ខែកញ្ញា 5, 2011 
អង្គារ 06 កញ្ញា 2011
សិលាពល
ទស្សនាវដ្តីសារព័ត៌មានសេរី
បក្សសិទ្ធិមនុស្សដែលជាគណបក្សប្រឆាំងលំដាប់ទីពីរ នៅក្នុងប្រទេសកម្ពុជាបាន ព្រមានធ្វើបាតុកម្មបន្ទាប់ពីសកម្មជនរបស់ខ្លួនពីររូបនៅខេត្តកំពង់ចាមត្រូវបានចាប់ខ្លួន ហើយក្រោយមកត្រូវបានចោទប្រកាន់ដោយតុលាការខេត្តនេះ ពីបទញុះញង់និងបង្កឲ្យមានការរើសអើងពូជសាសន៍ ហើយបានព្យាយាមចាប់សកម្មជនម្នាក់ទៀត ក្នុងបទដដែលនេះ ។
លោក ប៉ុល ហំម អ្នកនាំពាក្យបក្សសិទ្ធិមនុស្ស
លោក ប៉ុល ហំម អ្នកនាំពាក្យគណបក្សសិទ្ធិមនុស្ស បានមានប្រសាសន៍កាលពីម្សិលមិញថា ” ខ្ញុំបានទទួលដំណឹងថា តុលាការនេះ ក៏មានគម្រោងចេញដីការចាប់ខ្លួនលោក សេង សៀងលី ដែលជាប្រធានគណបក្សសិទ្ធិមនុស្សប្រចាំខេត្តនេះ ដែរ ។ ប្រសិនបើសមាជិកគណបក្សបន្ថែមទៀតត្រូវបានចាប់ខ្លួននោះ គណបក្សសិទ្ធិមនុស្សទំនងជា នឹងធ្វើបាតុកម្មតវ៉ាតែម្ដង។ គណបក្សសិទ្ធិមនុស្សនឹងមិននៅស្ងៀមទេ ” ។
លោក ផន ផា អាយុ ៦៦ឆ្នាំ និងលោក ភូមិ យាន អាយុ ៧១ឆ្នាំ ដែលអ្នកទាំងពីរជាសកម្មជន គណបក្សសិទ្ធិមនុស្សប្រចាំ ឃុំ ត្រូវបានចាប់ខ្លួនក្នុងភូមិ ទន្លេបិទ ស្រុក ត្បូងឃ្មុំ ខណៈដែលពួកគេបានចែកសារ ដែលត្រូវបានអះអាងថា ជាគោលការរបស់គណបក្សស្ដីពីមហិច្ឆតាឈ្លានពានទឹកដីដោយយួន និង ការធ្វើសម្បទានដីរយៈពេល៩៩ឆ្នាំទៅឲ្យក្រុមហ៊ុនបរទេស ។ គណបក្សសិទ្ធិមនុស្សនៅពេលនេះ កំពង់ខ្នះខ្នែងឲ្យមានការដោះលែងសកម្មជនរបស់ខ្លួន៕
Camnews 
No comments yet... Be the first to leave a reply!