ខែកញ្ញា 19, 2011 
ដោយ : CEN
ថ្ងៃទី 19 កញ្ញា 2011
ភ្នំពេញ: នៅថ្ងៃទី១៩កញ្ញា ឆ្នាំ២០១១ ក្រុមអ្នកតំណាងរាស្ត្រគណបក្សសមរង្ស៊ី បានប្រកាសចាត់ទុកថា ក្រុមហ៊ុនស៊ូកាគូ អ៊ិន ជាសត្រូវនៃប្រជារាស្ត្រខ្មែរ។ ជាសេចក្តីប្រកាស ដែលបានធ្វើឡើង ក្រោយពីក្រុមហ៊ុនស៊ូកាគូ អ៊ិន និងអាជ្ញាធរ បានប្រើប្រាស់ហឹង្សា និងវាយកម្ទេចផ្ទះប្រជាពលរដ្ឋ នៅបឹងកក់ កាលពីចុងសប្តាហ៍មុន។
ក្នុងសេចក្តីថ្លែងការណ៍ចំហរ ក្រុមអ្នកតំណាងរាស្ត្រគណបក្សសមរង្ស៊ី បានលើកឡើងថា ក្នុងនាមប្រជាពលរដ្ឋខ្មែរដែលស្រឡាញ់យុត្តិធម៌ និងក្នុងការការពារជនរងគ្រោះរាប់មិនអស់ នៃអំណាចផ្តាច់ការ និងអំពើអយុត្តិធម៌ គណបក្សសម រង្ស៊ី ដែលជាគណបក្សនយោបាយធំជាងគេ លំដាប់ថ្នាក់ទី២ នៅក្នុងប្រទេសកម្ពុជា បានប្រកាសថា ក្រុមហ៊ុន SHUKAKU គឺជាសត្រូវនៃប្រជារាស្ត្រខ្មែរ ដោយសារក្រុមហ៊ុននេះបាន និងកំពុងបណ្តេញប្រជាពលរដ្ឋពីតំបន់បឹងកក់ នៅរាជធានីភ្នំពេញ ដោយរឹបអូសយកដីធ្លី ផ្ទះសំបែងប្រជាពលរដ្ឋ។
សេចក្តីថ្លែងការណ៍ ក៏បានលើកឡើងថា នៅថ្ងទី ១១ កញ្ញា ឆ្នាំ២០១១ សមាជគណបក្ស សម រង្ស៊ី លើកទី៥ បានអនុម័តសេចក្តីសម្រេច (ចំណុចទី២) ដោយគាំទ្រ និងផ្សព្វផ្សាយពាក្យស្លោករបស់គណបក្ស សម រង្ស៊ី “ប្រគល់សងប្រជារាស្ត្រខ្មែរវិញទ្រព្យសម្បត្តិ ដែលត្រូវបានលួចប្លន់ដោយអ្នកដទៃ” ។
គណបក្សសមរង្ស៊ី ក៏បានលើកឡើងថា រដ្ឋាភិបាលអនាគតដឹកនាំដោយគណបក្ស សម រង្ស៊ី នឹងលុបចោលរាល់សម្បទានព្រៃឈើ និងសម្បទានរ៉ែ ដែលបានផ្តល់ឲ្យក្រុមហ៊ុនឯកជន ដោយរដ្ឋាភិបាលបច្ចុប្បន្ន ដោយមានការរឹបអូសយកដីធ្លី និងការបណ្តេញម្ចាស់ដើមនៃដីធ្លីទាំងនោះ។ ទ្រព្យសម្បត្តិជាតិនឹងត្រូវប្រគល់សងប្រទេសជាតិវិញ។ ដីធ្លី ស្រែចំការ ព្រៃឈើ ព្រៃភ្នំ ស្ទឹង បឹង ទន្លេ តំបន់នេសាទ ឆ្នេរសមុទ្រ និងកោះនឹងត្រូវប្រគល់សងម្ចាស់ដើមពិតវិញ គឺប្រជារាស្ត្រខ្មែរ ឬក៏ត្រូវយកទៅគ្រប់គ្រង ដើម្បីបំរើផលប្រយោជន៍សាធារណៈ និងសេចក្តីត្រូវការរបស់ប្រជាពលរដ្ឋទូទៅ។
