Camnews | Daily Archive | 1st ខែកញ្ញា, 2011

ពលរដ្ឋនៅជនបទប្រឈមគ្រោះថ្នាក់ដោយសារការប្រែប្រួលអាកាសធាតុ

ខែកញ្ញា 1, 2011 ដោយ icamnews 4 មតិ

ដោយ វោហារ ជាតិ
2011-09-02
វិទ្យុអាស៊ីសេរី

ការិយាល័យកម្មវិធីអភិវឌ្ឍន៍សហប្រជាជាតិ ប្រចាំកម្ពុជា (UNDP) បានចេញប្រកាសព័ត៌មានមួយថា ប្រជាជនកម្ពុជា នៅតាមជនបទប្រឈមនឹងហានិភ័យធ្ងន់ធ្ងរ ដោយសារធាតុអាកាសប្រែប្រួល។

វាល ស្រែ ល្វឹងល្វើយ នៅ ស្រុក សណ្ដាន់ ខេត្ត កំពង់ធំ លិចលង់ ដោយ ទឹក ជំនន់ បណ្ដាល មក ពី ព្យុះ កេតសាណា (Ketsana Typhoon) កាល ពី ចុង ឆ្នាំ ២០០៩។ (Oxfam/Sokleak Seang)

សេចក្ដីប្រកាសព័ត៌មាននេះធ្វើឡើងចំពេលកសិករភាគច្រើនសប្បាយរីករាយ ដោយសារឆ្នាំនេះ មានភ្លៀងធ្លាក់ដើមឆ្នាំ អាចឲ្យពួកគាត់ដក ស្ទូងស្រូវបានទាន់ពេលដើមរដូវវស្សា។ ក៏ប៉ុន្តែ កសិករនៅតាមតំបន់ខ្លះត្អូញត្អែរថា ពួកគាត់មិនទាន់បានដកស្ទូងនៅឡើយទេ ដោយសារមិនមានភ្លៀងធ្លាក់ ដែលនឹងធ្វើឲ្យពួកគាត់ប្រឈមមុខបញ្ហាខ្វះស្បៀងនៅឆ្នាំក្រោយ។

នៅតាមវាលស្រែក្នុងតំបន់ជនបទខ្លះ មានទឹកដក់ សន្ទូងចាប់ឫស លាស់ស្លឹកខៀវស្រងាត់ កសិករខ្លះទៀតប្រឹងធ្វើការងារដកស្ទូងក្រោមភ្លៀងរលឹម លាយឡំសំឡេងសត្វកង្កែប ក្អាត់យំទ្រហឹងពេញវាលស្រែ។ តែដោយសារឥទ្ធិពលធាតុអាកាសប្រែប្រួល កសិករនៅតំបន់ខ្លះ នៅមិនទាន់មានភ្លៀងធ្លាក់ បានភ្ជួរស្រែនៅឡើយទេ។

កសិករ ឈូក សារិ អាយុ ៥៥ឆ្នាំ នៅឃុំមហាឬស្សី ស្រុកគងពិសី ខេត្តកំពង់ស្ពឺ អះអាងថា កសិករនៅតំបន់ជុំវិញភ្នំស្រង់ ខេត្តកំពង់ស្ពឺ និងតំបន់ខ្លះទៀតក្នុងខេត្តតាកែវ ជាប់ព្រំប្រទល់គ្នា មិនមានទឹកធ្វើស្រែទេមកទល់ពេលនេះ គ្រាន់តែមានសត្វកង្កែបក្អាត់យំញឹកញាប់ ហើយមេឃរកកល់ភ្លៀងតែប៉ុណ្ណោះ ដោយគាត់ពោលថា ធាតុអាកាសពេលនេះ ប្រែប្រួលខុសពីមុន ដែលតាមដូនតាចំណាំកន្លងមក កាលណាមានសត្វកង្កែប ឬក្អាត់យំ ភ្លៀងនឹងធ្លាក់ តែបច្ចុប្បន្នខុសពីសម័យដូនតា។

កសិករដដែលបន្តថា ៖ «តំបន់ខ្លះកង្កែបយំចង់ដាច់ខ្យល់ នៅតែអត់ភ្លៀងអ៊ីចឹង។ កាលមុនកាលណាភ្លៀង គឺភ្លៀងទូទៅ ដល់ឥឡូវភ្លៀងតែមួយកណ្ដុបៗ កន្លែងណាភ្លៀង ភ្លៀងអ៊ីចឹងទៅ កន្លែងណាអត់ អត់ទៅ កន្លែងខ្លះមានទៅ ខុសត្រូវគ្នាតែមួយផ្លូវរទេះ ម្ខាងមានទឹក ម្ខាងអត់ទឹក ប្លែកមែនទែន»។

ធាតុអាកាសប្រែប្រួលបណ្ដាលឲ្យប្រទេសកម្ពុជា ជួបគ្រោះមហន្តរាយធម្មជាតិញឹកញាប់ក្នុងរយៈពេលពីរបីឆ្នាំចុងក្រោយនេះ ដូចជា រាំងស្ងួត ទឹកជំនន់ ខ្យល់ព្យុះកេតសាណា ជាដើម។ ដោយសារធាតុអាកាសប្រែប្រួលដូច្នេះ បានធ្វើឲ្យកសិករខ្លះផ្លាស់ប្ដូរទម្លាប់ ធ្វើស្រែតាមទម្លាប់ចាស់ ហើយចេះបំបែនតាមធាតុអាកាសប្រែប្រួលវិញ។

កសិករ វ៉ាន់ ប៉ូ នៅភូមិអូរផុត ឃុំអង្គតាសោម ស្រុកត្រាំកក់ ខេត្តតាកែវ បានមានប្រសាសន៍ថា ការធ្វើស្រែរបស់លោក និងកសិករនៅក្នុងតំបន់របស់លោក បានផ្លាស់ប្ដូរខុសពីទម្លាប់ ដោយសារតែកន្លងមក ការធ្វើស្រែនៅតាមទម្លាប់មិនបានផល ប្រឈមបញ្ហាខ្វះស្បៀង ៖ «ឥឡូវអត់ចាំពេលទេ ភ្លៀងពេលណាធ្វើពេលហ្នឹង។ ភ្លៀងខែ៥ ខែ៦ ចាប់សាប ចាប់ស្ទូង បើកាលណាអត់ភ្លៀង ចាំខែ៧ ខែ៨ បានធ្វើ ខែហ្នឹងតែម្ដងអត់ចាំពេលទេ។ អត់យកពេលវេលាដូចចាស់ពីដើមទេ ចាស់ពីដើមចាំដល់ខែ៨ ខែ៩ បានគាត់ផ្ដើមស្ទូង ព្រោះសន្ទូងវាបែកគុម្ពល្អ។ តែឥឡូវអត់ដូចមុនទេ ចាប់ភ្លៀងពេលណាធ្វើពេលហ្នឹងហើយ ព្រោះអាកាសធាតុវាមិនទៀង»។

ទាក់ទងនឹងធាតុអាកាសប្រែប្រួលនេះ ការិយាល័យកម្មវិធីអភិវឌ្ឍន៍សហប្រជាជាតិ ប្រចាំកម្ពុជា (UNDP) បានធ្វើការសិក្សាស្រាយជ្រាវពិស្ដារមួយ ហើយចេញសេចក្ដីប្រកាសព័ត៌មានមួយនៅថ្ងៃទី៣១ ខែសីហា ឆ្នាំ២០១១ ដោយព្រមានថា ប្រជាជនកម្ពុជា នៅតាមជនបទប្រឈមនឹងហានិភ័យធ្ងន់ធ្ងរ ដោយសារធាតុអាកាសប្រែប្រួលនេះ ហើយតម្រូវឲ្យមានវិធានការការពារ និងទប់ទល់ជាចាំបាច់។

សេចក្ដីប្រកាសព័ត៌មានបានស្រង់សម្ដីលោក ដូក្លាស ប្រូដឺរិក (Douglas Broderick) ប្រធានតំណាង UNDP ត្រូវបានស្រង់សម្ដីអំពីវិធានការទប់ទល់ចម្បងៗខ្លះថា ៖ ក្នុងការឆ្លើយតបនឹងការប្រែប្រួលអាកាសធាតុ គេត្រូវការជូនដំណឹងឲ្យបានត្រឹមត្រូវ ដោយផ្អែកលើប្រភពវិទ្យាសាស្ត្រដ៏ល្អបំផុត ហើយវាមិនមែនអាស្រ័យលើការព្យាករ និងសកម្មភាពធម្មតាទេ។ ទោះបីជាការប្រែប្រួលអាកាសធាតុនាំមកនូវហានិភ័យ និងភាពមិនប្រាកដប្រជាច្រើនបែបយ៉ាងណាក៏ដោយ មានវិធានការនានាដែលគួរប្រកាន់យកជាមុន ដើម្បីកុំឲ្យមានការសោកស្ដាយទៅថ្ងៃក្រោយ។ វិធានការទាំងនោះ នឹងផ្ដល់ផលប្រយោជន៍ទៅថ្ងៃមុខតាមរយៈការដោះស្រាយអាទិភាព ការអភិវឌ្ឍបច្ចុប្បន្ន និងទីបំផុតនឹងបានថែមទៀតនូវភាពធន់ទ្រាំ និងជួយឆ្លើយតបទៅនឹងផលប៉ះពាល់នៃការប្រែប្រួលអាកាសធាតុ។

ជាទូទៅការប្រែប្រួលធាតុអាកាសគេតែងចាត់ទុកថា ជាបញ្ហាបរិស្ថាន តែផលប៉ះពាល់របស់វាមានឥទ្ធិពលធ្ងន់ធ្ងរណាស់ចំពោះការអភិវឌ្ឍរបស់មនុស្ស ជាពិសេសនៅប្រទេសកម្ពុជា ព្រោះថា មនុស្សនឹងជួបគ្រោះមហន្តរាយដោយគ្រោះធម្មជាតិ ដូចជារដូវវស្សាមានរយៈពេលកាន់តែខ្លី និងមានភ្លៀងធ្លាក់កាន់តែច្រើន និងរដូវប្រាំងមានរយៈពេលកាន់តែវែង ដែលនឹងអាចប៉ះពាល់ដល់ការដាំដុះយ៉ាងធ្ងន់ធ្ងរ។ ក្រៅពីនេះ គេបានព្យាករថា សីតុណ្ហភាពអាចមានឥទ្ធិពលដ៏មហន្តរាយមកលើដំណាំស្រូវដែលជាមូលដ្ឋានគ្រឹះសម្រាប់ចិញ្ចឹមជីវិតរបស់ប្រជាពលរដ្ឋនៅជនបទ។

ដើម្បីការពារគ្រោះមហន្តរាយដោយសារធាតុអាកាសប្រែប្រួលនេះ UNDP បានលើកជាអនុសាសន៍ចាំបាច់សំខាន់ៗដែលត្រូវដោះស្រាយនោះ គឺត្រូវដោះស្រាយភាពក្រីក្រ និងភាពងាយរងគ្រោះ ដែលមានទម្រង់ស្មុគស្មាញ ជាជាងគ្រាន់តែផ្ដោតលើការបន្សាំទៅនឹងការប្រែប្រួលអាកាសធាតុ។

ចំពោះរបាយការណ៍សិក្សាថ្មីរបស់ការិយាល័យ UNDP ប្រចាំប្រទេសកម្ពុជា ស្ដីអំពីធាតុអាកាសប្រែប្រួលនេះ មានអង្គការមួយចំនួនបានគាំទ្រ ដូចជា លោក យី គឹមថាន នាយកកម្មវិធីអភិវឌ្ឍន៍មូលដ្ឋាននៃមជ្ឈមណ្ឌលសិក្សា និងអភិវឌ្ឍន៍កសិកម្មកម្ពុជា ដែលគេនិយមហៅថា អង្គការសេដាក់ បានមានប្រសាសន៍ថា ការសិក្សានេះមានប្រយោជន៍ណាស់សម្រាប់ប្រទេសកម្ពុជា និងកសិករកម្ពុជា។

របាយការណ៍នៃការសិក្សាថ្មីដែលមិនធ្លាប់មានរបស់ UNDP នេះ បានបង្ហាញអំពីតម្រូវការឲ្យមានកិច្ចប្រឹងប្រែងប្រកបដោយការសម្របសម្រួលល្អ ដើម្បីកសាងភាពធន់ទ្រាំក្នុងចំណោមប្រជាពលរដ្ឋនៅជនបទទៅនឹងការប្រឈមចំពោះមុខនៃអាកាសធាតុប្រែប្រួលមានចំណុចគន្លឹះសំខាន់៤។

ទី១ ធនធានទឹក៖ ការគ្រប់គ្រង និងចែកចាយទឹក ប្រើប្រាស់ទឹកដោយនិរន្តរភាព យុត្តិធម៌ និងសមធម៌។ ទី២ កសិកម្ម៖ ធានាការព្យាករអាកាសធាតុ និងសីតុណ្ហភាព និងព្យាករពីផលប៉ះពាល់ និងគ្រោះមហន្តរាយឲ្យបានសុក្រឹត និងទុកចិត្តបាន។ ទី៣ ព្រៃឈើ៖ ការពារព្រៃឈើ ព្រោះថាព្រៃឈើអាចការពារទឹកជំនន់ ការហូរបាក់ ច្រោះ និងព្រៃឈើអាចការពារបរិស្ថានល្អ ដែលផ្ដល់អុកស៊ីហ្សែន និងការបោនបូក មានប្រយោជន៍ដល់សុខភាពមនុស្ស សត្វ។ ទី៤ ជលផល៖ គឺទាមទារឲ្យមានការកែប្រែប្រព័ន្ធគ្រប់គ្រងដូចសព្វថ្ងៃដែលកំពុងតែផ្ដោតលើសហគមន៍ និងឡូត៍នេសាទជាលក្ខណៈពាណិជ្ជកម្ម ហើយប្ដូរទៅរកការគ្រប់គ្រងថ្មី តាបបែបការគ្រប់គ្រងជាតំបន់ធំទូលាយ រួមទាំងតំបន់នេសាទដែនគោកដែរ៕

ពត៌មានខ្មែរ, សេដ្ឋកិច្ច & នយោបាយ

នៅថ្ងៃទី១កញ្ញានេះ ប្រធានរដ្ឋសភាឡាវ ផ្តើមបំពេញដំណើរទស្សនកិច្ចនៅកម្ពុជារយៈពេល ៤ ថ្ងៃ

ខែកញ្ញា 1, 2011 ដោយ icamnews 0 Comments

ដោយ : CEN
ថ្ងៃទី 1 កញ្ញា 2011

លោកស្រី ប៉ានី យ៉ា ថូរ ទូ ប្រធានរដ្ឋសភា ឡាវ អញ្ជើញ ទៅ គោរព វិញ្ញាណក្ខន្ធ និង ដាក់ កម្រងផ្កា នៅ វិមាន ឯករាជ្យ កាលពី រសៀល ថ្ងៃ ទី ១ កញ្ញា ឆ្នាំ ២០១១ ។ គណៈប្រតិភូ រដ្ឋសភា ឡាវ បំពេញ ទស្សនកិច្ច ផ្លូវការ នៅ កម្ពុជា រយៈពេល ៤ ថ្ងៃ ចាប់ពី ថ្ងៃ ទី ១ កញ្ញា ឆ្នាំ ២០១១៕ (រូបថត ៖ ស៊ីវ ចាន់ណា)

