ខែវិច្ឆិកា 15, 2011 
ដោយ : រតនា
ថ្ងៃទី 15 វិច្ឆិកា 2011
CEN
ពិធី ជួបជុំរបស់ គ.ជ.ប. កាលពី ព្រឹក ថ្ងៃទី ១៥ វិច្ឆិកា ឆ្នាំ ២០១១៕
ភ្នំពេញ: លោក សម រង្ស៊ី ប្រធានគណបក្សប្រឆាំង ដែលកំពុងនិរទេសខ្លួន នៅឯក្រៅប្រទេស បានចោទប្រកាន់គណៈកម្មាធិការជាតិរៀបចំការបោះឆ្នោត ហៅកាត់ គ.ជ.ប. ថាស្ថិតនៅក្រោមឥទ្ធិពលគណបក្សកាន់អំណាច នាពេលបច្ចុប្បន្ន។ ក៏ប៉ុន្តែលោក អ៊ឹម សួស្តី ប្រធានគ.ជ.ប. បានច្រានចោលចំពោះការលើកឡើងដូច្នេះ។
ក្នុងសន្និសីទកាសែត កាលពីព្រឹកថ្ងៃទី១៥វិច្ឆិកា ឆ្នាំ២០១១ លោក អ៊ឹម សួស្តី បានលើកឡើងថា គ.ជ.ប. មានអាណត្តិមួយ ដែលរដ្ឋសភា បានកំណត់។ ការងាររបស់លោកនៅ គ.ជ.ប. បានរយៈពេលពីរអាណត្តិមកហើយ គឺលោកចូលធ្វើការតាំងពីឆ្នាំ២០០២ ដែលនឹងផុតអាណត្តិនៅចុងឆ្នាំ២០១២។
លោក អ៊ឹម សួស្តី បានបញ្ជាក់ថា មានសមាជិករដ្ឋសភាចំនួន ៩៩ រូប ដែលបានចូលរួមប្រជុំ និងបានបោះឆ្នោតគាំទ្រ គ.ជ.ប. ចំនួន ៩១ រូប ដែលជាចំនួនច្រើនលើសលុប លើស ២ ភាគ ៣។
លោក អ៊ឹម សួស្តី បានបន្តថា ច្បាប់បានបញ្ជាក់ហើយថា មុនការបោះឆ្នោតសភារយៈពល ៩ ខែ ក្រសួងមហាផ្ទៃស្នើសុំទៅរាជរដ្ឋាភិបាល ហើយរាជរដ្ឋាភិបាលស្នើទៅសភាជាតិ ឲ្យបង្កើត គ.ជ.ប. ឲ្យបានមុនរយៈពេល ៧ខែ មុនការបោះឆ្នោតសភា ហើយការផ្លាស់ប្តូរសមាជិក គ.ជ.ប. យ៉ាងណានោះ គឺអាស្រ័យទៅលើសភាជាតិ សម្រេចកំណត់។
លោក អ៊ឹម សួស្តី បានបញ្ជាក់ថា មានការវាយតម្លៃជាច្រើនពីសហគមន៍អន្តរជាតិថាការបោះឆ្នោតនៅកម្ពុជា ចាប់តាំងពីឆ្នាំ១៩៩៨ មានភាពសេរីយុត្តិធម៌ មិនមែនអាក្រក់ទេ។
លោកបន្តថា ការបោះឆ្នោតជ្រើសរើតំណាងរាស្ត្រនៅឆ្នាំ២០០៨ ត្រូវបានគេវាយតម្លៃថា ជាការបោះឆ្នោតយ៉ាងល្អបំផុតសហគមន៍អឺរ៉ុប ក៏បានបញ្ជូនគណៈប្រតិភូ មកចូលរួមសង្កេតការណ៍ជាច្រើននាក់នៅកម្ពុជា ដែលការបោះឆ្នោតនៅជំនាន់នោះ មានការចូលរួមសង្កេតការណ៍ច្រើនពីសំណាក់សហគមន៍អឺរ៉ុប