តំណាងរាស្ត្រគណបក្សសមរង្ស៊ី បានបញ្ជាក់ថា បុគ្គលណា ឬក្រុមហ៊ុនឯកជនណា ដែលបានដណ្តើមយកដីធ្លី និងតំបន់រស់នៅរបស់ប្រជារាស្ត្រដោយប្រើអំពើហិង្សា ត្រូវចាត់ទុកជាសត្រូវ នៃប្រជារាស្ត្រខ្មែរ ហើយនឹងត្រូវផ្តន្ទាទោសជាពុំខាន។ ប្រជារាស្ត្រ ជាម្ចាស់ទឹកម្ចាស់ដីតែមួយគត់។
ដូច្នេះ គណបក្ស សម រង្ស៊ី សូមអំពាវនាវឲ្យរាល់ក្រុមហ៊ុន និងអង្គការនានាក្នុងពិភពលោក កុំចូលរួមការងារជាមួយក្រុមហ៊ុន SHUKAKU តាមរូបភាពណាក៏ដោយ មានន័យជាអាទិ៍ថា កុំចូលហ៊ុនជាមួយក្រុមហ៊ុននេះ កុំបណ្តាក់ទុនជាមួយក្រុមហ៊ុននេះ កុំឲ្យក្រុមហ៊ុននេះខ្ចីទុន កុំផ្តល់ការធានាអ្វីមួយដល់ក្រុមហ៊ុននេះ កុំទិញទំនិញ ឬសេវាពីក្រុមហ៊ុននេះ កុំលក់ទំនិញ ឬសេវាអ្វីឲ្យក្រុមហ៊ុននេះ កុំសហការក្នុងវិស័យណាមួយឲ្យសោះជាមួយក្រុមហ៊ុននេះ។ និយាយសរុប គឺកុំបង្ហាញភាពណាមួយ ជាអ្នកសមគំនិតជាមួយនឹងសត្រូវនៃប្រជារាស្ត្រខ្មែរ ។
គណបក្សសមរង្ស៊ី ក៏បានគូសបញ្ជាក់ថា សត្រូវនៃប្រជារាស្ត្រខ្មែរបែបបនេះ គឺនឹងត្រូវផ្តន្តាទោសនៅពេលដែលប្រទេសកម្ពុជាក្លាយទៅជាប្រទេសប្រជាធិបតេយ្យ ឯករាជ្យ និងប្រកបដោយអធិតេយ្យភាពពេញលេញ។
តំណាងរាស្ត្រគណបក្សសមរង្ស៊ី ក៏បានលើកឡើងថា ក្រុមហ៊ុន SHUKAKU គឺមានថៅកែឈ្មោះ ឡាវ ម៉េងឃីន ដែលជាសមាជិកព្រឹទ្ធសភាមកពីគណបក្សប្រជាជនកម្ពូជា និងជាអ្នករកស៊ីទុច្ចរិត។
យ៉ាងណាក៏ដោយ មកដល់រសៀលថ្ងៃទី១៩កញ្ញា ឆ្នាំ២០១១ មិនទាន់មានប្រតិកម្មបែបណា ពីក្រុមហ៊ុនស៊ូកាគូអ៊ិន ចំពោះសេចក្តីថ្លែងការណ៍ចំហររបស់គណបក្សសមរង្ស៊ី នៅឡើយទេ៕
Camnews 
បីសាចបឹងកក់គង់មានថ្ងៃត្រូវវិនាស
ជំងឺចិញ្ចឹមជំងឺ!ដីខ្មែរ ខ្មែរគ្នាឯងមិនអាចដោះស្រាយគ្នាបាន។ ឥឡូវចាត់ទុកខ្មែរគ្នាឯងជាសត្រូវទៀត!
God helps the Tycoons because they have built many temples and buddhist shrines for the communities throughout the country!!!
