទេ។ សង្រ្គាមសេដ្ខកិច្ចដែលចាប់ផ្តើមពីការ បាត់បង់របស់រាស្រ្ត វាស្មើរការឈ្លានពាននៃសម័យទំនើប។ បើអ្នកដឹកនាំគ្មានឆន្ទះ សម្រាប់ជាតិ វានិងមានទោសស្មើរនិងក្បត់ជាតិដែរ។