ខែកញ្ញា 13, 2011 
អង្គារ 13 កញ្ញា 2011
ទស្សនាវដ្តីសារព័ត៌មានសេរី
តំណាងរាស្រ្តគណបក្សប្រឆាំងសមរង្ស៊ីនៅថ្ងៃនេះ បានធ្វើការស្នើដល់គណៈកម្មាធិការជាតិរៀបចំការបោះឆ្នោត (គ.ជ.ប) ឲ្យចាត់វិធានការជាបន្ទាន់ចំពោះក្រុមអាជ្ញាធរ ដែលបានរារាំងសកម្មជនគណបក្សសមរង្ស៊ីមិនឲ្យធ្វើការផ្សព្វផ្សាយតាមមីក្រូឲ្យប្រជាពលរដ្ឋទៅចុះឈ្មោះបោះឆ្នោត ដោយថា វាជាការរើសអើងគណបក្សនយោបាយ។
លោក ហូ វ៉ាន់ តំណាងរាស្រ្តគណបក្សសមរង្ស៊ីមណ្ឌលភ្នំពេញ
លោក ហូ វ៉ាន់ តំណាងរាស្រ្តគណបក្សសមរង្ស៊ីមណ្ឌលភ្នំពេញបាននិយាយនៅក្នុងសន្និសីទកាសែតថា អាជ្ញាធរនៅរាជធានីភ្នំពេញ និងនៅតាមបណ្តាខេត្តមួយចំនួន បានធ្វើការហាមឃាត់ដល់សកម្មជនគណបក្សសមរង្ស៊ីដែលបានធ្វើការផ្សព្វផ្សាយតាមមីក្រូ ឬខិត្តប័ណ្ណ ដើម្បីជម្រុញឲ្យប្រជាពលរដ្ឋទៅចុះឈ្មោះ និងពិនិត្យបញ្ជីឈ្មោះបោះឆ្នោតនោះ។
ដោយតំណាងរាស្រ្តបក្សប្រឆាំងរូបនេះ បានស្នើឲ្យ គ.ជ.ប ចាត់វិធានការចំពោះសកម្មភាពរបស់អាជ្ញាធរទាំងនោះ ដោយថា ការផ្សព្វផ្សាយនេះ ធ្វើឡើងដើម្បីឲ្យប្រជាពលរដ្ឋមានឈ្មោះបោះឆ្នោតតែប៉ុណ្ណោះ។
ទាក់ទិនទៅនឹងបញ្ហានេះ លោក ទេព នីថា អគ្គលេខាធិការ គ.ជ.ប បាននិយាយថា គណបក្សនយោបាយ និងសង្គមស៊ីវិល អាចផ្សព្វផ្សាយបំផុសប្រជាពលរដ្ឋឲ្យទៅពិនិត្យ និងចុះឈ្មោះបោះឆ្នោតបានដោយមានការចូលរួមពី គ.ជ.ប ឬដាច់ដោយឡែក។ ប៉ុន្តែបើសកម្មភាពផ្សព្វផ្សាយនោះ ប៉ះពាល់ដល់សណ្តាប់ធ្នាប់សាធារណៈនោះ គណបក្ស ឬអង្គការសង្គមស៊ីវិល ត្រូវសុំការអនុញ្ញាតិពីអាជ្ញាធរជាមុនសិន។
គួរបញ្ជាក់ថា គ.ជ.ប បានធ្វើការប្រកាសផ្សព្វផ្សាយឲ្យប្រជាពលរដ្ឋដែលគ្រប់អាយុ និងមានសិទ្ធិបោះឆ្នោតទាំងអស់ ទៅពិនិត្យ និងចុះឈ្មោះបោះឆ្នោតនៅតាមឃុំសង្កាត់ចាប់ពីថ្ងៃទី០១ ខែកញ្ញា រហូតដល់ថ្ងៃទី១៥ ខែតុលា ឆ្នាំ២០១១៕
Camnews 
យើងបោះឆ្នោតឱ្យលោកណា?
១- យុវជនស្រីប្រុស រាស្រ្តខ្មែរករកុះ ចុះឈ្មោះបោះឆ្នោត
យើងគួរតែគិត ចោលគំនិតឆោត ទើបគង់ដើមត្នោត
ដីចម្ការស្រែ ។
២- យើងរាល់គ្នាដឹង មេសព្វថ្ងៃហ្នឹង គិតតិចយើងខ្មែរ
គេគិតយួនច្រើន ឱ្យកំណើតគេ គ្មានបោះឆ្នោតទេ
ពេលគេឡើងធំ ។
៣- គេសងគុណយួន គេសងផ្ទួនៗ ពេលរាស្រ្តខ្លួនយំ
យួនវាតយកដី ទីព្រៃវាលភ្នំ ទន្លេតូចធំ
ទីផ្តុំហ្វូងវៀត ។
៤- ឆ្នាំកៅសិបបី រាស្រ្តខ្មែរប្រុសស្រី ស្គាល់យល់មារយាទ
បោះឱ្យស្តេចហើយ ព្រោះឆ្អែតនឹងវៀត តែស្តេចចោលម្សៀត
គ្មានស្នៀតគ្រងរដ្ឋ ។
៥- ខ្លួនជាបណ្ឌិត តែបញ្ញាគិត អន់ជាងក្មេងវត្ត
ខ្មែរជឿបង់ចិត្ត ស្មើត្រូវស្តេចក្បត់! តើឱ្យប្រាកដ
កំហុសនរណា?
៦- យើងឃើញកំហុស ខ្មែរអើយ! ឈប់ខុស ខ្មែរត្រូវពិចារណ៍
បោះឆ្នោតលើកនេះ ប្តូរមេរដ្ឋា ជាជនអន្ធការ
ប្រហារជាតិខ្លួន ។
៧- លើកនេះមិនឈ្នះ តែត្រូវបម្រះ ទៅមុខផ្ទួនៗ
រំដោះជាតិយើង ចេញពីឈ្លើងយួន ត្រូវគិតមាំមួន
បោះឱ្យលោកណា?
សកវាទិ៍ េបាះេអាយអ្នកឈ្នះទៅ!!!
េធ្វីយ៉ាងណាេអាយែតរា្រស្ដបានសុខទៅ!!!