ខ្ញុំចាប់អារម្មណ៍ត្រង់ចំណុចនេះ ៖ “…គណបក្សសមរង្ស៊ី ក៏បានលើកឡើងថា រដ្ឋាភិបាលអនាគតដឹកនាំដោយគណបក្ស សម រង្ស៊ី នឹងលុបចោលរាល់សម្បទានព្រៃឈើ និងសម្បទានរ៉ែ ដែលបានផ្តល់ឲ្យក្រុមហ៊ុនឯកជន ដោយរដ្ឋាភិបាលបច្ចុប្បន្ន ដោយមានការរឹបអូសយកដីធ្លី និងការបណ្តេញម្ចាស់ដើមនៃដីធ្លីទាំងនោះ។ ទ្រព្យសម្បត្តិជាតិនឹងត្រូវប្រគល់សងប្រទេសជាតិវិញ។ ដីធ្លី ស្រែចំការ ព្រៃឈើ ព្រៃភ្នំ ស្ទឹង បឹង ទន្លេ តំបន់នេសាទ ឆ្នេរសមុទ្រ និងកោះនឹងត្រូវប្រគល់សងម្ចាស់ដើមពិតវិញ គឺប្រជារាស្ត្រខ្មែរ ឬក៏ត្រូវយកទៅគ្រប់គ្រង ដើម្បីបំរើផលប្រយោជន៍សាធារណៈ និងសេចក្តីត្រូវការរបស់ប្រជាពលរដ្ឋទូទៅ។…” បើសិនជាគណបក្ស សម រង្ស៊ី ធ្វើដូច្នេះមែន គឺជាការធ្វើនយោបាយបែប “ទំនើង” ដែលយកគំរូតាម អាភីស៊ីត វេចាជីវ៉ា អតីតនាយករដ្ឋមន្រ្តីថៃ ដែលនឹកឃើញចង់លុប MOU ជាមួយខ្មែរក៍លុបទៅ នឹកឃើញចង់មិនលុបក៍មិនលុបទៅ ស្រេចតែក្បាលចិត្ត ។ ខ្ញុំសាកស្រមៃឃើញដល់ប្រទេសកម្ពុជាដែលស្ថិតក្រោមការដឹកនាំរបស់ សម រង្ស៊ី បើសិនជាគាត់អាចធ្វើបានដូចការនិយាយមែន (លុបចោលរាល់សម្បទានព្រៃឈើ និងសម្បទានរ៉ែ ដែលបានផ្តល់ឲ្យក្រុមហ៊ុនឯកជន, ដីធ្លី ស្រែចំការ ព្រៃឈើ ព្រៃភ្នំ ស្ទឹង បឹង ទន្លេ តំបន់នេសាទ ឆ្នេរសមុទ្រ និងកោះនឹងត្រូវប្រគល់សងម្ចាស់ដើមពិតវិញ គឺប្រជារាស្ត្រខ្មែរ ឬក៏ត្រូវយកទៅគ្រប់គ្រង ដើម្បីបំរើផលប្រយោជន៍សាធារណៈ និងសេចក្តីត្រូវការរបស់ប្រជាពលរដ្ឋទូទៅ) នោះគឺប្រទេសកម្ពុជានឹងក្លាយជាប្រទេសមួយដែលគ្មានឧស្សាហកម្មបែបទំនើបទាល់តែសោះ ហើយប្រជាជនខ្មែរគ្រប់ៗរូបនឹងប្រកបរបរតែ ២ មុខគត់ គឺកសិកម្ម និង បរបាញ់សត្វ ឬ ប្រមូលអនុផលព្រៃឈើ ត្បិតអីតំបន់សម្បទាននានាដែលក្រុមហ៊ុនឯកជនទទួលសិទ្ធិវិនិយោគពីរដ្ឋាភិបាល ដើម្បីកសាងតំបន់សេដ្ឋកិច្ចពិសេស តំបន់ឧស្សាហកម្ម រោងចក្រសហគ្រាសខ្នាតធំ និង មធ្យម…ត្រូវបានគណបក្ស សម រង្ស៊ី លុបចោលអស់ទៅហើយ ដូច្នេះព្រៃឈើនឹងដុះក្រាស់ស្តុក សម្បូរសត្វព្រៃ សម្បូរភោគផលព្រៃឈើ ដូច្នេះប្រជាជនមានការងារអីធ្វើទៀតក្រៅពីបរបាញ់សត្វ និង ប្រមូលអនុផលព្រៃឈើ ? ធ្វើកម្មករ ឬ វិស្វករអីកើត បើអត់មានតំបន់សេដ្ឋកិច្ច តំបន់ឧស្សាហកម្ម រោងចក្រសហគ្រាសផងហ្នឹង ? តំបន់កោះ ដូចជាកោះពស់ អីជាដើម ដែលគេបម្រុងនឹងធ្វើជាទីក្រុង រមណីយដ្ឋានទេសចរណ៍ ដ៍ធំមួយនៅអាស៊ីអាគ្នេយ៍ នឹងត្រូវក្លាយកោះព្រៃ សម្បុកសត្វពស់ដូចមុនវិញ ប្រជាជនខេត្តព្រះសីហនុដែលបម្រុងនឹងទទួលផលផ្លែផ្កា ពីការវិនិយោគនេះ នឹងត្រូវក្លាយជាអ្នកនេសាទវិញ ។ តំបន់ឆ្នេរសមុទ្រ កោះ តំបន់ដីសម្បទាន តំបន់អភិវឌ្ឍ…នានាដែលគេកំពុងវិនិយោគ កំពុងអភិវឌ្ឍ នឹងត្រូវរដ្ឋាភិបាល សម រង្ស៊ី លុបចោលទាំងអស់ “…ឬក៏ត្រូវយកទៅគ្រប់គ្រង ដើម្បីបំរើផលប្រយោជន៍សាធារណៈ និងសេចក្តីត្រូវការរបស់ប្រជាពលរដ្ឋទូទៅ…” ដូច្នេះ សួនឧទ្យាននានាក្នុងក្រុងភ្នំពេញ ដីទំនេរនានា បឹងនានាដែលនៅសេសសល់ក្នុងទីក្រុងភ្នំពេញ នឹងក្លាយជាតំបន់សំណង់អាណាធិបតេយ្យម្ដងទៀត ព្រោះ សម រង្ស៊ី គាត់ចង់បម្រើសេចក្ដីត្រូវការរបស់ប្រជាពលរដ្ឋ ។
ខ្ញុំចាប់អារម្មណ៍ត្រង់ចំណុចនេះ ៖ “…គណបក្សសមរង្ស៊ី ក៏បានលើកឡើងថា រដ្ឋាភិបាលអនាគតដឹកនាំដោយគណបក្ស សម រង្ស៊ី នឹងលុបចោលរាល់សម្បទានព្រៃឈើ និងសម្បទានរ៉ែ ដែលបានផ្តល់ឲ្យក្រុមហ៊ុនឯកជន ដោយរដ្ឋាភិបាលបច្ចុប្បន្ន ដោយមានការរឹបអូសយកដីធ្លី និងការបណ្តេញម្ចាស់ដើមនៃដីធ្លីទាំងនោះ។ ទ្រព្យសម្បត្តិជាតិនឹងត្រូវប្រគល់សងប្រទេសជាតិវិញ។ ដីធ្លី ស្រែចំការ ព្រៃឈើ ព្រៃភ្នំ ស្ទឹង បឹង ទន្លេ តំបន់នេសាទ ឆ្នេរសមុទ្រ និងកោះនឹងត្រូវប្រគល់សងម្ចាស់ដើមពិតវិញ គឺប្រជារាស្ត្រខ្មែរ ឬក៏ត្រូវយកទៅគ្រប់គ្រង ដើម្បីបំរើផលប្រយោជន៍សាធារណៈ និងសេចក្តីត្រូវការរបស់ប្រជាពលរដ្ឋទូទៅ។…” បើសិនជាគណបក្ស សម រង្ស៊ី ធ្វើដូច្នេះមែន គឺជាការធ្វើនយោបាយបែប “ទំនើង” ដែលយកគំរូតាម អាភីស៊ីត វេចាជីវ៉ា អតីតនាយករដ្ឋមន្រ្តីថៃ ដែលនឹកឃើញចង់លុប MOU ជាមួយខ្មែរក៍លុបទៅ នឹកឃើញចង់មិនលុបក៍មិនលុបទៅ ស្រេចតែក្បាលចិត្ត ។ ខ្ញុំសាកស្រមៃឃើញដល់ប្រទេសកម្ពុជាដែលស្ថិតក្រោមការដឹកនាំរបស់ សម រង្ស៊ី បើសិនជាគាត់អាចធ្វើបានដូចការនិយាយមែន (លុបចោលរាល់សម្បទានព្រៃឈើ និងសម្បទានរ៉ែ ដែលបានផ្តល់ឲ្យក្រុមហ៊ុនឯកជន, ដីធ្លី ស្រែចំការ ព្រៃឈើ ព្រៃភ្នំ ស្ទឹង បឹង ទន្លេ តំបន់នេសាទ ឆ្នេរសមុទ្រ និងកោះនឹងត្រូវប្រគល់សងម្ចាស់ដើមពិតវិញ គឺប្រជារាស្ត្រខ្មែរ ឬក៏ត្រូវយកទៅគ្រប់គ្រង ដើម្បីបំរើផលប្រយោជន៍សាធារណៈ និងសេចក្តីត្រូវការរបស់ប្រជាពលរដ្ឋទូទៅ) នោះគឺប្រទេសកម្ពុជា នឹងក្លាយជាប្រទេសមួយ ដែលគ្មានឧស្សាហកម្មបែបទំនើបទាល់តែសោះ ហើយប្រជាជនខ្មែរគ្រប់ៗរូបនឹងប្រកបរបរតែ ២ មុខគត់ គឺកសិកម្ម និង បរបាញ់សត្វ ឬ ប្រមូលអនុផលព្រៃឈើ ត្បិតអីតំបន់សម្បទាននានាដែលក្រុមហ៊ុនឯកជនទទួលសិទ្ធិវិនិយោគពីរដ្ឋាភិបាល ដើម្បីកសាងតំបន់សេដ្ឋកិច្ចពិសេស តំបន់ឧស្សាហកម្ម រោងចក្រសហគ្រាសខ្នាតធំ និង មធ្យម…ត្រូវបានគណបក្ស សម រង្ស៊ី លុបចោលអស់ទៅហើយ ដូច្នេះព្រៃឈើនឹងដុះក្រាស់ស្តុក