ភ្នំពេញ: គណៈប្រតិភូជាន់ខ្ពស់រដ្ឋសភា នៃសាធារណរដ្ឋប្រជាធិបតេយ្យប្រជាមានិតឡាវ ដឹកនាំដោយលោកស្រី ប៉ានី យ៉ាថុទូ ( Pany Yathotou ) ប្រធានរដ្ឋសភាឡាវ បានចាប់ផ្តើមបំពេញដំណើរទស្សនកិច្ចជាផ្លូវការ និងជាមិត្តភាព នៅកម្ពុជា ចាប់ពីថ្ងៃទី១ ដល់ថ្ងៃទី៤ ខែកញ្ញា ឆ្នាំ២០១១។

បន្ទាប់ពីចុះពីលើយន្តហោះ នៅម៉ោង ១២ និង ៣០ នាទី លោកស្រីប្រធានរដ្ឋសភាឡាវ និងជាសមាជិកការិយាល័យនយោបាយ នៃគណៈកម្មាធិការមជ្ឈិមបក្សប្រជាជនឡាវ បានដឹកនាំគណៈប្រតិភូ ទៅគោរពវិញ្ញាណក្ខន្ធយុទ្ធជនកម្ពុជា និងដាក់កម្រងផ្កា នៅវិមានឯករាជ្យ នារសៀលថ្ងៃទី១កញ្ញា ឆ្នាំ២០១១។

នៅវិមានឯករាជ្យ គណៈប្រតិភូសភាឡាវ អមដំណើរដោយលោក ឈាងវុន ប្រធានគណៈកម្មការទី៥រដ្ឋសភា និងលោកនាយឧត្តមសេនីយ៍ ទៀ បាញ់ រដ្ឋមន្ត្រីក្រសួងការពារជាតិកម្ពុជា ព្រមទាំងនាម៉ឺនសព្វមុខមន្ត្រីជាច្រើនទៀត។

តាមកម្មវិធី នៅរសៀលថ្ងៃទី១កញ្ញានេះ លោកស្រី ប្រធានរដ្ឋសភាឡាវ បានដឹកនាំគណៈប្រតិភូ ទៅទស្សនាសារមន្ទីរជាតិ និងទស្សនាព្រះបរមរាជវាំង។

នាព្រឹកថ្ងៃទី២កញ្ញា ឆ្នាំ២០១១ គណៈប្រតិភូសភាឡាវ ចូលសម្តែងការគួរសមជាមួយសម្តេច ជាស៊ីម ប្រធានព្រឹទ្ធសភា មុននឹងរដ្ឋសភាកម្ពុជា ធ្វើពិធីបដិសណ្ឋារកិច្ចជាផ្លូវការទទួលលោកស្រីប្រធានរដ្ឋសភាឡាវ នៅវិមានរដ្ឋសភា ក្រោមអធិបតីភាពសម្តេច ហេង សំរិន ប្រធានរដ្ឋសភាកម្ពុជា។ បន្ទាប់មក នៅម៉ោង ៩ ព្រឹកថ្ងៃទី២កញ្ញា ឆ្នាំ២០១១ គណៈប្រតិភូសភាឡាវ ត្រូវជួបទ្វេភាគីជាមួយសម្តេច ហេងសំរិន និងថ្នាក់ដឹកនាំសភាប្រទេសទាំងពីរ។

នៅរសៀលម៉ោង ៤ ថ្ងៃទី២កញ្ញា ឆ្នាំ២០១១ គណៈប្រតិភូសភាឡាវ ត្រូវចូលជួបសម្តែងការគួរសមជាមួយសម្តេចនាយករដ្ឋមន្ត្រី ហ៊ុន សែន នៅវិមានសន្តិភាព។ នៅម៉ោង ៥ និង ៣០ នាទី គណៈប្រតិភូសភាឡាវ ត្រូវចូលក្រាបបង្គំគាល់ព្រះមហាក្សត្រសម្តេចព្រះបរមនាថ នរោត្តម សីហមុនី នៅក្នុងព្រះបរមរាជវាំង។

រហូតដល់ព្រឹកថ្ងៃទី៣កញ្ញា ឆ្នាំ២០១១ គណៈប្រតិភូសភាឡាវ នឹងត្រូវចេញដំណើរទៅលំហែតាមឆ្នេសមុទ្រ ខេត្តព្រះសីហនុ។ នៅព្រឹកថ្ងៃទី៤កញ្ញា ឆ្នាំ២០១១ គណៈប្រតិភូសភាឡាវ វិលត្រឡប់ពីខេត្តព្រះសីហនុ មកកាន់រាជធានីភ្នំពេញ និងនៅល្ងាចម៉ោង ៤ និង ៣០ នាទី គណៈប្រតិភូសភាឡាវ ត្រូវនិវត្តន៍ ទៅកាន់មាតុប្រទេសវិញ តាមជើងយន្តហោះ VN 840 ៕

ពត៌មានខ្មែរ, សេដ្ឋកិច្ច & នយោបាយ

អ្នកភូមិបឹងកក់រកអន្តរាគមន៍ចំពោះអ្នកដែលគ្មានឈ្មោះក្នុងគម្រោងអភិវឌ្ឍន៍

ខែកញ្ញា 1, 2011 ដោយ icamnews 0 Comments

ដោយ មុំ សុផុន
2011-09-01
វិទ្យុអាស៊ីសេរី

ក្រុមអ្នកភូមិបឹងកក់ជិត ១០០នាក់ បានមកជួបប្រជុំគ្នានៅក្បែរវត្តបទុមវតី នៅថ្ងៃទី០១ ខែកញ្ញា ឆ្នាំ២០១១ ដើម្បីសុំឲ្យលោកនាយករដ្ឋមន្ត្រី ហ៊ុន សែន ជួយអន្តរាគមន៍ដល់ប្រជាពលរដ្ឋចំនួន ៤៧គ្រួសារដែលអាជ្ញាធរបានកាត់ចេញពីគម្រោងអភិវឌ្ឍន៍នៅនឹងកន្លែងដែលរដ្ឋាភិបាលបានកាត់ដីឲ្យកាលពីពេលថ្មីៗនេះ។

០១-កញ្ញា-២០១១៖ ពលរដ្ឋ តំបន់ បឹង កក់ ម្នាក់ កំពុង បង្ហាញ លិខិត កម្មសិទ្ធិ ដល់ មន្ត្រី ខុទ្ទកាល័យ នាយករដ្ឋមន្ត្រី ហ៊ុន សែន។ (RFA/Mom Sophon)

អ្នកស្រី ទេព វន្នី តំណាងអ្នកភូមិបឹងកក់ បានសុំឲ្យរដ្ឋាភិបាលចាត់អ្នកអង្កេត ដើម្បីត្រួតពិនិត្យមន្ត្រីថ្នាក់ក្រោមដែលបានកេងបន្លំគម្រោងអភិវឌ្ឍន៍របស់អ្នកភូមិបឹងកក់នោះ ៖ «ពួកខ្ញុំមកព្រឹកហ្នឹងគឺយកស្នាមមេដៃប្រជាពលរដ្ឋដែលរងគ្រោះពិតប្រាកដ ដែលមន្ត្រីថ្នាក់ក្រោម អាជ្ញាធរថ្នាក់ក្រោម និងខាងមន្ត្រីសុរិយោដីថ្នាក់ក្រោមហ្នឹង បានកាត់និងឆ្វៀលពួកគាត់ចេញ មិនឲ្យអភិវឌ្ឍន៍នៅលើដីទំហំ ១២,៤៤ហិកតារ ដែលជាអនុក្រឹត្យរបស់សម្ដេចគាត់ផ្ដល់ជូនប្រជាពលរដ្ឋដែលរស់នៅតំបន់បឹងកក់ទាំងអស់។ ដី ១២,៤៤ហិកតារនោះធំណាស់ គ្រប់គ្រាន់សម្រាប់ពួកគាត់ដែលចូលរួម ហើយបើសិនជាគ្មានតួលេខពួកគាត់ទាំងអស់ហ្នឹងទេ ក៏របាយការណ៍របស់ខណ្ឌមិនឡើងដល់ ៧៩៤គ្រួសារដែរ។ អ៊ីចឹងពួកខ្ញុំចង់ឆ្ងល់ថា តើមន្ត្រីថ្នាក់ណាមួយដែលហ៊ានស៊ីញេ និងកាត់ពួកគាត់ចេញពីអនុក្រឹត្យដែលសម្ដេចដែលផ្ដល់ជូនប្រជាពលរដ្ឋទាំងអស់នៅបឹងកក់»។

កាលពីថ្ងៃទី១១ ខែសីហា កន្លេងទៅ រដ្ឋាភិបាលបានចេញអនុក្រឹត្យកាត់ដីទំហំ ១២,៤៤ ហិកតារចេញពីគម្រោងអភិវឌ្ឍន៍ទំហំជិត ១៣៣ហិកតារ របស់ក្រុមហ៊ុនស៊ូកាគូ ឲ្យទៅប្រជាពលរដ្ឋចំនួនជាង ៧០០គ្រួសារ ដែលនៅសេសសល់ពីការបណ្ដេញចេញ។

មន្ត្រីខុទ្ទកាល័យលោកនាយករដ្ឋមន្ត្រីបានទទួលយកលិខិតរបស់ប្រជាពលរដ្ឋតំបន់បឹងកក់ ទាំងនោះ ហើយលោកបានថ្លែងទៅកាន់ប្រជាពលរដ្ឋដោយកុំឲ្យជឿតាមព័ត៌មានបំផ្លើស ក្រៅពីឯកសាររបស់រដ្ឋាភិបាល និងអាជ្ញាធរ៕

ពត៌មានខ្មែរ, សេដ្ឋកិច្ច & នយោបាយ

សាឡុត ស និងឥទ្ធិពលបក្សកុម្មុយនិស្តចិន

ខែកញ្ញា 1, 2011 ដោយ icamnews 10 មតិ

ដោយ សេង ឌីណា
ថ្ងៃ ព្រហស្បតិ៍ 01 កញ្ញា 2011
RFI

ស្តាប់បទអត្ថាធិប្បាយរបស់ សេង ឌីណា (05:32)

សាឡុត ស បានក្លាយជាលេខាបក្សពលករកម្ពុជា ដែលជាតំណែងខ្ពស់បំផុតក្នុងបក្ស កាលពីខែកុម្ភៈ ឆ្នាំ១៩៦៣។ ក្រោយពីបានឡើងកាន់តំណែងនេះ មិនដល់មួយខែផង សាឡុត ស ក៏បានបង្ខំចិត្តរត់ចេញ ពីភ្នំពេញ ទៅលាក់ខ្លួនក្នុងព្រៃ ពីការតាមប្រមាញ់របស់រដ្ឋាភិបាល។ ការរស់នៅលាក់ខ្លួនបែបនេះ ធ្វើឲ្យសាឡុត ស ត្រូវកាត់ផ្តាច់ពីពិភពខាងក្រៅ ហើយមិនអាចធ្វើអ្វី ជាដុំកំភួនបានទេ។ ក៏ប៉ុន្តែ អ្វីៗបានផ្លាស់ប្តូរ ក្រោយពីព្រឹត្តិការណ៍រដ្ឋប្រហារទម្លាក់សម្តេច នរោត្តម សីហនុ នៅខែថ្ងៃទី១៨ មីនា ឆ្នាំ១៩៧០។

ប៉ុលពត (កណ្តាល) និង អៀង សារី ចូល ជួប ម៉ៅ សេទុងក្នុង ទីក្រុង ប៉េកាំង ©AFP(បណ្ណាសារ)

ចាប់តាំងពីបានរត់ចូលព្រៃ កាលពីដើមឆ្នាំ១៩៦៣មក សាឡុត ស បានចំណាយពេលភាគច្រើននៃជីវិតរបស់គាត់ រស់ក្នុងការលាក់ខ្លួន គេចពួនពីការតាមប្រមាញ់របស់រាជរដ្ឋាភិបាលសង្គមរាស្រ្តនិយម។ ការរស់នៅលាក់ខ្លួនបែបនេះ ជាពិសេស ការរស់នៅ មន្ទីរ១០០ ក្រោមការការពារ និងឃ្លាំមើលយ៉ាងតឹងតែងពីសំណាក់ពួកកុម្មុយនិស្តវៀតណាម ធ្វើឲ្យសាឡុត ស មិនអាចធ្វើអ្វីបានជាដុំកំភួននោះទេ ក្នុងការរៀបចំធ្វើបដិវត្តន៍។ មហិច្ឆតាចង់ឡើងកាន់អំណាចនៅកម្ពុជាបានត្រឹមតែជាការស្រមៃប៉ុណ្ណោះ។

ទោះជាយ៉ាងណា ក្នុងអំឡុងចន្លោះពីពេលរត់ចូលព្រៃ រហូតដល់ឆ្នាំ១៩៧០ សាឡុត ស បានទៅធ្វើទស្សនកិច្ចនៅប្រទេសវៀតណាម និង ប្រទេសចិន ដល់ទៅពីរលើក។

លើកទីមួយ នៅចន្លោះពីខែមិថុនា ឆ្នាំ១៩៦៥ ដល់ខែកញ្ញា ឆ្នាំ១៩៦៦ ពោលគឺ នៅមុនពេល ដែលពួកខ្មែរក្រហមសម្រេចចិត្តបើកការតស៊ូដោយប្រដាប់អាវុធ។ ដំណើរទស្សនកិច្ចរបស់ សាឡុត ស នៅវៀតណាម មានរយៈពេលប្រមាណ ៩ខែ។ សាឡុត សបានចំណាយពេលភាគច្រើនក្នុងការជួបជជែកជាមួយក្រុមខ្មែរកុម្មុយនិស្តនៅក្រុងហាណូយ ដើម្បីពន្យល់ណែនាំអំពីរចនាសម្ព័ន្ធ និងបន្ទាត់នយោបាយរបស់បក្សពលករកម្ពុជា។ នៅទីនោះ សាឡុត ស បានជួបជាមួយ យុន សឿន និង រ័ត្ន សាមឿន ដែលជាមិត្តចាស់ កាលពីនៅប្រទេសបារាំង។ សាឡុត ស ក៏បានជួបផងដែរ ជាមួយមេដឹកនាំកុម្មុយនិស្តវៀតណាម ជាពិសេស លេខាបក្សពលករវៀតណាម Lê Duan។ ក៏ប៉ុន្តែ ខ្លឹមសារនៃការជជែកគ្នារវាង សាឡុត ស និងមេដឹកនាំកុម្មុយនិស្តវៀតណាមនេះ មិនត្រូវបានគេដឹងច្បាស់នោះទេ។

ចេញពីប្រទេសវៀតណាម សាឡុត ស បានបន្តដំណើរទៅកាន់ប្រទេសចិន ដែលកាលនោះ នៅជាសម្ព័ន្ធមិត្តរបស់វៀតណាមនៅឡើយ។ ក្នុងអំឡុងពេល ដែល សាឡុត ស កំពុងនៅក្នុងប្រទេសចិន កូនសៀវភៅក្រហម របស់ ម៉ៅ សេទុង ត្រូវបានបោះពុម្ពផ្សាយរាប់សិបម៉ឺនច្បាប់។ មនោគមន៍វិជ្ជាស្តីពីការលុបបំបាត់វណ្ណៈ ការលើកតម្កើងកសិករក្រីក្រ និងការធ្វើបដិវត្តន៍ ជាលក្ខណៈបុគ្គល ដែលមានចែងក្នុង កូនសៀវភៅក្រហម នេះ ប្រាកដជាបានជះឥទ្ធិពលដល់ផ្នត់គំនិតរបស់ សាឡុត ស ជាមិនខាន។ ត្រឡប់ពីប្រទេសចិន មកដល់កម្ពុជាវិញ នៅចុងឆ្នាំ១៩៦៦ សាឡុត ស ក៏បានសម្រេចប្តូរឈ្មោះបក្ស ពី បក្សពលករកម្ពុជា ទៅជា បក្សកុម្មុយនិស្តកម្ពុជា ហើយ សាឡុត ស ក៏ចេញពី មន្ទីរ១០០ ទៅនៅក្នុងព្រៃ ស្ថិតក្នុងខេត្តរតនគិរីវិញ។

