ខែកញ្ញា 5, 2011 
អង្គារ 06 កញ្ញា 2011
ទស្សនាវដ្តីសារព័ត៌មានសេរី
នៅព្រឹកថ្ងៃព្រហស្បត្តិ៍នេះ តុលាការខេត្តស៊ីសាកេត ប្រទេសថៃ បានបើកសវនាការបន្តលើសំណុំរឿងបុរសកម្ពុជាម្នាក់ឈ្មោះ អ៊ឹង គឹមថៃ ដែលត្រូវចោទជាចារកម្ម ក្រោយសវនាការលើកទី១កាលពីថ្ងៃទី១៥ ខែសីហា បានពន្យារពេល។
(រូបកណ្តាលពាក់អាវផ្ទៃមេឃ) លោក អ៊ឹង គឹមថៃ ដែលត្រូវថៃ ចោទថា ជាចារកម្ម
អគ្គកុងស៊ុលកម្ពុជាប្រចាំខេត្តស៊ីសាកេតបាននិយាយថា សវនាការនៅព្រឹកនេះ ខាងជនកម្ពុជាមានការចូលរួមពីមេធាវីចំនួន៤រូប និងមន្រ្តីអគ្គកុងស៊ុលកម្ពុជាចំនួន២រូបផងដែរ។
លោក អ៊ឹង គឹមថៃ ត្រូវបានអាជ្ញាធរថៃចាប់ខ្លួនរួមជាមួយជនជាតិថៃម្នាក់ និងយួនម្នាក់នៅជិតព្រំដែនកម្ពុជា-ថៃកាលពីថ្ងៃទី០៧ ខែមិថុនា ឆ្នាំ២០១១ ក្រោមបទចោទថា បានប្រើប្រាស់គ្រឿងញៀន និងចូលតំបន់យោធាថៃដោយមានផែនទី។
លោក កុយ គួង អ្នកនាំពាក្យក្រសួងការបរទេសកម្ពុជាបានថ្លែងថា អាជ្ញាធរថៃ ត្រូវតែដោះលែងលោក អ៊ឹង គឹមថៃ ជាបន្ទាន់ ព្រោះបុរសកម្ពុជាម្នាក់នេះ មិនបានប្រព្រឹត្តិដូចការចោទប្រកាន់របស់អាជ្ញាធរថៃឡើយ។ ដោយលោកបានចាត់ទុកភស្តុតាងទាំងប៉ុន្មាន គឺជាការប្រឌិតរបស់អាជ្ញាធរថៃតែប៉ុណ្ណោះ ព្រោះថា លោក អ៊ឹង គឹមថៃ ចូលទឹកដីថៃដោយស្របច្បាប់ និងក្នុងនាមជាអ្នកជំនួញប៉ុណ្ណោះ៕
Camnews 
No comments yet... Be the first to leave a reply!