សម្បូរសត្វព្រៃ សម្បូរភោគផលព្រៃឈើ ដូច្នេះប្រជាជនមានការងារអីធ្វើទៀតក្រៅពីបរបាញ់សត្វ និង ប្រមូលអនុផលព្រៃឈើ ? ធ្វើកម្មករ ឬ វិស្វករអីកើត បើអត់មានតំបន់សេដ្ឋកិច្ច តំបន់ឧស្សាហកម្ម រោងចក្រសហគ្រាសផងហ្នឹង ? តំបន់កោះ ដូចជាកោះពស់ អីជាដើម ដែលគេបម្រុងនឹងធ្វើជាទីក្រុង រមណីយដ្ឋានទេសចរណ៍ ដ៍ធំមួយនៅអាស៊ីអាគ្នេយ៍ នឹងត្រូវក្លាយកោះព្រៃ សម្បុកសត្វពស់ដូចមុនវិញ ប្រជាជនខេត្តព្រះសីហនុដែលបម្រុងនឹងទទួលផលផ្លែផ្កា ពីការវិនិយោគនេះ នឹងត្រូវក្លាយជាអ្នកនេសាទវិញ ។ តំបន់ឆ្នេរសមុទ្រ កោះ តំបន់ដីសម្បទាន តំបន់អភិវឌ្ឍ…នានាដែលគេកំពុងវិនិយោគ កំពុងអភិវឌ្ឍ នឹងត្រូវរដ្ឋាភិបាល សម រង្ស៊ី លុបចោលទាំងអស់ “…ឬក៏ត្រូវយកទៅគ្រប់គ្រង ដើម្បីបំរើផលប្រយោជន៍សាធារណៈ និងសេចក្តីត្រូវការរបស់ប្រជាពលរដ្ឋទូទៅ…” ដូច្នេះ សួនឧទ្យាននានាក្នុងក្រុងភ្នំពេញ ដីទំនេរនានា បឹងនានាដែលនៅសេសសល់ក្នុងទីក្រុងភ្នំពេញ នឹងក្លាយជាតំបន់សំណង់អាណាធិបតេយ្យម្ដងទៀត ព្រោះ សម រង្ស៊ី គាត់ចង់បម្រើសេចក្ដីត្រូវការរបស់ប្រជាពលរដ្ឋ ។
ខ្ញុំគាំទ្រចំនុចខ្លះរបស់លោកអាប់ភីសុីត ក៍ដូចលោកសមរង្សីុតែមិនគាំទ្រកាកាប់សំលាប់របស់អាប់ភីសីុត។ យា៉ងហេចណាអាប់ភីសីុតគេគាំទ្រផលប្រយោជន៍ប្រទេសគេ ផ្ទុយពី ហ៊ុន សែន ប្រគល់ដីឲយួន និង អនុញាតិសុទ្ធតែក្រុមហ៊ុនដែលរកសុីរបៀបកាប់ចាក់ជាមួយរាស្រ្តខែ្មរ។ ខ្វះអុីក្រុមហ៊ុនដែលល្អៗហើយផ្តល់ផលប្រយោជន៍ដល់អ្នកក្រប៉ុនែ្តគេមិនមករកសុីជាមួយហ៊ុនសែនដែលគិតតែបះពួកនិយមនិងមិនគោរពច្បាប់។
បើមិនច្បាស់អាចសួទៅលោក សមរង្សី បាន ?
បើតាមយើងដឹង គឺគេនិងសើរើផ្អែកលើមូលដ្ឋានច្បាប់ទៅលើសម្បទានណាដែលមិនត្រឹមត្រូវតាមច្បាប់កំណត់
រៃអើយឈប់យំ. . . ពួកខ្ញុំយំហើយ!
១- រសៀលគងព្រៃ រៃអើយឈប់យំ —វាជាវេនខ្ញុំ អ្នកកុំមកកាត់
ពួកខ្ញុំជាមនុស្ស ពួកអ្នកជាសត្វ—បើជួបវិបត្តិ អ្នកហោះហើរបាន ។
២- ពួកខ្ញុំជាមនុស្ស វាខុសពីអ្នក—គេច្រំគេធាក់ ធ្លាក់ស្មើតិរច្ឆាន
ឱ្យខ្ញុំយំវិញ ព្រោះទ្រាំលែងបាន—គេវាយរុញច្រាន បំពានយកទ្រព្យ ។
៣- រៃអើយឈប់យំ ពួកខ្ញុំយំហើយ—ហើរមិនរួចឡើយព្រោះខ្ញុំគ្មានស្លាប
ត្រូវគេវាយដំ ធាក់ច្រំបង្រ្កាប—រស់នៅតែស្លាប់ បាត់បង់តម្លៃ ។
៤- ពួកខ្ញុំយំឮ ព្រោះឈឺកាយចិត្ត—គ្មានគេអាណិត អន់ជាងសត្វរៃ
ខ្ញុំយំព្រោះមេចិត្តអន្យតិរ្ថិយ —អ្នកយំព្រោះថ្ងៃរសៀលជ្រៀងជ្រេ ។
៥- រៃអើយ! ឈប់យំ ខ្ញុំលែងស្រណោះ—ព្រោះមេទុយ៌សជាន់ឈ្លីឥតល្ហែ
លើកតម្កើងយួន ជិះជាន់ជាតិខ្មែរ—យមរាជឃើញទេ? កត់ត្រាទុកផង!