ដំណើរទស្សនកិច្ចលើកទីពីររបស់ សាឡុត ស ទៅកាន់ប្រទេសវៀតណាម និងចិន បានចាប់ផ្តើម នៅចុងឆ្នាំ១៩៦៩។ គេមិនបានដឹងច្បាស់ទេ ថា តើដំណើរទស្សនកិច្ចនេះធ្វើឡើងក្នុងគោលដៅអ្វី ហើយថាតើ សាឡុត ស បានជជែកអ្វីខ្លះជាមួយមេដឹកនាំកុម្មុយនិស្តវៀតណាម។ យោងតាមលោក David Chandler សាឡុត ស ត្រូវបានមេដឹកនាំវៀតណាមកោះហៅ ដើម្បីស្នើសុំឲ្យពួកខ្មែរក្រហមបញ្ឈប់ការវាយប្រហារ ទៅលើកងទ័ពរាជរដ្ឋាភិបាលសង្គមរាស្រ្តនិយម។

នៅដើមឆ្នាំ១៩៧០ សាឡុត ស ធ្វើដំណើរចេញពីទីក្រុងហាណូយ ឆ្ពោះទៅទីក្រុងប៉េកាំងប្រទេសចិន។ ដំណើរទស្សនកិច្ចទៅចិនលើកនេះ សាឡុត ស ត្រូវបានអមដំណើរដោយ ផាម វ៉ាន់ដុងប្រមុខរដ្ឋាភិបាលវៀតណាម។

នៅក្នុងអំឡុងពេលនោះ នៅប្រទេសកម្ពុជា សម្តេច នរោត្តម សីហនុ ត្រូវបាន លន់ នល់ និង អ្នកអង្គម្ចាស់ ស៊ីសុវត្ថិ សិរីមតៈ ទម្លាក់ពីតំណែងជាប្រមុខរដ្ឋ ក្នុងពេលដែលព្រះអង្គកំពុងធ្វើទស្សនកិច្ច នៅទីក្រុងម៉ូស្គូ សហភាពសូវៀត។ សម្តេច នរោត្តម សីហនុ បានយាងចេញពីម៉ូស្គូ ទៅដល់ប៉េកាំង នៅថ្ងៃទី១៩ មីនា ឆ្នាំ១៩៧០។ នៅក្នុងពេលនោះ សាឡុត ស ក៏កំពុងតែស្ថិតក្នុងក្រុងប៉េកាំងដែរ។ ក៏ប៉ុន្តែ សម្តេច នរោត្តម សីហនុ មិនបានជួបជាមួយ សាឡុត ស ទេ ហើយក៏មិនបានដឹងដែរថា សាឡុត ស ជាមេដឹកនាំបក្សកុម្មុយនិស្តកម្ពុជា។

ក្រោមការជួយជ្រោមជ្រែងពីសំណាក់ ជូ អេនឡាយ នាយករដ្ឋមន្រ្តីចិន និង ផាម វ៉ាន់ដុង នាយករដ្ឋមន្រ្តីវៀតណាម សម្តេច នរោត្តម សីហនុ ក៏សម្រេចបង្កើតរណសិរ្សរួបរួមជាតិមួយ ដើម្បីប្រឆាំងនឹងរដ្ឋាភិបាល លន់ នល់។ ក្រុមខ្មែរក្រហម ដែលដឹកនាំដោយ សាឡុត ស ក៏បានចូលរួមក្នុងរណសិរ្សរួបរួមជាតិនេះដែរ។

សាឡុត ស ដែលនៅមុននេះ ជាជនដែលត្រូវកងកម្លាំងប្រដាប់អាវុធនៃរាជរដ្ឋាភិបាលសង្គមរាស្រ្តនិយម របស់សម្តេច នរោត្តម សីហនុ តាមរកចាប់ខ្លួននោះ បានក្លាយជាមេបញ្ជាការនៃកងទ័ពខ្មែរក្រហម ក្នុងរណសិរ្សរួបរួមជាតិ ដ៏មានប្រជាប្រិយភាព។ ទោះជាយ៉ាងនេះក៏ដោយ ក៏ សាឡុត ស នៅតែបន្តរស់នៅលាក់បាំងអត្តសញ្ញាណពិតរបស់ខ្លួនដដែល។ សូម្បីតែ សម្តេច នរោត្តម សីហនុ ដែលជាប្រមុខរណសិរ្សរួបរួមជាតិ ក៏មិនបានដឹងដែរថា សាឡុត ស គឺជាមេដឹកនាំខ្មែរក្រហម។

នៅពេលដែលសម្តេច នរោត្តម សីហនុ ធ្វើដំណើរទៅទស្សនកិច្ចតំបន់ដែលខ្មែរក្រហមកាន់កាប់ នៅភូមិភាគឧត្តរ កាលពីដើមឆ្នាំ១៩៧៣ សាឡុត ស បានឲ្យ ហ៊ូ នឹម ហ៊ូ យន់ និង ខៀវ សំផន ចេញមកទទួល សម្តេច នរោត្តម សីហនុ ដោយបានអះអាងថា ពួកគេគឺជាមេដឹកនាំខ្មែរក្រហម។ ចំណែក សាឡុត ស ខ្លួនឯងផ្ទាល់ ក៏មានវត្តមាននៅទីនោះដែរ តែមិនបានបញ្ចេញឲ្យ សម្តេច នរោត្តម សីហនុ ដឹងថា គាត់ជាលេខាបក្សកុម្មុយនិស្តកម្ពុជានោះទេ៕

ប្រជាប្រិយ, ពត៌មានខ្មែរ, សារដ៏ក្ដៅ, សេដ្ឋកិច្ច & នយោបាយ

មេធាវីរបស់ នួន ជា ស្នើសាលាក្តីឲ្យពិនិត្យឡើងវិញលើសុខភាពកូនក្តីខ្លួន

ខែកញ្ញា 1, 2011 ដោយ icamnews 1 មតិ

ថ្ងៃព្រហស្បតិ៍, 01 ខែកញ្ញា 2011
ដោយ គង់ សុឋានរិទ្ធ
វីអូអេ ខ្មែរ | ភ្នំពេញ

នួន ជា ជា ប្រធាន មនោគមវិជ្ជា របស់ ខ្មែរ ក្រហម ដែល គេ ស្គាល់ ផង ដែរ ថា ជា «បងធំ ទី២» អង្គុយ ក្នុង អំឡុង សវនាការ បឋម ក្នុង សំណុំ រឿង ០០២ កាល ពី ថ្ងៃ ច័ន្ទ ទី ២៧ ខែ មិថុនា ឆ្នាំ ២០១១។ នួន ជា និយាយ ថា គាត់ មាន បំណង ចូល រួម សវនាការ ប៉ុន្តែ គាត់ មិន អាច ប្រមូល អារម្មណ៍ បាន ល្អ សម្រាប់ ការ សួរ ដេញ ដោល ។ (រូបថត៖ AP)

សហមេធាវីការពារក្តីឲ្យ នួន ជា បានទទូចសារជាថ្មីម្តងទៀតឲ្យអង្គជំនុំជម្រះសាលាក្តីខ្មែរក្រហមផ្តោតការយកចិត្តដាក់លើជរាពាធនៃកូនក្តីរបស់ខ្លួន។ ជរាពាធធ្វើឲ្យ នួន ជា គ្មានភាពរឹងមាំសម្រាប់ចូលរួមសវនាការកាត់ទោសគាត់ឲ្យបានពេញលេញទេ។ នេះបើយោងទៅតាមមេធាវីសហការពារក្តីនៅក្នុងការសួរដេញដោលលើសុខភាព នួន ជា ក្នុងសាវនាការទីថ្ងៃទី៣ស្តីពីបញ្ហាសុខភាពជនជាប់ចោទ និងលទ្ធភាពចូលរួមសវនាការ។ លោក ស៊ុន អារុណ សហមេធាវីកម្ពុជាបានថ្លែងនៅក្នុងសេចក្តីសន្និដ្ឋានរបស់ខ្លួននេះថា សុខភាព នួន ជា អាចផ្តល់ជាកង្វល់អវិជ្ជមានសម្រាប់ការកាត់ទោសរូបគាត់។

«ខ្ញុំយល់ថាការពិបាកពីខាងសុខភាពជាចម្បងរបស់គាត់ ដែលធ្វើឲ្យគាត់ព្រួយបារម្ភ ព្រមទាំងមេធាវីការពារគាត់ហ្នឹង ព្រួយបារម្ភណាស់ផ្នែកសុខភាពគាត់ហ្នឹង។ អាចមានឧបសគ្គអ្វីមួយដែលមិនអាចបន្តជាវិជ្ជមានរហូតក្នុងការសន្តិកាទៅអនាគត»។

យ៉ាងណាក៏ដោយក្រុមមេធាវីការពារក្តីមិនស្នើឲ្យដោះលែង នួន ជា ដែលមានអាយុ៨៥ឆ្នាំ នឹងបាក់ធ្មេញស្ទើរតែអស់រលីងពីមាត់នោះទេ។ លោក ស៊ុន អារុណ បានរំឭកថា កូនក្តីរបស់លោកគ្មានចេតនាថានឹងមិនចូលរួមនៅក្នុងសវនាការនោះទេ។ ក៏ប៉ុន្តែ សុខភាពរបស់គាត់នឹងមិនអនុញ្ញាតឲ្យគាត់ចូលរួមសវនាការគ្រប់ដំណាក់កាលនោះឡើយ។

ថ្ងៃច័ន្ទគឺជាថ្ងៃទី១ នៃសវនាការស្តីពីសុខភាព អៀង ធីរិទ្ធ និង នួន ជា ។ នួន ជា ខ្លួនឯងបាននិយាយថា គាត់មានបំណងចូលរួមសវនាការ ប៉ុន្តែគាត់មិនអាចប្រមូលអារម្មណ៍បានល្អ សម្រាប់ការសួរដេញដោល ការអានឯកសារ ឬក៏ស្តាប់សវនាការ។ ប៉ុន្តែគាត់មិនអាចប្រមូលអារម្មណ៍បានល្អ សម្រាប់ការសួរដេញដោល ការអានឯកសារ ឬស្តាប់សាវនាការលើសពីរយៈពេលមួយម៉ោង ឬ មួយម៉ោងកន្លះនោះ។

ក្នុងការសួរដេញដោលជាមួយលោក ចន ខាំបែល វេជ្ជបណ្ឌិតជំងឺមនុស្សចាស់ ដែលបានធ្វើកោស័យវិច័យលើសុខភាព នួន ជា អៀង ធីរិទ្ធ និង អៀង សារី ក្រុមមេធាវីការពារក្តី បានសួរសង្កត់ធ្ងន់ពីប្រការដែលកូនក្តីរបស់ខ្លួនដែលធ្លាប់មានជំងឺដាច់សរសៃឈាមបេះដូង សរសៃខួរក្បាល បញ្ហាតម្រងនោម ការធ្លាយឈាមតាមក្រពះ និងបញ្ហាគ្រោងឆ្អឹងជាដើម ដែលអាចនាំឲ្យមានផលប៉ះពាល់វ័យជរារបស់គាត់។

ប៉ុន្តែលោក ចន ខាំបែល នៅតែអះអាងដូចសេចក្តីសន្និដ្ឋាននៅក្នុងរបាយការណ៍កោស័លវិច័យរបស់លោកថា នួន ជា នៅមានលទ្ធភាពចូលរួមការកាត់ក្តីយ៉ាងពេញលេញ ហើយបញ្ហាសុខភាពដែលគាត់ដែលធ្លាប់ជួបប្រទះកាលពីពេលមុនមិនបង្កជាបញ្ហាទៀតឡើយនៅក្នុងពេលនេះ។

សហព្រះរាជអាជ្ញាជាតិ និងអន្តរជាតិ បានគាំទ្រការសន្និដ្ឋានរបស់លោក ចន ខាំបែល។

លោកសហមេធាវីនាំមុខ តំណាងឲ្យដើមបណ្តឹងរដ្ឋប្បវេណីក៏បានសង្កេតឃើញដូចគ្នានេះដែរ។

«អ្នកជំនាញ គាត់មិនបានឃើញថា មានភ័ស្តុតាងណាមួយ បានបង្ហាញលោក នួន ជា មានការអន់ថយដំណើរការខួរក្បាល ឬក៏មានជំងឺពាក់ព័ន្ធទៅនឹងសរសៃប្រសាទ ដែលនាំប៉ះពាល់ដល់លោកក្នុងការចូលរួមសកម្មភាពតុលាការនោះទេ»។

នួន ជា ជាប់ចោទពីបទឧក្រិដ្ឋកម្មប្រឆាំងមនុស្ស និងបទប្រល័យពូជសាសន៍ ជាមួយជនជាប់ចោទបីនាក់ផ្សេងទៀត គឺ អៀង ធីរិទ្ធ អៀង សារី និង ខៀវ សំផន នៅក្នុងសំណុំរឿង០០២។ បទចោទទាំងនេះទាក់ទងនឹងការសម្លាប់រង្គាលប្រជាពលរដ្ឋកម្ពុជា ជាងមួយលានប្រាំពីរសែននាក់នៅចន្លោះឆ្នាំ១៩៧៥រហូតដល់ឆ្នាំ១៩៧៩ក្រោមការដឹកនាំរបស់មេដឹកនាំកំពូលខ្មែរក្រហមទាំងបួននាក់នេះ។

លោកចៅក្រម ណឹល ណុន ប្រធានអង្គជំនុំជម្រះសាលាដំបូងរបស់សាលាក្តីខ្មែរក្រហម មិនបានប្រកាសពីការកំណត់កាលបរិច្ឆេទប្រកាសសេចក្តីសម្រេចបន្ទាប់ពីការបើកសវនាការរយៈពេលបីថ្ងៃស្តីពីបញ្ហាសុខភាពជនជាប់ចោទនោះទេ។ យ៉ាងណាក៏ដោយមានការស្នើសុំអ្នកជំនាញ ឲ្យពិនិត្យសុខភាពជនជាប់ចោទឡើងវិញ។

លោក ណឹល ណុន បានកំណត់ថា សហមេធាវីជនជាប់ចោទនួន ជា អាចដាក់ពាក្យស្នើសុំអ្នកជំនាញបន្ថែមយ៉ាងយូរបំផុតត្រឹមថ្ងៃទី៧ ខែកញ្ញាខាងមុខនេះ៕

បណ្តាញទាក់ទងគ្នា
អៀង ធីរិទ្ធ មិនអាចចូលរួមសវនាការស្ថានភាពខួរក្បាល.

សវនាការចាប់ផ្តើមដំណើរការស្តីអំពីសុខភាពជនជាប់ចោទខ្មែរក្រហម.

ជនជាប់ចោទជរានឹងត្រូវចូលសវនាការអំពីរឿងសុខភាព.

បងធំទីពីរខ្មែរក្រហមសម្តែងការមិនពេញចិត្តពេលតុលាការចាប់ផ្តើមកាត់ទោស.

