ខែកញ្ញា 4, 2011 
ដោយ : បញ្ញវន្ត
ថ្ងៃទី 4 កញ្ញា 2011
CEN
ភ្នំពេញ: អ្នកស្រី គិត អេង ភរិយារបស់លោក វ៉ាន់ ណាត អះអាងនៅថ្ងៃនេះថា ស្វាមីរបស់អ្នកស្រីកំពុងស្ថិតក្នុងដំណាក់កាលអស់សង្ឃឹម។ លោកវ៉ាន់ ណាត ត្រូវបានគ្រួសារបញ្ជូនទៅមន្ទីរពេទ្យក្នុងស្ថានភាពសន្លប់មិនដឹងខ្លួនរយៈពេល១០ថ្ងៃមកហើយ។
លោកវ៉ាន់ ណាត អតីតអ្នកទោសគុកទួលស្លែង អាយុ ៦៦ ឆ្នាំ បានធ្លាក់ខ្លួនឈឺជាទម្ងន់កាលពីយប់ថ្ងៃទី២៦សីហា។ ក្នុងរយៈពេលសម្រាកព្យាបាលជំងឺនេះ គ្រួសាររបស់លោកត្រូវចំណាយប្រាក់ជាច្រើន។ បើយោងតាមអ្នកស្រី គិត អេង ប្រសិនបើមានការវះកាត់ គាត់ត្រូវចំណាយដល់ទៅជិត១០០០ដុល្លារក្នុងមួយថ្ងៃ។ អ្នកស្រីកំពុងអំពាវនាវរកសប្បុរសជនជួយឧបត្ថម្ភគ្រួសារគាត់។ លោក កែប ជុតិមា អភិបាលរាជធានីភ្នំពេញ បានឧបត្ថម្ភថវិកា១០០០ដុល្លារដល់គ្រួសារលោក វ៉ាន់ ណាត។
លោក វ៉ាន់ ណាត គឺជាសាក្សីរស់យ៉ាងសំខាន់កាលពីក្នុងសវនាការកាត់ទោសឌុច។ លោកបានបង្ហាញខ្លួនចំពោះមុខអង្គសវនាការ កាលពីថ្ងៃទី២៩ ខែមិថុនា ឆ្នាំ២០០៩ ដើម្បីឆ្លើយបំភ្លឺតុលាការក្នុងនាមជាសាក្សីទាក់ទងនឹងឧក្រិដ្ឋកម្ម និងការកាប់សម្លាប់នៅគុកទួលស្លែងក្រោមការគ្រប់គ្រងរបស់កាំង ហ្គេចអ៊ាវ ហៅឌុច។ តែលោកធ្លាក់ខ្លួនឈឺទាំងមិនទាន់បានទទួលយុត្តិធម៌នៅឡើយ៕
Camnews 
តេីអី្វទៅដែលហៅថា យុតិ្តធម៌?