៦- រដូវបិណ្ឌភ្ជុំ យើងខ្ញុំសូមប្តឹង—ទុកជាដំណឹងដល់ជាតិក្រោយផង
ជាតិនេះយើងរស់ខុសក្តីបំណង—ជាតិក្រោយសូមផ្សងជួបមេចិត្តធម៌ ។
៧- រៃអើយ! ឈប់យំ ខ្ញុំយំឱ្យឆ្អែត—ខ្ញុំយំឱ្យប្រេតផ្អើលមកឈូឆរ
ជួយជាសាក្សីពួកខ្ញុំក្រីក្រ—នាំសារជនល្អជូនដល់យមរាជ ។
លោក សឺហាន! តើក្រុមហ៊ុនណាខ្លះដែលមិនស្វែងរកប្រាក់ចំណេញ?
គ្មានក្រុមហ៊ុនណាដែលគិតពីផលប្រយោជន៏កម្មករជាងផលប្រយោជន៏របស់
ប្រាក់ចំណូលខ្លួននោះទេ។ តែអ្វីដែលត្រូវធ្វើ រាជរដ្ឋាភិបាលត្រូវពិនិត្យមើល
សៀវភៅបន្ទុកស្តីពីសម្បទានដីសេដ្ឋកិច្ចចំពោះក្រុមហ៊ុនណាមួយដែលអនុវត្ត
មិនប្រក្រតីតាមលក្ខ័ណដែលបានព្រមព្រៀង ទើបត្រឹមត្រូវ។
ចំណែកការចោទប្រកាន់ថាលោកហ៊ុន សែនកាត់ដី ឬលក់ដីឲ្យយួន! សូមលោក
ជួយផ្តល់ភស្តុតាងដើម្បីឲ្យសាធារណៈជនបានដឹងផង។
អរគុណ!
រាជការខួរឆ្កែចចក រកច្រកដោះស្រាយបាន ចេះត្រឹមតែប្រើហិង្សា
ប្រហាររាស្ត្រខ្លួន ស្រោចស្រង់អ្នកធំអន្ធពាល ពង្រាយប្រើច្បាប់អញ
ប្រប្រមាញ់អ្នកតូច លួចលក់ទ្រព្យជាតិ ទាញញាតិទាញពួកអង្គុយកៅអីធំ
រួចប្រមូលផ្ដុំក្រុមដៃដល់ស្របច្បាប់ ទុកគំរាមនិងសម្លាប់អ្នកប្រឆាំងខ្មែរស្លូតត្រង់ តម្រង់ទិសយ៉ាងណាឲ្យតែអំណាចអញនៅរឹងមាំ ទោះបីសម្លាប់ខ្លែរស្លូតត្រង់អស់ទាំងប្រទេស រឹបអូសដីប្រជាក្រក្រីស្លូតៗ រួចលើកដីឲ្យបរទេសក៏អញព្រម ឲ្យតែបក្សពួកអញមាំអំណាច មិនខ្លាចឡើយប្រើអំណាចអញ សម្លាប់ខ្មែរដូចគ្នា ទុកដីកេរ្តិ៍ទ្រព្យឲ្យអាពួកនាយទុន
បរទេសកំហូចស្របច្បាប់ ។ គំនិតរាជការសំរាមឆ្កែចចក
ជូនលោកនាគរាជ នៅពេលដែលលោកនិងពួកលោកមិនទាន់ត្រូវគេទន្រ្ទានយកដី យកផ្ទះរបស់លោកទៅអោយឈ្មួញហើយថា អភិវឌ្ឍនោះ លោកពិតជាមិនឈឺចាប់ទេ ហើយថែម
ទាំងសើចសប្បាយទៀតផង។ នាងខ្ញុំ មិនដឹងថា លោកនាគរាជបានរៀនដល់ថ្នាក់ណាទេ ហើយធ្វើ ការវិភាគនេះ បានយកចំណេះដឹង និងមនសិការជាខ្មែរ មកគិតដែរឬអត់ទេ?នាងខ្ញុំ និយាយនេះ សូមលោកកុំងុបងុលនិងក្រុមបំផ្លាញជាតិខ្លាំងពេក សូមជួយគិតដល់សេចក្តីទុក្ខវេទនារបស់ជាតិយើង
ខ្លះផង។ នាងខ្ញុំពុំមែនជាសមាជិកគណបក្សណាមួយទេ នាងខ្ញុំ គឺជាកូនខ្មែរមួយរូប។
នាងខ្ញុំ សូមជំរាបលោកថា នៅលើពិភពលោកនេះ ប្រទេសណាក៏ត្រូវការអភិវឌ្ឍដូចគ្នា ប៉ុន្តែគ្មាន