ពត៌មានខ្មែរ, សេដ្ឋកិច្ច & នយោបាយ

ប្រទេសផ្តល់ជំនួយជំរុញសាលាក្តីឲ្យបើកសវនាការរឿងក្តី០០២ឲ្យបានឆាប់

ខែកញ្ញា 1, 2011 ដោយ icamnews 0 Comments

ថ្ងៃព្រហស្បតិ៍, 01 ខែកញ្ញា 2011
ដោយ គង់ សុឋានរិទ្ធ
វីអូអេ ខ្មែរ | ភ្នំពេញ

រូបភាព បញ្ចូល គ្នា នេះ បង្ហាញ អតីត មេដឹកនាំ ខ្មែរ ក្រហមទាំង ៤ រូប នៅ អំឡុង សវនាការ នៅ សាលាក្តី ខ្មែរ ក្រហម នៅ ជាយ ក្រុង ភ្នំពេញ កាល ពី ថ្ងៃ ទី ២៧ ខែ មិថុនា ឆ្នាំ ២០១១។ (រូបថត៖ Reuters)

សហរដ្ឋអាមេរិក បារាំង និងជប៉ុន សុទ្ធតែចង់ឃើញសាលាក្តីខ្មែរក្រហមដំណើរការសវនាការរឿងក្តី០០២ឲ្យបានឆាប់រហ័សសម្រាប់ជាប្រយោជន៍យុតិ្តធម៌ដល់ជនរងគ្រោះកម្ពុជា។ ជំហរបែបនេះធ្វើឡើងបន្ទាប់ពីមានការប៉ាន់ប្រមាណថា សវនាការនៃសំណុំរឿង០០២នឹងត្រូវបានធ្វើឡើងនៅឆមាសទី១នៃឆ្នាំ២០១២។

នៅក្នុងការឆ្លើយតបរបស់វីអូអេ តាមសារអេឡិចត្រូនិក កាលពីថ្ងៃទី២០ ខែសីហា លោកម៉ាសាគិ កាវ៉ាកូចិ (Masaki Kawaguchi) លេខាទី១អមស្ថានទូតជប៉ុនមានប្រសាសន៍ថា ជប៉ុនចាត់ទុកថា វាមានសារៈសំខាន់នៅក្នុងដំណើរការក្តីដោយត្រឹមត្រូវប្រកបដោយប្រសិទ្ធភាព។

មន្ត្រីសា្ថនទូតដដែលបានសង្កត់ធ្ងន់លើភាពចាស់ជរា និងសុខភាពដ៏ដុនដាបរបស់ជនជាប់ចោទ រួមទាំងយុត្តិធម៌ដ៏យឹតយ៉ាវសម្រាប់ប្រជាពលរដ្ឋកម្ពុជាដែលជាជនរងគ្រោះ។

របបកម្ពុជាប្រជាធិបតេយ្យរបស់ពួកខ្មែរក្រហមបានបង្កឲ្យមានការស្លាប់ និងការកាប់សម្លាប់ប្រជាពលរដ្ឋកម្ពុជាសរុបជិត២លាននាក់។ សាលាក្តីខ្មែរក្រហមបានចាប់ផ្តើមដំណើរការរបស់ខ្លួន ជាលើកដំបូង កាលពីខែកុម្ភៈ ឆ្នាំ២០០៦។ សំណុំរឿង០០២ ដែលមានជនជាប់ចោទបួននាក់ រួមមាននួន ជា អតីតប្រធានសភាខ្មែរក្រហម ខៀវ សំផន អតីតប្រមុខរដ្ឋ អៀង សារី អតីតរដ្ឋមន្រ្តីក្រសួងការបរទេស និងប្រពន្ធរបស់គាត់ អៀង ធីរិទ្ធ អតីតរដ្ឋមន្ត្រីក្រសួងសង្គមកិច្ច កំពុងស្ថិតនៅក្នុងដំណាក់កាលមួយមិនទាន់ប្រាកដប្រជាថាតើពួកគេនឹងត្រូវឡើងរង្វង់ក្រចកសេះ សម្រាប់ការកាត់ទោសពេញអង្គសេចក្តីនៅពេលណានោះឡើយ។

ក្រៅពីមានការលើកឡើងផ្ទាល់មាត់របស់មន្ត្រីផ្លូវការតុលាការថា សវនាការអាចនឹងចាប់ផ្តើមនៅចុងឆ្នាំនេះក៏ប៉ុន្តែមន្ត្រីដែលស្និទ្ធនឹងតុលាការបានផ្តល់ការវិភាគថា សវនាការពេញអង្គសេចក្តីនៃជនជាប់ចោទទាំងបួននាក់ ទំនងជាអាចចាប់ផ្តើមឡើងក្នុងអំឡុងខែឧសភា ឆ្នាំ២០១២ ដោយសារតែមានការជំនុំជម្រះស្តីពីសុខភាពរបស់ជនជាប់ចោទពីររូបគឺនួន ជា និងអៀង ធីរិទ្ធ ហើយការកាត់ទោសនេះនឹងអាចអូសបន្លាយពេលវេលាជាច្រើនខែថែមទៀត។

ប្រទេសបារាំងតាមរយៈមន្ត្រីស្ថានទូតរបស់ខ្លួន ក៏បានបញ្ជាក់អំពីចេតនាចង់ឲ្យការក្តីសំណុំរឿង០០២មានដំណើរការលឿនទៅមុខផងដែរ។ លោក ដូមីនិច ម៉ាស់ (Dominique MAS) ទីប្រឹក្សាទី១ អមស្ថានទូតបារាំង បានឆ្លើយតបតាមសារអេឡិចត្រនិចថា បារាំងពិតជាចង់ឃើញសាលាក្តីខ្មែរក្រហមធ្វើសេចក្តីសម្រេចរបស់ខ្លួន និងបើកសវនាការជម្រះសំណុំរឿង០០២ នៅក្នុងរយៈពេលមួយប្រសើរបំផុត និងក្នុងលក្ខខណ្ខនៅក្នុងការគោរពវិធានយុត្តិធម៌ និងសិទ្ធរបស់ជនជាប់ចោទ និងភាគីដែលជាប់ពាក់ព័ន្ធ។

លោក ស្ហន ម៉ាកឃីនតូស (Sean McIntosh) អ្នកនាំពាក្យស្ថានទូតសហរដ្ឋអាមេរិកប្រចាំទីក្រុងភ្នំពេញ មានប្រសាសន៍ថា សាលាក្តីខ្មែរក្រហមមាននីតិវិធីរបស់ខ្លួនត្រឹមត្រូវដើម្បីធ្វើការកាត់ទោសប្រកបទៅដោយយុត្តិធម៌ ហើយសហរដ្ឋអាមេរិកគាំទ្រការនាំជនជាប់ចោទបួននាក់នៅក្នុងសំណុំរឿង០០២ មកកាត់ទោស។

«យើងគាំទ្រនីតិវិធីសាលាក្តីខ្មែរក្រហមក្នុងការនាំខ្លួនអតីតមេដឹកនាំកំពូលខ្មែរក្រហមទាំងបួននាក់នេះ យកមកកាត់ទោសចំពោះឧក្រិដកម្មដែលពួកគេបានប្រព្រឹត្តប្រឆាំងនឹងមនុស្សជាតិ»។

បារាំង ជប៉ុន និងសហរដ្ឋអាមេរិកគឺជាប្រទេសម្ចាស់ជំនួយធំជាងគេនៅក្នុងចំណោមបណ្តាលប្រទេសផ្តល់ជំនួយដ៏ទៃទៀត។ បារាំង និងជប៉ុនក៏ជាប្រទេសដែលដឹកនាំឲ្យមានជំនួយសម្រាប់សាលាក្តីខ្មែរក្រហមផងដែរ។

ប្រតិកម្មនៃប្រទេសផ្តល់ជំនួយទាំងបីធ្វើឡើងនៅពេលដែលសាលាក្តីខ្មែរក្រហមត្រូវមជ្ឈដ្ឋានមួយចំនួនស្តីបន្ទោស អំពីការយឹតយ៉ាវក្នុងការកាត់ទោសក្នុងសំណុំរឿងគន្លឹះ ដែលមានជនជាប់ចោទកាន់តែជរា។ ខណៈពេលដែលជនជាប់ចោទទាំងនេះ ជាប់ឃុំឃាំងអស់រយៈពេលជិតបួនឆ្នាំទៅហើយដោយពុំមានការទោស ជនជាប់សង្ស័យទាំងនេះ មានអាយុចាប់ពី៧៩ឆ្នាំ រហូតទៅដល់ ៨៦ឆ្នាំ។

លោក ឡាស អលសិន (Lars Olsen) មន្រ្តីទំនាក់ទំនងការច្បាប់របស់សាលាក្តីខ្មែរក្រហមមានប្រសាសន៍ថា ក្រុមចៅក្រមកំពុងតែប្រឹងប្រែងឆ្ពោះទៅរកការកាត់ទោសនៅក្នុងសំណុំរឿងនេះ ក៏ប៉ុន្តែនៅមិនទាន់អាចកំណត់កាលបរិច្ឆេទបាននៅឡើយ។

«ក្រុមចៅក្រមនឹងកំណត់កាលបរិច្ឆេទនៃដំណើរការសម្រាប់ការជំនុំជម្រះក្តី ដោយផ្អែកទៅលើច្បាប់ និងអ្វីដែលពួកគាត់គិតថា មានភាពចាំបាច់។ ពិតហើយក្រុមចៅក្រមកំពុងប្រឹងប្រែងជំរុញការកាត់ក្តីឲ្យបានជឿនលឿនតាមដែលអាចធ្វើទៅបាន ក៏ប៉ុន្តែឥឡូវនេះបញ្ហាសុខភាពរបស់ជនជាប់ចោទ សម្រាប់ចូលរួមនៅក្នុងសវនាការធ្វើឲ្យមានការប៉ះពាល់ខ្លះៗ ដល់ការចាប់ផ្តើមដំណើរការសម្រាប់ការបើកសវនាការពេញអង្គសេចក្តី»។

រីឯលោក ហ៊ុយ វណ្ណៈ មន្ត្រីផ្នែកទំនាក់ទំនងកិច្ចការសាធារណៈ របស់សាលាក្តីខ្មែរក្រហមខាងភាគីកម្ពុជាមានប្រសាសន៍ថា សាលាក្តីខ្មែរក្រហមរំពឹងថា សញ្ញានៃការចាប់ផ្តើមកាត់ទោស នៃសំណុំរឿង០០២នេះនឹងប្រព្រឹត្តទៅនៅក្នុងអំឡុងចុងឆ្នាំ២០១នេះ។

«ជាចំណុចមួយល្អ ដែលប្រទេសអ្នកផ្តល់ជំនួយ លោកបានគិតគួរទៅលើដំណើរការវិវត្តន៍អង្គជំនុំជម្រះវិសាមញ្ញនៅក្នុងតុលាការកម្ពុជា បច្ចុប្បន្ននេះមន្ត្រីច្បាប់ ក៏កំពុងធ្វើការនេះដែរ ហើយយើងរំពឹងថានៅក្នុងចុងឆ្នាំនេះនឹងអាចចាប់ផ្តើមនៅក្នុងសំណុំរឿង០០២ ហើយ។ បើជាការចាប់ផ្តើមដំណើរការអង្គសេចក្តីតែម្តង»។

សាលាក្តីខ្មែរក្រហមគ្រោងនឹងធ្វើកាត់ទោសអតីតមេដឹកនាំជាន់ខ្ពស់ និងអ្នកទទួលខុសត្រូវខ្ពស់បំផុត នៃរបបកម្ពុជាប្រជាធិបតេយ្យក្នុងរយៈពេលតែបីឆ្នាំតែប៉ុណ្ណោះ។ ក៏ប៉ុន្តែ មកទល់ពេលនេះ សាលាក្តីនេះ បានដំណើរការអស់រយៈពេលប្រាំឆ្នាំទៅហើយ ដោយដំណើរការសំណុំរឿង០០១ នៅមិនទាន់បិទជាប់នៅឡើយ។ ដោយឡែក មន្ត្រីតុលាការអះអាងថា ថវិកាសម្រាប់ដំណើរកាត់ក្តីទៅមុខនឹងត្រូវអស់នៅក្នុងខែវិច្ឆិកា ឆ្នាំនេះ សម្រាប់ទាំងភាគីកម្ពុជា និងភាគីអង្គការសហប្រជាជាតិ ហើយនៅពេលនេះ ពុំទាន់មានគម្រោងថវិកាណាមួយសម្រាប់ផ្តល់ជំនួយបន្ថែមនៅឡើយ។

លោក ដូមីនិច ម៉ាស់ បានព្រមានថា ការលើសរយៈពេលគ្រោងទុកសម្រាប់ខ្ទង់ថវិកាចុងក្រោយនឹងត្រូវការថិវកាបន្ថែមទៀត ហើយនៅក្នុងបរិបទនៃវិបត្តិសេដ្ឋកិច្ចសាកលនេះ វាមានសារៈសំខាន់ណាស់សម្រាប់ភាគីនីមួយៗយល់ពីវិបត្តិថវិកាសម្រាប់គាំទ្រយុត្តិធម៌។

ទាំងមន្ត្រីស្ថានទូតបារាំង និងស្ថានទូតជប៉ុន បានអះអាងថា ពុំទាន់មានកោះប្រជុំប្រទេសផ្តល់ជំនួយសម្រាប់ផ្តល់ហិរញ្ញវត្ថុដល់សាលាក្តីខ្មែរក្រហមនៅឡើយ។

លោក ឡាស់ អលស៊ិន និងលោកហ៊ុយ វណ្ណៈ មន្ត្រីរបស់សាលាក្តីខ្មែរក្រហមសុទ្ធតែរក្សាការរំពឹងទៅលើប្រទេសផ្តល់ជំនួយ។ លោកឡាស អលសិន បានបញ្ជាក់ថា ទីបញ្ចប់ នៃសាលាក្តីនេះ គឺពឹងផ្អែកទៅលើការផ្តល់ថវិកាពីសហគមន៍អន្តរជាតិ។

ទោះជាយ៉ាងណា ក្នុងបរិបទនៃផលវិបាកផ្នែកថវិកា និងបញ្ហាអូសបន្លាពេលវេលា សាលាក្តីខ្មែរក្រហមគ្រោងនឹងធ្វើការចោទប្រកាន់លើជនជាប់សង្ស័យប្រាំនាក់ផ្សេងទៀតក្នុងសំណុំរឿង០០៣ និង០០៤។

មន្ត្រីផ្លូវការពីស្ថានទូតបារាំង ជប៉ុន និងសហរដ្ឋអាមេរិច សុទ្ធតែមិនធ្វើសេចក្តីអត្ថាធិប្បាយ ទាក់ទងនឹងសំណុំរឿងបន្ថែមទាំងពីរនេះទេ៕

បណ្តាញទាក់ទងគ្នា
សាលាក្តីខ្មែរក្រហមព្រមានវីអូអេសំឡេងសហរដ្ឋអាមេរិក.

សមាជិកសភាកម្ពុជាម្នាក់ស្នើពិនិត្យគម្រោងដែលផ្តល់ថវិកាដោយជប៉ុន.

សវនាការរឿងក្តី០០២នឹងមិនអាចមានក្នុងពេលឆាប់ៗខាងមុខ.