ហើយសហរដ្ឋអាមេរិកក៏បានបញ្ជូនអ្នកសង្កេតការណ៍បោះឆ្នោតនៅពេលនោះដែរ គឺអង្គការ NDI និង IRI ហើយបានវាយតំលៃដល់ដំណើរការបោះឆ្នោតនៅឆ្នាំ១៩៩៨ថា ”ការបោះឆ្នោតនេះ គឺជាអច្ឆរិយនៃទន្លមេគង្គ” ហើយសហគមន៍អឺរ៉ុប ក៏អីចឹងដែរ វាយតំលៃ កោតសរសើរ ដោយមិននឹកស្មានថា ប្រកាសលទ្ធផលបានដូច្នេះ។
លោក អ៊ឹម សួស្តី បានបញ្ជាក់ទៀតថា ចាប់តាំងឆ្នាំ១៩៩៨ និង២០០៣ គឺអន្តរជាតិបានវាយតម្លៃថា ការបោះឆ្នោតល្អជាងការបោះឆ្នោតលើកមុនៗទៅទៀត។ ផ្ទុយទៅវិញក៏មាន អង្គការក្រៅរដ្ឋាភិបាលខ្លះ ក៏បានវាយតំលៃ ហើយមានអង្គការក្រៅរដ្ឋាភិបាលខ្លះ ក៏សុំទាមទារឲ្យប្តូរសមាសភាពដឹកនាំ គ.ជ.ប. ដែរ។
លោកប្រធាន គ.ជ.ប. បានបញ្ជាក់ថា គ.ជ.ប. មានទិសដៅច្បាស់លាស់ គឺធ្វើយ៉ាងណាគោរពឲ្យបានត្រឹមត្រូវនៅច្បាប់បោះឆ្នោត និងនីតិវិធីដែលបានកំណត់ ដែលធ្វើដោយតម្លាភាព។
លោក អ៊ឹម សួស្តី បានបញ្ជាក់ទៀតថា ” wikileak បាននិយាយទាក់ទងនឹងស្រុកខ្មែរ និងការបោះឆ្នោតនៅកម្ពុជា។ កាលនោះ ទូតបរទេសមួយសរសេរថា ទោះបីជាគេចោទ គ.ជ.ប. យ៉ាងណាក៏ដោយតែពីមួយថ្ងៃទៅមួយថ្ងៃ គ.ជ.ប. ធ្វើការដោយតម្លាភាព”។ នេះជាទិសដៅរបស់ គ.ជ.ប. ប្រឹងប្រែងធ្វើឲ្យមានតម្លាភាព។
សូមបញ្ជាក់ថា នៅក្នុងសមាសភាពសមាជិក គ.ជ.ប. ដែលមានចំនួនសរុប ៩ រូប ក៏មានមន្ត្រីតំណាងគណបក្ស សម រង្ស៉ី កំពុងតែធ្វើការនៅក្នុងស្ថាប័ននេះដែរ គឺលោក សោម ច័ន្ទឌីណា និងលោក ម៉ៅ សុភារិទ្ធិ៕
Camnews 
កុំថាឡើយ គ ជ ប សូម្បីតែតុលាការ ខ្មែរក្រហមក៏ នៅក្រោមដែរ ព្រោះគាត់ប្រើយុទ្ឋសាស្ត្រឈឺសាច់ បើអ្នកណាប្រឆាំងគាត់ គាត់ធ្វើទារុណកម្មរាស្ត្រ នេះពិតជាយុទ្ឋសាស្ត្រឈ្នះ ឈ្នះ មែន
“ចោកម្រឆ្លើយថាចោណាស់”
អឹម សួរស្តី ចាស់ហើយល្មមទៅងាប់ហើយ បានតែថាមិននៅក្រោយបក្សប្រជាជន ចាំបាច់គេនិយាយ
ដែរអី ?? សូម្បីតែកូនក្មេងរៀនបឋម ក៏ពួកគេដឹងដែរ