ប្រទេសណាគេអភិវឌ្ឍរបៀបលោកហ៊ុន សែន នេះទេ។ អភិវឌ្ឍយូរទៅ អ្នកដែលក្លាយជាមហា
សេដ្ឋី គឺក្រុមលោកហ៊ុន សែនទាំងអស់។ តើលោកទទួលស្គាល់ដែឬឬទេ? តើលោកមានបានដឹងថា ប្រទេសខ្មែរមានព្រៃឈើប៉ុន្មានភាគរយ មានឈើប្រណិតសម្បូរណ៍បែបដែរឬទេ? ។ល។
ការដេញប្រជាជនក្រីក្រ តូចទាប ដើម្បីយកដីទៅលក់អោយឈ្មួញដោយគ្មានសំណងសមរម្យ
បើប្រសឹនប៉ះចំលើរូបលោក តើលោកទទួលយកបានទេ? ដូចករណីបឹងកក់ ដីក្រហមសម្បុកចាប កោះពេជ្រជាដើម។ តើការអភិវឌ្ឍន៍បែបលោកហ៊ុន សែន អាចហៅថា អភិវឌ្ឍ បែបទំនើងដូច លោកនិយាយបានដែរឬទេ?
តាមខ្ញុំយល់ ប្រហែលលោកសម រង្ស៊ី ចង់ភិវឌ្ឍតាមបែបប្រជាធិបតេយ្យ ដូចជាមានការពិគ្រោះ
យោបល និងការចូលរួម, ការឆ្លើយតប និងគណនេយ្យភាព, លើកកំពស់គុណភាពជីវិតរបស់
ប្រជាពលរដ្ឋ, លើកស្ទួយសមធម៏ជាដើម។ ពិសេសគឹគោរពច្បាប់ភូមិបាល និងមានសំណងសម
រម្យ។ មិនធ្វើដូចចោរ អាងអំណាច អាងលុយ ចងយករបស់អ្នកណាយកស្រេចតែក្បាលចិត្តនោះ
ទេ។ នាងខ្ញុំជាកូនខ្មែរមួយរូប មិនចង់ឃើញការអភិវឌ្ឍពោរពេញទៅដោយទឹកភ្នែកប្រជាជនខ្មែរ
នោះទេ។ ប្រជាជនខ្មែរសព្វថ្ងៃដេកព្រួយដេកភ័យជាងស័យសង្រ្គាមទៅទៀតព្រោះខ្លាចក្រុមលោក នាគរាជ មកយកដី យកផ្ទះទៅធ្វើអភិវឌ្ឍ។ តើនេះឬហៅថា សន្តិភាព នោះ?
សឺហាន
តើ “បះពួកនិយម” បានន័យថាម៉េច ? ខ្ញុំមិនដែលលឺសោះ ធ្លាប់លឺតែ “បក្សពួកនិយម” ។ សូមលោកពិនិត្យមើលការសរសេរអក្សរអក្ខរាវិរុទ្ធរបស់លោកម្ដងទៀត ។ នេះសំណាងហើយចេះលោកមានទស្សនៈប្រឆាំងរដ្ឋាភិបាល បើសិនជាលោកជាអ្នកគាំទ្ររដ្ឋាភិបាល ហើយសរសេរអក្សរខ្មែរខុសបែបនេះ ច្បាស់ជាមានអ្នកជេរលោកថា ជាយួន ឬ ជាអាយ៉ង កញ្ជះយួន ជាមិនខាន ។
យកឧស្សាហកម្មខ្នាតធំមកធ្វើអី បើប្រជាពលរដ្ឋអត់អីច្រាស
ដដែលជាដដែលនោះ, សុខចិត្តស្លៀកសន្ទបចេកទៅ បរបាញ់
សត្វយកមកចិញ្ចឹមជីវិតវិញប្រសើរជាង, វាគ្មានអាគុកណាមក
ត្រួតត្រាផង។
អក្ខរាវិរុទ្ធ វាគ្មានអីសំខាន់ទេ វាមានភាន់ច្រឡំខ្លះគ្រប់គ្នាអញ្ចឹងហើយ
ឱ្យតែគេយល់ឈ្លានោះ។ ទោះជាគេមិនដែលឮក៏គេអាចយល់បាន។