ពត៌មានខ្មែរ, សេដ្ឋកិច្ច & នយោបាយ

ខ្មែរអាមេរិករៀបចំពិធីបុណ្យប្រណាំងទូកលើកទី១៥នៅឡូវែល

ខែកញ្ញា 1, 2011 ដោយ icamnews 0 Comments

ថ្ងៃព្រហស្បតិ៍, 01 ខែកញ្ញា 2011
ដោយ ពិន ស៊ីសុវណ្ណ
វីអូអេខ្មែរ | ក្រុងឡូវែល រដ្ឋម៉ាស្សាឈូស៊ែត

មើលវីដេអូ៖ South East Asian Water Festival Hardly Ended for Festivities (Cambodia news in Khmer)
MP4 | Windows Media

នៅ ក្រោយ ពិធី សូត្រ មន្ត បួងសួង អ្នក ចូល រួម ពិធី ធ្វើ ដំណើរ ទៅ កាន់ ព្រែក មួយ នៅ ក្បែរ នោះ ដើម្បី ប្រារព្ធ ពិធី បណ្តែត កន្ទោង ឬ ប្រទីប។ (រូបថត៖ ពិន ស៊ីសុវណ្ណ វីអូអេ ខ្មែរ)

កាលពីថ្ងៃសុក្រទី១៩ និងថ្ងៃសៅរ៍ ទី២០ ខែសីហា ឆ្នាំ ២០១១ នៅទីក្រុងឡូវែល (Lowell) រដ្ឋ ម៉ាស្សាឈូស៊ែត (Massachusetts) មានការរៀបចំពិធីបុណ្យអុំទូកបណ្តែតប្រទីបលើកទី១៥ តាមប្រពៃណីរបស់ជនជាតិអាស៊ីអាគ្នេយ៍។

ដូចរាល់ឆ្នាំដែរ បុណ្យអុំទូកបណ្តែតប្រទីបលើកទី១៥នៅឆ្នាំនេះមានការសម្តែងសិល្បៈប្រពៃណី ចម្រៀងបុរាណ ពិធីសូត្រមន្ត និងការបណ្តែតកន្ទោង ឬប្រទីប។ មុននឹងចាប់ផ្តើមពិធីសូត្រមន្ត បួងសួង ព្រះតេជគុណអាចាន ម៉ាង កូន (Ajahn Mang Kone) មកពីវត្តពុទ្ធាបាវ៉ាណា (Buddhabhavana) ដែលដឹកនាំពិធីនៅល្ងាចថ្ងៃសុក្រ បានមានសង្ឃដីកាថា៖

«ជីវិតគឺមិនទៀង ជាអនិច្ចំ អនតា។ ដូច្នេះនៅពេលដែលយើងនៅមានជីវិតនៅឡើយយើងត្រូវខំធ្វើអំពើល្អ។ ឥឡូវនេះ អត្តាសូមអញ្ជើញញាតិញោមទាំងអស់រួមគ្នាបួងសួងសុំសេចក្តីសុខសន្តិភាព និងសុខភមង្គល»។

http://media.voanews.com/designvideo/player.swf

ដោយសារមានភ្លៀង និងដីរអិល អ្នកចូលរួមត្រូវបួងសួង ហើយប្រគេន ឬប្រគល់ប្រទីបទៅព្រះសង្ឃ ឬអ្នកថែសួនដែលជាអ្នកយកទៅបណ្តែតទឹកជំនួស។

អ្នកស្រីអមរុង ជ័យ និងគ្រួសារដែលរស់នៅរដ្ឋ វីជីញ៉ា (Virginia) បាននាំម្តាយធំមកពីរដ្ឋកាលីហ្វ័រញ៉ាមកចូលរួមបួងសួងក្នុងពីធីបុណ្យឆ្នាំនេះជាលើកទី១។

«ជាពិសេសពួកខ្ញុំបន់ស្រន់សូមឲ្យបានសុខសប្បាយ ហើយនឹងបន់ស្រន់សូមឲ្យបងប្អួនទាំងអស់ជិតក្តីឆ្ងាយក្តីជួបប្រទះតែសេចក្តីសុខ។ ហើយណាមួយទាហានខ្មែរនៅប្រាសាទព្រះវិហារ និងទាហានខ្មែរយើងទៅសមរភូមិនៅប្រទេសអ៊ីរ៉ាក់ សូមឲ្យគេបានសេចក្តីសុខបានវិលមកជួបជុំគ្រួសារវិញដែរ»។

ក្រោយពីបានដាក់បាត និងបួងសួងក្នុងចិត្តមកកីឡាករប្រណាំងទូកម្នាក់នៃក្រុម Mekong Rower និយាយថា៖

«ខ្ញុំបួងសួងសុំឲ្យមានសុខភាពល្អហើយនឹងជ័យជម្នះ។ ខ្ញុំសង្ឃឹមថា ឈ្នះប៉ុន្តែការប្រកួតនេះមានក្រុមខ្លាំងៗច្រើនមកចូលរួម ដូច្នេះច្បាស់ជាល្អមើលហើយ»។

លោករ៉ាឌី មុំ អ្នករៀបចំកម្មវិធីបុណ្យអុំទូកនេះ និយាយថា ពិធីនេះមានការវិវឌ្ឍពីមួយឆ្នាំទៅមួយឆ្នាំ។ លោករំឭកថា ដំបូងឡើយបុណ្យនេះគឺជាកម្មវិធីរបស់សហគមន៍ខ្មែរប៉ុណ្ណោះដែលជាអ្នកផ្តួចផ្តើម តែបច្ចុប្បន្នពិធីបុណ្យនេះបានក្លាយជាពិធីរបស់ជនជាតិអាស៊ីអាគ្នេយ៍ទាំងមូល។

«ខ្ញុំបានចូលរួមកម្មវិធីបុណ្យអុំទូកនេះ១៥ឆ្នាំហើយ។ ហើយកម្មវិធីបុណ្យរបស់យើងនេះឃើញថា មានការរីកចម្រើន»។

ក្រុមខ្មែរក្រោមគឺជាអ្នកទទួលបានជ័យជម្នះក្នុងចំណោមកីឡាករប្រាំបីក្រុមដែលមានទូកតពីរគ្រៀងប៉ុណ្ណោះសម្រាប់អុំប្រណាំងឆ្លាស់គ្នានៅឆ្នាំនេះ៕

បណ្តាញទាក់ទងគ្នា
ប្រតិកម្មរបស់ប្រជាពលរដ្ឋខ្មែរអាមេរិកចំពោះតន្ត្រីបូរាណនិងសម័យខ្មែរ.

ស្នាដៃសំរិទ្ធខ្មែរបញ្ចប់ការដាក់តាំងបង្ហាញនៅសហរដ្ឋអាមេរិក.

សភាជនភៀសនៅអាមេរិករៀបចំខួប៦០ឆ្នាំនៃសន្ធិសញ្ញាជនភៀសខ្លួនឆ្នាំ១៩៥១.

ពត៌មានខ្មែរ, សេដ្ឋកិច្ច & នយោបាយ

មេប៉ូលិសចរាចរណ៍នៅភ្នំពេញ ប្រកាសចាប់ប៉ូលិស ដែលយកលុយតាមផ្លូវ

ខែកញ្ញា 1, 2011 ដោយ icamnews 27 មតិ

ដោយ : រតនា
ថ្ងៃទី 1 កញ្ញា 2011
CEN

ប៉ូលិស ចរាចរណ៍ ត្រួតពិនិត្យ និង អនុវត្ត ច្បាប់ ចរាចរណ៍ តាម កែង ផ្លូវ ភ្លើងស្តុប ក្នុង រាជធានី ភ្នំពេញ ដ៏ ផូរផង់ ក្នុង ពេល កន្លងមក ៕ (រូបថត ៖ ស៊ីវ ចាន់ណា)

ភ្នំពេញ:នៅតាមបណ្តាចេញច្រក-ចូល និងតាមផ្លូវភ្លើងស្តុបក្នុងរាជធានីភ្នំពេញ មានប៉ូលិសចរាចរណ៍ស្លៀកឯកសណ្ឋាន និងកន្លែងខ្លះស្លៀកពាក់ស៊ីវិល តែងតែឈរស្ទាក់ ចាំយកលុយពីអ្នកបើកបរឡានតាក់ស៊ី និងយកលុយពីអ្នកបើកបររថយន្តដឹកទំនិញនានា ដែលបើកឆ្លងកាត់។ ក៏ប៉ុន្តែបាតុភាព ដែលធ្វើឲ្យអាប់អោនដល់កិត្តិនាមរបស់កម្ពុជា ចំពោះមុខជនបរទេសយ៉ាងដូច្នេះ ត្រូវបានមេប៉ូលិសចរាចរណ៍ ចេញមុខប្រកាស ឈប់ឲ្យកើតមានតទៅទៀត និងព្រមានចាប់ខ្លួនអ្នកយកលុយទាំងនោះទៀតផង។

កន្លងមក ចំនុចគោលដៅមួយចំនួន ដែលមានជនស៊ីវិល និងប៉ូលិសចរាចរណ៍ ចាំយកលុយពីអ្នកបើកបរតាក់ស៊ី ឬឡានដឹកទំនិញចេញចូលរាជធានីភ្នំពេញ មានដូចជា នៅផ្លូវបំបែកចោមចៅ ស្តុបផ្លូវ២០០៤ ស្តុបផ្សារដីហុយ ស្តុបពេទ្យលោកសង្ឃ គោលដៅចុះផ្លូវសឡា ស្តុបទេពផន រង្វង់មូលស្តាតចាស់ គល់ស្ពានជ្រោយចង្វារ ស្តុបច្រមុះជ្រូកក្បាលថ្នល់ ស្តុបគល់ស្ពានស្ទឹងមានជ័យ និងស្តុបផ្សារដើមគរ ក្បែរសណ្នាគារអ៊ីនធឺកុងទីណង់តាល់ ។ល។

ចំពោះករណីនេះ ត្រូវបានលោក សេង ចន្ទ័ធារី ប្រធានការិយាល័យនគរបាលចរាណ៍រាជធានីភ្នំពេញ នៅថ្ងៃទី១ ខែកញ្ញា ឆ្នាំ២០១១ បានមានប្រសាសន៍ថា បើមានអ្នកណា យកលុយខុសអំពីច្បាប់ សុំឲ្យសមត្ថកិច្ចចាប់ខ្លួនពួកគេ ពីព្រោះលោកធ្លាប់បានធ្វើការប្រកាសម្តងរួចមកហើយពីរឿងនេះ។ ឯចំពោះកុងត្រូលជជុះ ( ស្របច្បាប់ ) គឺលោកអត់ដឹងរឿងកុងត្រូលជជុះរបៀបម៉េចទេ តាមរយៈការឈរជើងរបស់ប៉ូលិសចរាចរណ៍ នៅផ្លូវកែងភ្លើងស្តុប ដូចដែលបានរៀបរាប់ខាងលើ។

កាលពីពេលថ្មីៗនេះ លោក កែប ជុតិមា អភិបាលរាជធានីភ្នំពេញ ធ្លាប់បានចេញបម្រាមដល់មន្ត្រី អាជ្ញាធរ និងប៉ូលិសទាំងអស់ ឲ្យចូលរួមបង្ក្រាប លុបបំបាត់ កុងត្រូលជជុះ ឲ្យបានដូចភ្លៀងរលឹម។ ក៏ប៉ុន្តែពេលនេះ នៅតាមបណ្តាច្រកចេញចូល មកកាន់រាជធានី និងតាមស្តុបមួយចំនួន បែរជានៅមានជនស៊ីវិលឈរជើង នៅតាមគោលដៅមួយចំនួន ជាមួយនឹងនគរបាលចរាចរណ៍ និងមាននគរបាលចរាចរណ៍ ចាំចាប់ដៃ យកលុយពីអ្នកបើកឡានតាក់ស៊ី និងពីឡានដឹកទំនិញផងដែរ។

លុយដែលប៉ូលិសចរាចរណ៍យកនោះ គឺត្រឹមតែ ១.០០០ ឬ ២.០០០ រៀល ពីឡានដឹកអ្នកដំណើរ ឬដឹកជំនិញនិមួយៗ។ ក៏ប៉ុន្តែរូបភាពប៉ូលិសចរាចរណ៍ និងជនស៊ីវិលយកលុយតាមផ្លូវកែងភ្លើងស្តុបនោះ បានជះឥទ្ធិពលអាក្រក់ដល់សង្គមកម្ពុជា ពិសេសលើរូបភាពរាជរដ្ឋាភិបាល ដែលកំពុងខិតខំទាំងយប់ទាំងថ្ងៃ ដើម្បីលុបបំបាត់ភាពអសកម្ម ពិសេសប្រឆាំងនឹងអំពើពុករលួយ។

មួយវិញទៀត ការបណ្តែតបណ្តោយឲ្យជនស៊ីវិល និងប៉ូលិសចរាចរណ៍ ដែលឈរតាមគោលដៅផ្លូវកែវភ្លើងស្តុប យកលុយបែបនេះ ក៏នាំឲ្យមានការរិះគន់ពីប្រជាពលរដ្ឋ ជាពិសេសជនបរទេស ដែលមកធ្វើទេសចរនៅកម្ពុជា។ ពេលនោះ កេរ្តិ៍ឈ្មោះកម្ពុជាលើឆាកអន្តរជាតិ បន្តនៅតែល្បីល្បាញ និងជាប់ចំណាត់ថ្នាក់រឿងពុករលួយ ជាមិនខាត។

សូមបញ្ជាក់ថា សម្តេច ហ៊ុនសែន តែងតែមានប្រសាសន៍ម្តងហើយម្តងទៀត ប្រាប់ទៅកាន់អភិបាលរាជធានី និងអភិបាលខេត្ត ឲ្យមើលផ្លូវ គឺសម្តេចប្រាប់អាជ្ញាធរទាំងនោះ ត្រូវតែមានវិធានការណ៍តាមច្បាប់ ដើម្បីលុបបំបាត់កុងត្រូលជជុះ ដោយត្រូវបើកយុទ្ធនាការដូចភ្លៀងរលឹម។

ក៏ប៉ុន្តែកុងត្រួលជជុះសព្វថ្ងៃ ត្រូវបានបង្កើតឡើងដោយស្របច្បាប់ ក្រោមលេសថា ត្រួតពិនិត្យ និងអនុវត្តច្បាប់ចរាចរណ៍។ ម្យ៉ាងទៀត ប៉ូលិសចរាចរណ៍ម្នាក់ៗ មុននឹងបានឈរជើងនៅគោលដៅតាមភ្លើងស្តុបនិមួយៗ នៅភ្នំពេញ គឺត្រូវចំណាយលុយរាប់រយដុល្លារ សូកឲ្យមេ ទើបមានឈ្មោះ ចុះឈរជើង ត្រួតពិនិត្យ និងអនុវត្តច្បាប់ចរាចរណ៍៕

ពត៌មានខ្មែរ, សេដ្ឋកិច្ច & នយោបាយ

Federal deportation review comes too late for some

ខែកញ្ញា 1, 2011 ដោយ icamnews 5 មតិ

By Sarah Hoye
CNN
September 1, 2011

Philadelphia (CNN) — Last September, Ana Maria Cruz waited in her minivan outside an immigration office, clutching her fiance’s keys, wallet and cell phone.

Cruz, then eight months pregnant and with two of the couple’s other children in tow, began to worry when Chally Dang took longer than usual to emerge from what should have been a routine check-in with immigration officials.

“I sat there for about an hour because I didn’t know what to do,” Cruz said. “Then he collect-called me to say they weren’t letting him go.”

For the next nine months, U.S. Immigration and Customs Enforcement (ICE) officials held Dang and three other Cambodian-Americans — all legal permanent residents who had come to the United States as child refugees.

