ខែកញ្ញា 19, 2011 
ដោយ : សមុទ្រ
ថ្ងៃទី 19 កញ្ញា 2011
CEN
ព្រះសីហនុ: ធានាគារស៊ីអាយអិមប៊ី CIMBបានសម្ពោធសាខាថ្មីចំនួនបីទៀត គឺសាខាក្រុងព្រះសីហនុ ក្បែរវិថីឯករាជ្យ និងសាខាចំនួនពីរទៀត នៅរាជធានីភ្នំពេញ ដែលមានទីតាំងនៅមហាវិថីម៉ៅសេទុង និងមហាវិថីព្រះសីហនុ ក្នុងថ្ងៃតែមួយ ដោយការសម្ពោធសាខាទាំងបីនេះ បានប្រារព្ធធ្វើឡើងនៅក្រុងព្រះសីហនុ នៃខេត្តព្រះសីហនុ កាលពីព្រឹកថ្ងៃទី១៩ ខែកញ្ញា ឆ្នាំ២០១១ ។
ពិធីនោះ មានការអញ្ជើញចូលរួមពីសំណាក់លោក ប៉ាល់ ប៊ុយប៊ុណ្ណាង អគ្គនាយកត្រួតពិនិត្យ នៃធានាគារជាតិកម្ពុជា អាជ្ញាធរដែនដីតំណាងអង្គភាព និងស្ថាប័នពាក់ព័ន្ធ តំណាងក្រុមហ៊ុនវិនិយោគ ។
ធនាគារ ស៊ីអាយអិមប៊ី បានទទួលអាជ្ញាប័ណ្ណពីធានាគារជាតិនៃកម្ពុជា កាលពីថ្ងៃទី១៩ ខែវិច្ឆិកា ឆ្នាំ២០១០ ក្នុងការផ្តល់ជូននូវសេវាកម្មហិរញ្ញវត្ថុ នៅកម្ពុជា ។
ធានាគារ ស៊ីអាយអិមប៊ី បានឈានចូលទីផ្សារនៅកម្ពុជា នាចុងឆ្នាំ២០១០ ដែលជាចំណែកមួយ នៃគោលដៅនៅក្នុងតំបន់អាស៊ាន ។ ចំពោះវត្តមានរបស់ខ្លួននៅកម្ពុជា ស៊ីអាយអិមប៊ី មានការជឿជាក់ទៅលើអនាគតនៃទីផ្សារកម្ពុជា និងបានធ្វើការវាយតំម្លៃយ៉ាងខ្ពស់ចំពោះការឧបត្ថមបរិក្ខានិយតកម្ម ដែលបានផ្តល់ដោយធានាគារជាតិកម្ពុជា ៕
Camnews 
No comments yet... Be the first to leave a reply!