ខែកញ្ញា 5, 2011 
ដោយ ឡេង ម៉ាលី
2011-09-05
វិទ្យុអាស៊ីសេរី
វិចិត្រករដែលជាអតីតជនរងគ្រោះនៅគុកទួលស្លែងមួយរូប គឺលោក វ៉ាន់ ណាត បានទទួលមរណភាពហើយ នៅវេលាប្រមាណម៉ោង ១២ និង ៤៥ នាទីថ្ងៃទី ៥ កញ្ញា ឆ្នាំ ២០១១។
អតីត អ្នក ទោស នៅ គុក ទួលស្លែង លោក វ៉ាន់ ណាត ឆ្លើយ បំភ្លឺ នៅ ក្នុង សវនាការ នៃ សាលាក្ដី ខ្មែរ ក្រហម នា ថ្ងៃ ទី ២៩ មិថុនា ២០០៩។ (Photo courtesy of ECCC)
លោក វ៉ាន់ ណាត ក្នុងវ័យ ៦៦ ឆ្នាំ បានទទួលមរណភាពដោយរោគាពាធ បន្ទាប់ពីបញ្ហាតម្រងនោម និងសួតរបស់លោកធ្វើទុក្ខខ្លាំងចាប់តាំងពីថ្ងៃ ២៦ ខែសីហាមក។
លោក វ៉ាន់ ណាត ជាអ្នកទោសម្នាក់ ក្នុងចំណោមអ្នកទោសចំនួន ៧ នាក់ ដែលនៅរស់រួចពីការសម្លាប់របស់ប្រព័ន្ធសន្តិសុខគុកទួលស្លែង ក្រោយពេលដែលរបបខ្មែរក្រហមដួលរលំ នៅខែមករា ឆ្នាំ ១៩៧៩។
លោក វ៉ាន់ ណាត ធ្លាប់ថ្លែងថា លោកបានទន្ទឹងរង់ចាំយុត្តិធម៌ជាង ៣០ ឆ្នាំមកហើយ ពីអ្វីដែលបានកើតឡើងចំពោះលោកនៅគុកទួលស្លែង។ បច្ចុប្បន្ន កាំង ហ្កេកអ៊ាវ ហៅ ឌុច ដែលជាអតីតប្រធានគុកទួលស្លែង ត្រូវបានសាលាដំបូងនៃសាលាក្ដីខ្មែរក្រហម កាត់ទោសឱ្យជាប់គុករយៈពេល ៣៥ ឆ្នាំ។ ក៏ប៉ុន្តែ តុលាការកំពូលគ្រោងនឹងប្រកាសសាលដីការបស់ ឌុច នៅចុងឆ្នាំ ២០១១នេះ។
មរណភាពរបស់លោក វ៉ាន់ ណាត បានកើតឡើងនៅពេលដែលសាលាក្ដីខ្មែរក្រហម មិនទាន់បានប្រកាសបញ្ចប់ដំណើរការសំណុំរឿងក្ដីរបស់ខ្លួនលេខ ០០១ ចប់សព្វគ្រប់នៅឡើយ។
សាធារណជនមួយចំនួន ទាំងមន្ត្រី បុគ្គលិកអង្គការសង្គមស៊ីវិល ដើមបណ្ដឹងរដ្ឋប្បវេណី និងមន្ត្រីនាំពាក្យសាលាក្ដីខ្មែរក្រហម បានសម្ដែងការសោកស្ដាយ និងចាត់ទុកមរណភាពរបស់លោក វ៉ាន់ ណាត ថាជាការបាត់បង់ធំធេងមួយ នៅក្នុងដំណើររបស់តុលាការកូនកាត់ខ្មែរអន្តរជាតិ ដែលកំពុងជំនុំជម្រះលើរឿងក្ដីរបស់របបខ្មែរក្រហម ដែលធ្វើឱ្យមនុស្សស្លាប់ជិត ២ លាននាក់៕
Camnews 
Mr. Vann Nath,
May your soul rest in peace. You had given a lot of true
accounts about the KR’s torture in the prison.
ជាការសោកស្តាយមួយដែលសក្សីពិតម្នាក់បានស្លាប់មុននឹងទទួលបានយុត្តិធម៌
ខណៈដែលរូបគាត់ទន្ទឹងរង់ចាំអស់រយៈពេលជាង៣០ឆ្នាំមកហើយ។
សូមវិញ្ញាណខ័នលោកទៅកាន់ទីបរលោក ឋានសុខនៃចិត្ត និងឈប់វិលវល់ក្នុង
វដ្ឋសង្សាតទៅទៀត។
លោកតាវ៉ាន់ ណាត អើយលោកតា! កុំសូវសង្ឃឹមពេករឿងតុលាកាយុតិធម៌ស្អីគេនោះ! រឿងនយោបាយ ប្រទេសយើង ដែលស្លាប់រាប់លាននាក់ មានគេចង់បំភ្លេចោល។ បើសិន ណាគេមានបំណងកាត់ទោសតែមេដឹកនាំខ្មែរ មួយដំបូរស្វា តើនិងបានប្រយោជន៌អ្វី?។
សូមចូលរួមរំលែកទុក្ខដល់គ្រួសារ សាច់ញាតិនៃសព្វ លោកតា វ៉ាន់ ណាតផង។ សូមអោយព្រលឹងលោកបានទៅកាន់សុគតិភពផងចុះ។