In June, they sent Dang to Cambodia. Each of the men detained last September had committed a crime that carried a retroactive removal order. That allows them to be deported at any time, regardless of when the crime was committed.

http://i.cdn.turner.com/cnn/.element/apps/cvp/3.0/swf/cnn_416x234_embed.swf?context=embed&videoId=us/2011/09/01/hoye.philadelphia.deportations.cnn

Dang, now 29, was arrested when he was 15, after he fired an illegal handgun into the air. Although no one was injured, Dang was charged in 1997 with aggravated assault, criminal conspiracy and possessing criminal instruments.

He was sentenced to 5½ years in prison. Despite having served his prison time, under 1996 immigration laws, he could be deported back to Cambodia — a country he had never seen — without a hearing in front of an immigration judge.

Attorneys: U.S. deportation policy shifting

Dang’s situation is not uncommon, and it is becoming part of the growing debate over immigration reform in the United States.

In a move that could shake up the U.S. immigration system, the Department of Homeland Security said the government would review about 300,000 deportation cases pending in federal immigration courts.

Lower-priority cases — those not involving people considered violent or otherwise dangerous — would be suspended under the new criteria.

Federal authorities are still hashing out details of how the cases will be reviewed, a senior Department of Homeland Security official said last week.

Immigration reform: Why now?

For Cruz and Dang, the announcement comes too late for them to tell their story.

Ana Marie Cruz's fiance, a legal resident and father of her children, was deported for a crime he committed 14 years ago.

Cruz maintains that her fiance — now a world away in Cambodia — had turned his life around after serving his time in prison and deserved to stay in the United States.

“They should give Americans, refugees and permanent residents who have reformed (themselves) chances to prove that they are of good character, regardless of any mistakes that they have made in their past,” she said. “Just because someone made one mistake, especially in their youth, doesn’t label them a criminal for life. People change, and people learn.”

One of five children, Dang was born in Kamput refugee camp in Thailand, after his parents escaped the “killing fields” in the Southeast Asian nation of Cambodia, where at least 1.7 million people died under the 1970s Khmer Rouge regime.

Shortly after Dang was born, his father separated from his mother while awaiting sponsorship. His family entered the United States in 1983 and settled in crime-ridden North Philadelphia, where his mother remarried and gave birth to her youngest son.

The cash-strapped family moved from apartment to apartment, and a strained home life left him finding solace among other refugee kids in the neighborhood.

“Truancy became regular, and schoolwork was out of the question,” Dang wrote in a letter on December 4, 2010, while he was being detained in York County Prison. “That’s when the downhill became even steeper.”

Opinion: Immigration plan offers ‘false hope’

He was expelled multiple times from school for his disruptive behavior and eventually joined an Asian gang.

Dang hit rock bottom in 1997 when a rival gang spotted him and a friend in North Philadelphia. According to Dang, the rivals threw bottles and rocks at the car he was in, and his friend handed him a gun.

“I recklessly fired a few rounds in their proximity,” he wrote.

Dang spent his high school years behind bars, where he obtained his GED. When he was paroled in 2003, Dang, then 21, was taken into ICE custody and given a final order of deportation.

But Cambodia was not accepting deportees from the U.S., so he was allowed to stay here under ICE supervision. After six months, he was granted supervised release.

“Regret is one of many effusive links composing a chain that binds me to my past,” he wrote. “The actions of my past still haunt me.”

Vowing never to repeat the mistakes of his past, Dang started a family, earned a living working for a vending company, committed no crimes after his release and regularly checked in with immigration officials.

“It’s hard for me because we built a life together, and I feel like it was ripped apart,” Cruz said. “It’s a life-changing thing.”

Cruz, 28, gave birth to the couple’s daughter, Farrah, a month after Dang was detained.

Agency officials say immigrants who commit these crimes must be removed even if, like Dang, they have a green card.

Dang’s freedom lasted seven years.

Mia-lia Kiernan, who helped launch a Philadelphia grass-roots organization dedicated to keeping immigrant families living together, is at odds with the DHS immigration announcement.

Kiernan and family members of the detained and deported started the One Love Movement to help them fight for individualized reviews of their deportation orders — including that of Dang.

The very government that gave Dang shelter targeted him and other refugees with criminal histories, Kiernan said.

“People really need to think about the title ‘criminal alien’ and who gets left behind,” she said. “We’re creating a generation of young people forced to grow up without parents.”

By law, deportation is mandatory for anyone not a U.S. citizen who commits an “aggravated felony,” a broad category of crimes ranging from shoplifting to murder that carry sentences of at least one year of imprisonment, said Sin Yen Ling, a senior staff attorney at the Asian Law Caucus in San Francisco.

“Because of their immigration status, they’re penalized,” said Ling, an immigration attorney who handles nearly 50 aggravated felony cases a year.

“There’s no bail, no bond, it’s mandatory deportation. Even if you were to get a sympathetic judge, their hands are tied. By law, it takes away the ability to review individual cases.”

Federal immigration officials are simply prioritizing their resources on criminal aliens who present the greatest risk to the security of our communities, according to ICE spokeswoman Nicole Navas.

In 2010, ICE announced record-breaking illegal immigration enforcement numbers under the Obama administration, including unprecedented numbers of “convicted criminal alien removals.”

Half of the individuals removed from the United States — more than 195,000 people — were convicted criminals, a 70% increase, according to ICE.

Feds increase immigration enforcement

“Everybody in their right mind would think that criminal aliens should be removed,” said Ira Mehlman, spokesman for the Federation for American Immigration Reform.

“No, it’s not harsh. Coming as an immigrant is a privilege, and we expect that you stay out of trouble.”

Philadelphia immigration attorney Caitlin Barry says the broad definition of “aggravated felony” and the retroactive application of the law have created a constant stream of criminal deportation cases.

Although Dang was released under ICE supervision, a removal order remained in effect. He was allowed to re-enter the community and make a life for himself because at the time, Cambodia was not issuing visas to deportees from the United States, Barry said.

“Unfortunately, as soon as those visas to Cambodia became available, Chally was rounded up with the other guys and sent to Cambodia,” Barry said. “Chally’s case is the perfect illustration of how severe these laws have gotten.”

Because of Dang’s deportation, Cruz has found herself a single mother of four, struggling to make ends meet while working as a receptionist at a Philadelphia law firm.

She has sold household items and the family vehicle to pay the bills. She has also applied for welfare and other government assistance to feed her children.

“What I’ve experienced, I wouldn’t want any other family to have to go through,” said Cruz, a permanent resident who came to the United States as an infant from the Philippines. “I want that law to be taken and thrown in the garbage because it does nothing, it doesn’t make anything better.”

The deportations are a disservice to those who have come out of the system and changed their lives, said Kiernan, the One Love Movement co-founder.

“I don’t believe that refugees should be subject to deportation, period. That’s not their home anymore. They came here, this is their home,” Kiernan said.

“Everyday families are being broken apart, and every day, there are children suffering without a parent.”

While Cruz tidied up her home after hosting a One Love meeting on a recent Saturday, she paused and looked at her children coloring quietly in their sparse living room.

“They made me a single mother,” Cruz said. “It touches everyone involved.”

ពត៌មានខ្មែរ, សេដ្ឋកិច្ច & នយោបាយ

បក្ស សម រង្ស៊ី បាត់ដំបង សន្យាលើកស្លាកគណបក្សវិញក្នុងរយៈពេល ៧ ថ្ងៃ

ខែកញ្ញា 1, 2011 ដោយ icamnews 1 មតិ

ដោយ សួន សុផល មុន្នី
2011-09-01
វិទ្យុអាស៊ីសេរី

ស្តាប់សំឡេង

ជម្លោះក្នុងការលើកស្លាកសញ្ញាគណបក្ស សម រង្ស៊ី នៅតាមទីធ្លាសាធារណៈក្នុងក្រុងបាត់ដំបង នៅពុំទាន់ដល់ទីបញ្ចប់នោះទេ ក្រោយពេលអាជ្ញាធរដកស្លាកគណបក្ស សម រង្ស៊ី ចេញពីទីសាធារណៈរួចមក។

ស្លាក សញ្ញា គណបក្ស សម រង្ស៊ី ដែល នគរបាល ក្រុង បាត់ដំបង រឹប អូស កាល ពី ថ្ងៃ ទី ២២ សីហា ឆ្នាំ ២០១១។ (RFA/Soun Sophalmony)

គណបក្ស សម រង្ស៊ី បានចោទអាជ្ញាធរខេត្តបាត់ដំបងថា មានភាពលំអៀងទៅរកគណប្រជាជនកម្ពុជា និងព្រមានថា ក្នុងរយៈពេល ៧ ថ្ងៃទៀត បើសិនជាអាជ្ញាធរខេត្តមិនព្រមឆ្លើយតបតាមសំណើនោះទេ គណបក្ស សម រង្ស៊ី និងយកស្លាកគណបក្សទៅដាក់តាំងតាមទីតាំង ដែលបានស្នើសុំរួចហើយ។

មន្ត្រីជាន់ខ្ពស់នៃអាជ្ញាធរខេត្តបាត់ដំបងបានច្រានចោលសំណើរបស់តំណាងរាស្ត្រគណបក្សប្រឆាំងសម រង្ស៊ី ដែលបានដាក់លិខិតមួយច្បាប់សុំឲ្យជួយបង្កលក្ខណៈទៅតាមច្បាប់ ដើម្បីឲ្យបានលើកស្លាកគណបក្ស ទៅតាមគោលការណ៍ ស្នើភាពគ្នាដូចគណបក្សដទៃ នៅតាមទីធ្លាសាធារណៈក្នុងក្រុងបាត់ដំបង។

លោក ប្រាជ្ញ ចន្ទ គណៈអភិបាល និងអភិបាលខេត្តបាត់ដំបង មានប្រសាសន៍នៅថ្ងៃព្រហស្បតិ៍ ទី១ ខែកញ្ញា ឆ្នាំ ២០១១ ថា គណបក្ស សម រង្ស៊ី មានចិត្តមានៈមិនព្រមសម្របសម្រួល ជាមួយម្ចាស់ទីតាំងកម្មសិទ្ធិ ក្នុងការយកស្លាកគណបក្សទៅដាក់នោះឡើយ។ ដូច្នេះហើយ អាជ្ញាធរខេត្តបានផ្ទេរភារកិច្ចនេះ ទៅឲ្យអាជ្ញាធរក្រុងបាត់ដំបងជាអ្នកដោះស្រាយ។

លោក ប្រាជ្ញ ចន្ទ៖ «គាត់ថា អញ្ចឹងគេមិនព្រមឲ្យដាក់ដូចជានៅមុខផ្ទះ គណបក្សប្រជាជន គេម៉េចឲ្យដាក់គណបក្ស សម រង្ស៊ី នៅផ្ទះគេ។ អាហ្នឹងរឿងវាអ៊ីចឹងទេសំខាន់អ្នកដែលនៅហ្នឹងគេមិនព្រម»។

កាលពីរសៀលថ្ងៃទី៣១ ខែសីហា លោក ស្រី មួរ សុខហួរ បានដាក់លិខិតមួយច្បាប់ទៅ លោក ប្រាជ្ញ ចន្ទ អភិបាលខេត្តបាត់ដំបងឲ្យជួយបង្កលក្ខណៈទៅតាមច្បាប់ ដើម្បីឲ្យបានលើកស្លាកគណបក្ស តាមគោលការណ៍ស្នើភាពគ្នាដូចគណបក្សដទៃ។ អាជ្ញាធរក្រុងបាត់ដំបង បានបដិសេធមិនព្រមប្រគល់ស្លាកគណបក្សសមរង្ស៊ីចំនួន៤ផ្ទាំង ឲ្យទៅគណបក្ស សម រង្ស៊ី ហើយបានទាមទារឲ្យគណបក្សនេះធ្វើលិខិតស្នើសុំជាថ្មី។

អភិបាលក្រុងបាត់ដំបង លោក អឿម សុខុន ថ្លែងថា សាលាក្រុងបាត់ដំបងនៅមិនបានទទួលលិខិតរបស់សាលាខេត្តទេ។ ប៉ុន្តែ លោកបញ្ជាក់ថា ៖ «ខ្ញុំអាជ្ញាកណ្ដាល ទីមួយកន្លែងដែលយើងបានហាមឃាត់នោះ ដោយសារទីតាំងនោះវាមានទំនាស់ជាមួយប្រជាពលរដ្ឋ ឥឡូវនេះខ្ញុំសុំគោលការណ៍ ប៉ិច (PEC) ហើយ ដើម្បីមានគោលការណ៍ហ្នឹង»។

ចំណែកឯលោក វន ពន ប្រធានគណៈកម្មាធិការជាតិរៀបចំការបោះឆ្នោតខេត្តហៅកាត់ថា ប៉ិច (PEC) នៅខេត្តបាត់ដំបងមានប្រសាសន៍ថា ក្នុងដំណាក់កាលនេះ (PEC) ខេត្តពុំមានតួនាទីក្នុងដោះស្រាយ រឿងជម្លោះលើកដាក់ស្លាកគណបក្សនយោបាយនោះទេ។ ចំណែកលិខិតរបស់សាលាក្រុងបាត់ដំបងក៏ (PEC) មិនទាន់បានទទួលដែរ ៖ «អត់មានតួនាទីអីទេ ទាល់តែពេលឃោសនា។ យើងអត់ទាន់បានដឹងខ្លឹមសារគាត់និយាយពីអីផង។ យើងដឹងខ្លឹមសារពីអី យើងនឹងឆ្លើយតបទៅគាត់វិញ»។

ប្រធានក្រុមប្រឹក្សាគណបក្ស សម រង្ស៊ី ប្រចាំខេត្តបាត់ដំបង លោក ស្រី មូរ សុខហួរ បានថ្លែងថា ទោះបីអាជ្ញាធរច្រានចោលសំណើរបស់គណបក្ស សម រង្ស៊ី ក៏គណបក្ស សម រង្ស៊ី នៅតែរក្សាជំហរដដែល។

លោក ស្រី មូរ សុខហួរ ៖ «បើសិនជាស្លាកគណបក្សប្រជាជនកម្ពុជា នៅកន្លែងណា ទីកន្លែងនោះត្រូវតែមានស្លាកគណបក្សដទៃទៀត។ ដូច្នេះ យើងសុំហ្នឹងត្រឹមត្រូវណាស់។ យើងសុំយកមកកន្លែងដដែលវិញ ពីព្រោះយើងឃើញមានស្លាកគណបក្សប្រជាជនកម្ពុជា។ បើយើងមើលមាត្រាទី៤ នៃច្បាប់នៃគណបក្សនយោបាយនិយាយថា ច្បាប់នេះការពារគណបក្សណាក៏ដោយឲ្យស្នើភាពគ្នា»។

មន្ត្រីអង្គការសិទ្ធិមនុស្ស លីកាដូ លោក ស៊ុន តឹក ថ្លែងថា ការលើកដាក់តាំងស្លាកគណបក្សនយោបាយ មិនមែនតែគណបក្ស សម រង្ស៊ី មួយទេ គឺមានគ្រប់គណបក្សទាំងអស់។ ក្នុងនោះរាប់ទាំងគណបក្សប្រជាជនផង។ ដូច្នេះ បញ្ហានេះ ទាមទារឲ្យមានភាពស្មើគ្នាចំពោះមុខច្បាប់។ លោកបន្តថា នៅតាមទីកន្លែង ដែលគណបក្ស សម រង្ស៊ី បានស្នើសុំនោះ គឺជាទីតាំងសាធារណៈ ខុសពីការអះអាងរបស់អាជ្ញាធរ ដែលថា ជាទីតាំងឯកជន។