អត់ច្រាសមកពីមិនព្រមដាំបាយច្រាស ម៉េច ចង់ឲ្យគេដាំបាយ ហើយលើកទៅប្រគេនបញ្ចុកដល់មាត់ទៀតឬ ? កម្មករ កម្មការិនីរាប់សែននាក់កំពុងធ្វើការ ហើយចិញ្ចឹមមនុស្សរាប់លាននាក់ទូទាំងប្រទេសហ្នឹង មិនមែនជាផលប្រយោជន៍នៃឧស្សាហកម្មទេឬ ? កុំស្មានថា ស្លៀកកន្ទបចេក ដើរបាញ់សត្វ អត់មានអាគុកណាមកត្រូតក្បាលនោះ ទៅមើលពួកកុលសម្ព័ន្ធស៊ីសាច់មនុស្ស អត់ចេះស្លៀកខោអាវម៉េចនៅមានមេកន្រ្ទាញចាំត្រួតក្បាលដែរ សូម្បីតែស្វាក៍មានមេហ្វូងដែរ កុំល្ងើពេក ។ អើ ពួកអវិជ្ជាតែងតែចាត់ទុកថា សរសេរខុសអក្ខរាវិរុទ្ធឃ្លោងឃ្លាជារឿងធម្មតា គ្មានអីសំខាន់ទេ សំខាន់ឲ្យតែមើលដាច់ អានយល់ទៅ ។ បើអញ្ចឹងដដែលចាំបាច់ទៅរៀនទៅសូត្រនាំខាតពេលស្អីហ្អា៎ ម៉ាអាខំរៀនទៅ ខំសរសេរឲ្យត្រឹមត្រូវទៅអត់សំខាន់ដដែល ។ អារឿងភ័ន្តច្រឡំ វាជារឿងធម្មតា សរសេរមានខុស សរសេរមានត្រូវមែន តែរៀនប្រើខួរគិតទៅមើលតើ “បះពួកនិយម” បានន័យថាម៉េច ? ស្អីទៅ “យា៉ងហេចណា” ហ្នឹង ? ឧទាហរណ៍ថា បើវាគ្មិនគាំទ្ររដ្ឋាភិបាលសរសេរខុសអញ្ចឹង តើហ៊ាននិយាយអត់ថា “សរសេរខុស ភ័ន្តច្រឡំចឹងជារឿងធម្មតា អក្ខរាវិរុទ្ធគ្មានអីសំខាន់ទេ..” ? ឬក៍ជេរគេថា “អូហ៍ អាហ្នឹងជាយួនហើយ មើលចុះសរសេរខ្មែរអត់ត្រូវផងហ្នឹង ហើយគាំទ្រហ៊ុន សែន គាំទ្ររដ្ឋាភិបាលទៀត អញ្ចឹងវាជាយួនហើយ កុំគិតច្រើន អាហ្នឹងយួន” ។
Rittysen
តាមស្ដាប់មតិលោក លោកដូចជាគ្មានយល់អ្វីបន្តិចសោះអំពីកិច្ចការ
វិនិយោគ។ប្រទេសជំនួយទាំងអស់គេចង់ឃើញមានអ្នកធ្វើវិនិយោគ
ជាច្រើនមកប្រទេសខ្មែរដើម្បីអោយប្រជារាស្ត្រខ្មែរមានការងារធ្វើ។
ការលំបាកវាចេះតែមានហើយ តែវាអាស្រ័យលើមនុស្សភាគច្រើន
មានការអត់ធ្មត់។
ជឿនលឿនយ៉ាងម៉េចកើតបើបក្សប្រឆាំងចេះតែបបួលកម្មករធ្វើបាតុកម្ម
បង្ខំអោយរោងចក្រមួយចំនួនបិតទ្វារ តើនេះជាមធ្យោបាយជួយជាតិឫ?
សរុបសេចក្ដីមក យើងត្រូវមានការតស៊ូអត់ធ្មត់ទើបអាចទទួលផលល្អ
ប្រយោជន៍នាពេលអនាគត។
– Sam Rainsy has promised to give a seat to the one who help him when he win election.
– Hun Sen promises to give a seat to the one who is able to do the work.
So, who is “បក្សពួកនិយម”? and who is “ជាតិនិយម”?
idea លោក(BAKII) is good
i support
អានាគរាជមួយនេះស្អីក៏ខុសដែរគ្រាន់តែពាក្យខុសតិចតួចក៏វាឆ្លេីយតបបានដែរ ប្រហែលជារវល់រហូតដល់ងាប់ក្នុងការpost ហេីយមេីលទៅ waiting reply A Oun
The Viets and the Thais are laughing at us as long as we are so stupid and cruel.