ទោះយ៉ាងណា នៅក្នុងលិខិតរបស់លោក ស្រី មូរ សុខហួរ ដាក់ជូនទៅអាជ្ញាធរខេត្ត បានបញ្ជាក់ថា ករណីនេះ គណបក្សយើងខ្ញុំ មិនជំទាស់ទៅនឹងការបដិសេធរបស់អាជ្ញាធរទេ ដរាបណាអាជ្ញាធរបង្គាប់ឲ្យគណបក្សដទៃ ដកស្លាកគណបក្សចេញពីទីតាំងទាំងនោះទាំងអស់។ បើពុំដូច្នេះទេ ក្នុងមួយសប្ដាហ៍ទៀត គណបក្សយើងខ្ញុំ និងយកស្លាកសញ្ញាគណបក្សទៅដាក់នៅទីតាំងទាំងនោះដែរ៕

ពត៌មានខ្មែរ, សេដ្ឋកិច្ច & នយោបាយ

អង្គជំនុំជម្រះតុលាការកំពូល ប្រកាសថា នឹងចេញសាលដីការឿង ឌុច នៅមុនដាច់ឆ្នាំ២០១១

ខែកញ្ញា 1, 2011 ដោយ icamnews 0 Comments

ដោយ : CEN
ថ្ងៃទី 1 កញ្ញា 2011

ភ្នំពេញ: ទីបំផុតទៅ អង្គជំនុំជម្រះតុលាការកំពូល របស់សាលាក្តីចម្រុះកាត់ទោសមេខ្មែរក្រហម បានប្រកាសថា សាលដីកាស្ថាពរ ដែលជាសេចក្តីសម្រេចបិទផ្លូវតវ៉ា ក្នុងសំណុំរឿង ០០១ ដែលមានជនជាប់ចោទ កាំង ហ្កេកអ៊ាវ ហៅ ឌុច អតីតប្រធានគុកទួលស្លែង នឹងត្រូវចេញ នៅមុនបំណាច់ឆ្នាំ២០១១នេះ។

សេចក្តីប្រកាសព័ត៌មានសេចក្តីថ្លែងការណ៍ នៅព្រឹកថ្ងៃទី១ ខែកញ្ញា ឆ្នាំ២០១១ បង្ហាញថា អង្គជំនុំជម្រះតុលាការកំពូល នៃអង្គជំនុំជម្រះវិសាញ្ញក្នុងតុលាការកម្ពុជា (អ.វ.ត.ក) ធ្វើសេចក្តីថ្លែងការណ៍ព័ត៌មានជូនដំណឹងដល់សាធារណជន អំពីដំណើរការការងាររបស់ខ្លួន ក្នុងការចេញសាលដីកាក្នុងសំណុំរឿង ០០១ ដូចខាងក្រោម៖

អង្គជំនុំជម្រះតុលាការកំពូល បានចាប់ផ្តើមដំណើរការការងាររបស់ខ្លួនពេញលេញ ក្នុងខែមករា ឆ្នាំ២០១១ ហើយនាពេលបច្ចុប្បន្ននេះ អង្គជំនុំជម្រះតុលាការកំពូល ទទួលបានបណ្តឹងសាទុក្ខរបស់ជនជាប់ចោទ សហព្រះរាជអាជ្ញា និងដើមបណ្តឹងរដ្ឋប្បវេណី ប្រឆាំងនឹងសាលក្រមរបស់អង្គជំនុំជម្រះសាលាដំបូង ក្នុងសំណុំរឿង ០០១ ។

ក្នុងពេលដំណាលគ្នានោះដែរ អង្គជំនុំជម្រះតុលាការកំពូល ក៏បានទទួល និងដោះស្រាយលើបណ្តឹងសាទុក្ខភ្លាមៗ ក្នុងសំណុំរឿង ០០២ ផងដែរ ។
បន្ទាប់ពីបញ្ចប់នូវសារណាផ្ទាល់មាត់ និងជាលាយលក្ខណ៍អក្សររបស់ភាគីក្នុងសំណុំរឿង ០០១ កាលពីចុងខែមីនា ឆ្នាំ ២០១១ រួចមក បណ្តឹងសាទុក្ខក្នុងសំណុំរឿង ០០១ កំពុងស្ថិតក្រោមការពិចារណារបស់អង្គជំនុំជម្រះតុលាការកំពូល ។

អង្គជំនុំជម្រះតុលាការកំពូល ក៏បានប្រកាសថា ខ្លួននឹងខិតខំឲ្យអស់ពីសមត្ថភាព ដើម្បីចេញសាលដីកាក្នុងសំណុំរឿង ០០១ នៅមុនបំណាច់ឆ្នាំនេះ ហើយនឹងជូនដំណឹងដល់សាធារណជនអំពីកាលបរិច្ឆេទ នៃការប្រកាសសាលដីកា ក្នុងពេលឆាប់ៗនេះ។

សេចក្តីប្រកាសរបស់តុលាការកំពូលយ៉ាងដូច្នេះ បានធ្វើឡើង ជាការឆ្លើយតបនឹងការចោទសួររបស់ក្រុមជនរងគ្រោះក្នុងរបបខ្មែរក្រហម តាមរយៈសមាគមក្សេមក្សាន្តរបស់លោក ជុំម៉ី កាលសប្តាហ៍មុន។

លិខិតដែលចុះហត្ថលេខាដោយលោក ជុំ ស៊ីរ៉ាត់ និងលោក ជុំ ម៉ី ជនរងគ្រោះក្នុងរបបខ្មែរក្រហម បានលើកឡើងថា ដោយទន្ទឹងចាំមើលការកាត់សេចក្ដីចុងក្រោយលើជនជាប់ចោទ ឌុច និងសេចក្ដីទទូចចង់ដឹងពីសំណាក់ជនរងគ្រោះ យើងខ្ញុំជាសមាជិក-សមាជិកានៃសមាគម “ ក្សេមក្សាន្ដ ” និងជាភាគីដើមបណ្ដឹងរដ្ឋប្បវេណី ក្នុងសំណុំរឿង ០០១ សូមគោរពស្នើលោកប្រធាន និងលោកលោកស្រីចៅក្រមនៃអង្គជំនុំជម្រះតុលាការកំពូល មេត្តាចេញសេចក្ដីជូនដំណឹងបញ្ជាក់ ឬសេចក្ដីថ្លែការណ៍ព័ត៌មាន អំពីកាលបរិច្ឆេទនៃការប្រកាសសាលដីកាកាត់សេចក្ដី ឌុច ឬការវិវឌ្ឍន៍នៃដំណើរការសម្រេចសេចក្ដីនេះ។

ក្រុមជនរងគ្រោះក្នុងរបបខ្មែរក្រហម ពិសេសអតីតអ្នកទោសគុកទួលស្លែង ក៏បានលើកឡើងថា ក្នុងករណីតុលាការកំពូល មិនទាន់បានកំណត់អំពីកាលបរិច្ឆេទច្បាស់លាស់ លើការប្រកាសសាលដីកាក្នុងករណីសំណុំរឿង០០១ទេ យើងខ្ញុំសូមស្នើតុលាការកំពូល មេត្តាបញ្ជាក់ថា តើដំណើរការនេះនឹងអាចប្រព្រឹត្តទៅយ៉ាងដូចម្ដេចដែរ?៕

ពត៌មានខ្មែរ, សេដ្ឋកិច្ច & នយោបាយ

សាលដីកាសំណុំរឿងឌុច នឹងចេញមុនដំណាច់ឆ្នាំ២០១១

ខែកញ្ញា 1, 2011 ដោយ icamnews 0 Comments

ដោយ លាង ដឺលុច
ថ្ងៃ ព្រហស្បតិ៍ 01 កញ្ញា 2011
RFI

ស្តាប់សេចក្តីរាយការណ៍របស់ លាង ដឺលុច ពីទីក្រុងភ្នំពេញ (01:33)

តុលាការកំពូលនៃសាលាក្តីខ្មែរក្រហមបានចេញផ្សាយសេចក្តីថ្លែងការណ៍ មួយនៅថ្ងៃព្រហស្បតិ៍ទី១កញ្ញានេះដើម្បីប្រាប់សាធារណជនថា តុលាការនេះនឹងព្យាយាមប្រកាសសាលដីកាសំណុំរឿង០០១អោយបានមុន ដំណាច់ឆ្នាំ២០១១នេះ។ សេចក្តីថ្លែងការណ៍របស់តុលាការកំពូលធ្វើឡើង ក្រោយពីមានការសម្តែងពីភាពមិនសប្បាយចិត្តរបស់ក្រុមភាគីដើមបណ្តឹង រដ្ឋប្បវេណី ដែលកំពុងរង់ចាំស្តាប់សាលដីកាលើអតីតប្រធានគុកទួលស្លែង។

ឌុចឆ្លើយបញ្ជាក់នៅក្នុងសវនាការតុលាការខ្មែក្រហម ក្នុងទីក្រុងភ្នំពេញ (©ECCC)

កាលពីចុងខែមីនា អង្គជំនុំជម្រះតុលាការកំពូលនៃសាលាក្តីខ្មែរក្រហមបានបើកសវនាការលើបណ្តឹងឧទ្ធរណ៍ ប្រឆាំងសាលក្រមរបស់សាលាដំបូងដែលសម្រេចអោយកាំង ហ្គេចអ៊ាវ ហៅឌុច អតីតប្រធានគុកទួលស្លែង ជាប់ពន្ធនាគារ៣៥ឆ្នាំ។ ទោសទណ្ឌ៣៥ឆ្នាំមែន ប៉ុន្តែកាត់កងជាមួយរយៈពេលនៃការឃុំឃាំង ចាប់តាំងពីការចាប់ខ្លួនឆ្នាំ១៩៩៩មក អតីតមេគុកទួលស្លែងមានទោសជាប់ពន្ធនាគារតែ១៩ឆ្នាំប៉ុណ្ណោះ។ អីចឹងហើយបានជាមានបណ្តឹងឧទ្ធរណ៍ពីដើមបណ្តឹងរដ្ឋប្បវេណី និងពីការិយាល័យសហព្រះរាជអាជ្ញាប្រឆាំងការសម្រេចនេះ។

តាំងពីមានសវនាការ នៅតុលាការកំពូលជំនុំជម្រះលើបណ្តឹងឧទ្ធរណ៍នោះ រហូតដល់ពេលនេះ មានរយៈពេល៥ខែហើយ។ ព័ត៌មានស្តីអំពីពេលវេលានៃការប្រកាសសាលដីកាលើការជំនុំជម្រះបណ្តឹងឧទ្ធរណ៍នោះ គ្មានអ្នកណាម្នាក់ដឹងឡើយ។ ដូច្នេះ កាលពីសប្តាហ៍កន្លងទៅក្រុមអ្នកតំណាងដើមបណ្តឹងរដ្ឋប្បវេណីបានធ្វើលិខិតមួយសួរបញ្ជាក់អំពីព័ត៌មាននេះ ទៅតុលាការកំពូលនៃសាលាក្តីខ្មែរក្រហម។

នៅថ្ងៃទី១កញ្ញានេះ អង្គជំនុំជម្រះតុលាការកំពូលនេះ បានធ្វើសេចក្តីប្រកាសព័ត៌មានប្រកាសថា តុលាការនេះនឹងព្យាយាមដើម្បីចេញសាលដីកាសំណុំរឿងអតីតប្រធានគុកទួលស្លែងនៅមុនដំណាច់ឆ្នាំ២០១១នេះ។

តុលាការកំពូលបានភ្ជាប់មកជាមួយនូវការពន្យល់ដែលថា តុលាការនេះមិនបាននៅស្ងៀមនោះឡើយ។ នៅក្នុងសេចក្តីថ្លែងការណ៍របស់ខ្លួន តុលាការកំពូលពន្យល់ថា ខ្លួនបានចាប់ផ្តើមធ្វើការងារពេញលេញ ចាប់ពីខែមករាឆ្នាំ២០១១នេះ ហើយក៏បានទទួលសំណុំរឿងចាត់ការជាបន្តបន្ទាប់ផងដែរ៕

ពត៌មានខ្មែរ, សេដ្ឋកិច្ច & នយោបាយ

សិស្សបឋមសិក្សា អនុវិទ្យាល័យ និងវិទ្យាល័យ ចាប់ចុះឈ្មោះចូលរៀន ដោយមិនបង់លុយ

ខែកញ្ញា 1, 2011 ដោយ icamnews 0 Comments

ដោយ : មុនីរ័ត្ន
ថ្ងៃទី 1 កញ្ញា 2011
CEN

ការចុះឈ្មោះ ចូល រៀន ឆ្នាំនេះ ត្រូវ ធ្វើឡើង រយៈពេល ១ ខែ គិត ចាប់ពី ថ្ងៃ ទី ១ កញ្ញា ដល់ ថ្ងៃ ទី ៣០ កញ្ញា ឆ្នាំ ២០១១ ។ ការចុះឈ្មោះ ធ្វើឡើង ដោយ ឥតគិតថ្លៃ ៕ (រូបថត ៖ ស៊ីវ ចាន់ណា)

ភ្នំពេញ: សិស្សបឋមសិក្សា អនុវិទ្យាល័យ និងថ្នាក់វិទ្យាល័យទូទាំងប្រទេស ចាប់ផ្តើមចុះឈ្មោះ ចូលរៀនចាប់ពីថ្ងៃទី១ កញ្ញា ដល់ថ្ងៃទី៣០ ខែកញ្ញា ឆ្នាំ២០១១ ដោយមិនមានការបង់លុយនោះទេ។ ក៏ប៉ុន្តែនៅថ្ងៃដំបូង នៃការចុះឈ្មោះចូលរៀន ថ្ងៃទី១កញ្ញា ឆ្នាំ២០១១ នៅតាមសាលារៀនខ្លះ នៅភ្នំពេញ មិនទាន់បើកទ្វារ ទទួលចុះឈ្មោះ នៅឡើយទេ។

ការមិនទាន់ទទួលចុះឈ្មោះសិស្សចូលរៀន នៅតាមសាលារៀនមួយចំនួននោះ ត្រូវបានលោកគ្រូអ្នកគ្រូ បញ្ជាក់ថា រវល់ទៅប្រជុំនៅក្រសួងអប់រំ ហើយនៅថ្ងៃទី២កញ្ញា ឆ្នាំ២០១១ ទើបចាប់ផ្តើមចែកឌីម៉ង់ និងទទួលពាក្យចូលរៀន។

លោកស្រី សោម សុផល នាយិកាសាលាបឋមសិក្សា ហ៊ុន នាង បឹងត្របែកខាងកើត ឲ្យដឹងថា ចំពោះសិស្សបឋមសិក្សា ដែលគ្រប់អាយុចូលរៀនថ្នាក់ទី១ ត្រូវមានអាយុ ៦ឆ្នាំ ហើយបើអាយុ៥ ឆ្នាំ ត្រូវចូលរៀនថ្នាក់មត្តេយ្យ។ លក្ខណ្ឌនៃការចុះឈ្មោះចូលរៀន អាណាព្យាបាល និងមាតាបិតា ត្រូវមាននាំកូនទៅសាលារៀន ដោយភ្ជាប់ជាមួយឯកសារ ដូចជា សំបុត្រកំណើត សំបុត្រពេទ្យ និងសៀវភៅស្នាក់នៅ។ ខាងសាលា បានបង្កលក្ខណៈដល់មាតា បិតា និងអាណាព្យាបាលសិស្ស ហើយការចុះឈ្មោះចូលរៀន មិនត្រូវបង់លុយទេ។

ចំណែកលោក មាឃ ឆរស្មី នាយកវិទ្យាល័យសន្ធរម៉ុក ក៏បានបញ្ជាក់ថា នៅថ្ងៃទី១ កញ្ញា ឆ្នាំ២០១១ មានសិស្សានុសិស្សជាច្រើន មកចុះឈ្មោះចូលរៀន។ ចំពោះពាក្យសុំចូលរៀន ( ឌឺម៉ង់ ) មិនមានការយកលុយពីសិស្សនោះទេ។

ជាមួយគ្នានោះ លោក អ៊ូ អេង អគ្គនាយកអប់រំ នៃអគ្គនាយកដ្ឋានក្រសួងអប់រំ យុវជន និងកីឡា ក៏បានមានប្រសាសន៍ថា ការចុះឈ្មោះចូលរៀន មិនមានការយកលុយទេ។ ក្នុងនាមក្រសួងអប់រំ លោកជំរុញឲ្យអាណាព្យាបាល និងមាតាបិតា នាំកូន ដែលគ្រប់អាយុ ៦ ឆ្នាំ ទៅចុះឈ្មោះចូលរៀនឲ្យបានគ្រប់ៗគ្នា។

យ៉ាងណាក៏ដោយ មកដល់ល្ងាចថ្ងៃទី១កញ្ញា ឆ្នាំ២០១១ លោក រ៉ុង ឈុន ប្រធានសមាគមគ្រូបង្រៀនកម្ពុជាឯករាជ្យ បានអោយដឹងថា សមាគមគ្រូបង្រៀនរបស់លោក នៅមិនទាន់ទទួលព័ត៌មានថា មានការយកលុយពីសិស្សក្នុងការចុះឈ្មោះចូលរៀននៅឆ្នាំនេះឡើយ៕

ពត៌មានខ្មែរ, សេដ្ឋកិច្ច & នយោបាយ

សាលាដំបូងក្រុងភ្នំពេញកោះហៅលោក សម រង្ស៊ី ឲ្យចូលខ្លួនក្នុងសំណុំរឿងបរិហាកេរ្តិ៍លោក ហោ ណាំហុង

ខែកញ្ញា 1, 2011 ដោយ icamnews 0 Comments

សុក្រ 02 កញ្ញា 2011
ទស្សនាវដ្តីសារព័ត៌មានសេរី

តុលាការសាលាដំបូងក្រុងភ្នំពេញកាលពីថ្ងៃទី០១ កញ្ញា ម្សិលមិញ បានចេញដីកាកោះហៅលោក សម រង្ស៊ី មេដឹកនាំគណបក្សប្រឆាំងសមរង្ស៊ីឲ្យចូលខ្លួនសម្រាប់សវនាការនៅថ្ងៃទី២២ ខែកញ្ញា ឆ្នាំ២០១១ ចំពោះបណ្តឹងរបស់លោក ហោ ណាំហុង រដ្ឋមន្រ្តីក្រសួងការបរទេសកម្ពុជា ពីបទបរិហាកេរ្តិ៍ និងផ្សាយព័ត៌មានមិនពិត។

លោក សម រង្ស៊ី និងលោក ហោ ណាំហុង

ដីកាកោះដែលចេញដោយលោក សៀង សុខ តំណាងអយ្យការអមសាលាដំបូងក្រុងភ្នំពេញ បានបង្គាប់ឲ្យលោក សម រង្ស៊ី ចូលខ្លួនក្នុងសវនាការនាថ្ងៃទី២២ ខែកញ្ញា ឆ្នាំ២០១១ វេលាម៉ោង ១៤ និង៣០នាទី ដើម្បីជំនុំជម្រះលើបណ្តឹងទាស់ ចំពោះសំណុំរឿងបរិហាកេរ្តិ៍ និងផ្សាយព័ត៌មានមិនពិត ប្រព្រឹត្តនៅចំណុចសារមន្ទីរជើងឯកកាលពីថ្ងៃទី១៧ ខែមេសា ឆ្នាំ២០០៨។

កាលពីខែមេសា តុលាការក្រុងភ្នំពេញបានសម្រេចម្តងរួចមកហើយចំពោះសំណុំរឿងនេះ ដោយបានកាត់ទោសកំបាំងមុខលោក សម រង្ស៊ី ឲ្យជាប់ពន្ធនាគាររយៈពេល២ឆ្នាំ និងពិន័យជាប្រាក់ចំនួន៨លានរៀល ចំពោះបទបរិហាកេរ្តិ៍ និងញុះញង់ឲ្យមានការស្អប់ខ្ពើមមន្រ្តីរដ្ឋាភិបាល ព្រោះលោក សម រង្ស៊ី បានចោទលោក ហោ ណាំហុងថា ជាអតីតមេគុកបឹងត្របែកក្នុងសម័យខ្មែរក្រហម។

លោក ជូ ជូងី មេធាវីការពារក្តីឲ្យលោក សម រង្ស៊ី បាននិយាយប្រាប់បណ្តាញព័ត៌មានក្នុងស្រុកថា លោកត្រៀមខ្លួនរួចរាល់ហើយដើម្បីការពារក្តីឲ្យកូនក្តីរបស់លោក ហើយថា លោកនឹងដាក់ពាក្យបណ្តឹងថ្មីជំទាស់ទៅនឹងការសម្រេចរបស់តុលាការខាងលើ ដោយលោកអះអាងថា តុលាការមិនត្រូវសម្រេចឲ្យលោក សម រង្ស៊ី ចាញ់ក្តីលោក ហោ ណាំហុងទេ ព្រោះលោក សម រង្ស៊ី បានឈ្នះក្តីលោក ហោ ណាំហុង ក្នុងករណីនេះនៅតុលាការកំពូលបារាំងរួចហើយ៕

ពត៌មានខ្មែរ, សេដ្ឋកិច្ច & នយោបាយ

តុលាការក្រុងភ្នំពេញ កាត់ទោសលោក សម រង្ស៊ី ម្តងទៀត លើករណីបរិហារកេរ្តិ៍លោក ហោ ណាំហុង

ខែកញ្ញា 1, 2011 ដោយ icamnews 1 មតិ

ដោយ : CEN
ថ្ងៃទី 1 កញ្ញា 2011

ភ្នំពេញ: លោក សៀង សុខ តំណាងអយ្យការអមសាលាដំបូងរាជធានីភ្នំពេញ បានចេញដីកាកោះហៅ លោក សម រង្ស៊ី ឲ្យចូលសវនាការលើបណ្តឹងទាស់ នៅរសៀលម៉ោង ២ និង ៣០ នាទី ថ្ងៃទី២២កញ្ញា ឆ្នាំ២០១១។ តាមដីកា លោក សម រង្ស៊ី ជាប់ចោទពីបទ បរិហារកេរ្តិ៍ និងបទផ្សាយព័ត៌មានមិនពិត ប្រព្រឹត្តនៅចំណុចសារមន្ទីរជើងឯក កាលពីថ្ងៃ១៧មេសា ឆ្នាំ២០០៨។

ក្នុងដីកាចេញថ្ងៃទី១កញ្ញា ឆ្នាំ២០១១ ដែលគណបក្សសមរង្ស៊ី បានផ្សព្វផ្សាយនោះ បានកំណត់ថា សវនាការលើបណ្តឹងទាស់ នៅរសៀលថ្ងៃទី២២កញ្ញា ឆ្នាំ២០១១ ធ្វើឡើង ដោយមានសមាសភាព លោក សេង នាង ចៅក្រមជំនុំជម្រះ, លោក សៀង សុខ តំណាងអយ្យការ និងលោក តិច ប៉ូ ជាក្រឡាបញ្ជីសវនាការ។

ជាការកត់សម្គាល់ រឿងក្តីបរិហារកេរ្តិ៍ និងផ្សាយព័ត៌មានមិនពិត នៅជើងឯក កាលពីថ្ងៃទី១៧មេសា ឆ្នាំ២០០៨ ដែលលោកឧបនាយករដ្ឋមន្ត្រី ហោ ណាំហុង រដ្ឋមន្ត្រីការបរទេស ជាដើមបណ្តឹង ត្រូវបានតុលាការក្រុងភ្នំពេញ បានបើកសវនាការ និងសម្រេចផ្តន្ទាទោសកំបាំងមុខលោកសមរង្ស៊ី ដាក់ពន្ធនាគារ ២ ឆ្នាំ។ សំណុំរឿងនោះ ដោយសារតែលោកសមរង្ស៊ី ចោទលោក ហោ ណាំហុង ជាមេគុកបឹងត្របែក នៅសម័យខ្មែរក្រហម។ ក្រោយមកមេធាវីលោកសមរង្ស៊ី បានប្តឹងជំទាស់ នៅកាន់តុលាការសាលាឧទ្ធរណ៍។

សព្វថ្ងៃ លោក សម រង្ស៊ី កំពុងរស់នៅប្រទេសបារាំង បានរួមរឹតដោយពាក្យបណ្តឹងនៅតុលាការ។ ក្នុងនោះ តុលាការសាលាឧទ្ធរណ៍ បានកំណត់ថា នឹងបើកសវនាការលើសំណុំរឿងផែនទីក្លែងក្លាយ លើលោក សម រង្ស៊ី នៅថ្ងៃទី២០ ខែកញ្ញា ឆ្នាំ២០១១។ សំណុំរឿងនេះ លោកសមរង្ស៊ី ត្រូវតុលាការក្រុងភ្នំពេញផ្តន្ទាទោស ១០ឆ្នាំ និងពិន័យជាប្រាក់សរុប ៦៥លានរៀល ពីបទក្លែងបន្លំឯកសារសាធារណៈ និងផ្សព្វផ្សាយព័ត៌មានមិនពិត ពាក់ព័ន្ធនឹងបញ្ហាព្រំដែនរវាងប្រទេសកម្ពុជា និងវៀតណាម។

គិតមកដល់ពេលនេះ លោក សម រង្ស៊ី ត្រូវបានតុលាការផ្តន្ទាទោសកំបាំងមុខ ដាក់ពន្ធនាគារសរុប ១៤ ឆ្នាំ ក្នុងរឿងក្តី ៣ផ្សេងគ្នា រួមមាន៖ ទី១-ការដកតម្រុយព្រំដែនកម្ពុជា-វៀតណាម នៅខេត្តស្វាយរៀង ត្រូវតុលាការផ្តន្ទាទោសដាក់ពន្ធនាគារ ២ ឆ្នាំ។ រឿងក្តីនោះ បានចូលជាធរមាន កាលពីខែមីនា ឆ្នាំ២០១១។ ទី២-រឿងផែនទីក្លែងក្លាយ ត្រូវតុលាការផ្តន្ទាទោសដាក់ពន្ធនាគារ ១០ ឆ្នាំ ហើយសំណុំរឿងនេះ កំពុងស្ថិតនៅតុលាការឧទ្ធរណ៍ និងទី៣-រឿងក្តីបរិហារកេរ្តិ៍ និងផ្សាយព័ត៌មានមិនពិត ដែលលោកឧបនាយករដ្ឋមន្ត្រី ហោ ណាំហុង ជាដើមបណ្តឹង ត្រូវតុលាការផ្តន្ទាទោសកំបាំងមុខលោកសមរង្ស៊ី ដាក់ពន្ធនាគារ ២ ឆ្នាំ៕

ពត៌មានខ្មែរ, សេដ្ឋកិច្ច & នយោបាយ

ពលរដ្ឋនៅជនបទប្រឈមគ្រោះថ្នាក់ដោយសារការប្រែប្រួលអាកាសធាតុ

នៅថ្ងៃទី១កញ្ញានេះ ប្រធានរដ្ឋសភាឡាវ ផ្តើមបំពេញដំណើរទស្សនកិច្ចនៅកម្ពុជារយៈពេល ៤ ថ្ងៃ

អ្នកភូមិបឹងកក់រកអន្តរាគមន៍ចំពោះអ្នកដែលគ្មានឈ្មោះក្នុងគម្រោងអភិវឌ្ឍន៍

សាឡុត ស និងឥទ្ធិពលបក្សកុម្មុយនិស្តចិន

មេធាវីរបស់ នួន ជា ស្នើសាលាក្តីឲ្យពិនិត្យឡើងវិញលើសុខភាពកូនក្តីខ្លួន

ប្រទេសផ្តល់ជំនួយជំរុញសាលាក្តីឲ្យបើកសវនាការរឿងក្តី០០២ឲ្យបានឆាប់

ខ្មែរអាមេរិករៀបចំពិធីបុណ្យប្រណាំងទូកលើកទី១៥នៅឡូវែល

មេប៉ូលិសចរាចរណ៍នៅភ្នំពេញ ប្រកាសចាប់ប៉ូលិស ដែលយកលុយតាមផ្លូវ

Federal deportation review comes too late for some

បក្ស សម រង្ស៊ី បាត់ដំបង សន្យាលើកស្លាកគណបក្សវិញក្នុងរយៈពេល ៧ ថ្ងៃ

អង្គជំនុំជម្រះតុលាការកំពូល ប្រកាសថា នឹងចេញសាលដីការឿង ឌុច នៅមុនដាច់ឆ្នាំ២០១១

សាលដីកាសំណុំរឿងឌុច នឹងចេញមុនដំណាច់ឆ្នាំ២០១១

សិស្សបឋមសិក្សា អនុវិទ្យាល័យ និងវិទ្យាល័យ ចាប់ចុះឈ្មោះចូលរៀន ដោយមិនបង់លុយ

សាលាដំបូងក្រុងភ្នំពេញកោះហៅលោក សម រង្ស៊ី ឲ្យចូលខ្លួនក្នុងសំណុំរឿងបរិហាកេរ្តិ៍លោក ហោ ណាំហុង

តុលាការក្រុងភ្នំពេញ កាត់ទោសលោក សម រង្ស៊ី ម្តងទៀត លើករណីបរិហារកេរ្តិ៍លោក ហោ ណាំហុង

Facebook

Archives

Calendar

អត្ថបទផ្សាយថ្មីៗ

ខែកញ្ញា 2011
ច	អ	ព	ព្រ	សុ	ស	អា
			1	2	3	4
5	6	7	8	9	10	11
12	13	14	15	16	17	18
19	20	21	22	23	24	25
26	27	28	29	30

ចែក​រំលែក​របស់​នេះ៖

ចែក​រំលែក​របស់​នេះ៖

ចែក​រំលែក​របស់​នេះ៖

ចែក​រំលែក​របស់​នេះ៖

ចែក​រំលែក​របស់​នេះ៖

ចែក​រំលែក​របស់​នេះ៖

ចែក​រំលែក​របស់​នេះ៖

ចែក​រំលែក​របស់​នេះ៖

ចែក​រំលែក​របស់​នេះ៖

ចែក​រំលែក​របស់​នេះ៖

ចែក​រំលែក​របស់​នេះ៖

ចែក​រំលែក​របស់​នេះ៖

ចែក​រំលែក​របស់​នេះ៖

ចែក​រំលែក​របស់​នេះ៖

ចែក​រំលែក​របស់​នេះ៖

Archives

Calendar

អត្ថបទ​ផ្សាយ​ថ្មីៗ

ចែករំលែករបស់នេះ៖

ចែករំលែករបស់នេះ៖

ចែករំលែករបស់នេះ៖

ចែករំលែករបស់នេះ៖

ចែករំលែករបស់នេះ៖

ចែករំលែករបស់នេះ៖

ចែករំលែករបស់នេះ៖

ចែករំលែករបស់នេះ៖

ចែករំលែករបស់នេះ៖

ចែករំលែករបស់នេះ៖

ចែករំលែករបស់នេះ៖

ចែករំលែករបស់នេះ៖

ចែករំលែករបស់នេះ៖

ចែករំលែករបស់នេះ៖

ចែករំលែករបស់នេះ៖

អត្ថបទផ្សាយថ្មីៗ