Written by ភ្នំពេញដេលីញូវ
Saturday, 10 September 2011
ប្រាសាទ នគរបាជ័យ ស្ថិតនៅចម្ងាយ ប្រមាណ២.២ គីឡូម៉ែត្រ ពីទីរួមខេត្ត កំពង់ចាម ដែលរថយន្ត អាចចូលទៅដល់ ក្នុងទីធ្លាវត្ត តែម្ដង។ ទីអារាមនេះ ជាទីតាំង ប្រាសាទបុរាណមួយ ដែលកសាងឡើង ក្នុងរជ្ជកាល ព្រះបាទជ័យវរ្ម័ន ទី៧ សម្រាប់ បូជា ថ្វាយចំពោះ ព្រះពុទ្ធសាសនា មហាយាន ។ តួប្រាសាទ សាងសង់ ឡើងពីថ្មភក់ រីឯកំពែង សង់ឡើងដោយ ថ្មបាយក្រៀម រៀបបន្តុបពីលើគ្នា និងមានថែវ ចំនួន៤ជាន់ តែមានលក្ខណៈ ខូចខាតខ្លះៗ នៅបច្ចុប្បន្ននេះ ។
-ប្រាសាទហាន់ជ័យ
ប្រាសាទហានជ័យ ស្ថិតនៅក្នុងភូមិ ហាន់ជ័យ ឃុំហាន់ជ័យ ស្រុកកំពង់សៀម ចម្ងាយ២០ គីឡូម៉ែត្រ ពីទីរួម ខេត្តកំពង់ចាម ។ ភ្នំនេះមានកំពស់ ៦៣ម៉ែត្រ មានកាំជណ្ដើរឡើង ចំនួន២៩៥កាំ មានប្រាសាទ បុរាណ មួយចំនួនដូចជា ប្រាសាទគុក ខាងត្បូង ប្រាសាទ គុកខាងជើង …. ជាដើម ក្រៅពីនោះមាន អណ្ដូងបុរាណមួយ ដែលអ្នកស្រុកហៅថា អណ្ដូងព្រេង មានតម្កល់រូប សំណាកសិវលិង្គ និងទម្រផងដែរ ។
-រមណីយដ្ឋានភ្នំជើងព្រៃ
រមណីយដ្ឋានភ្នំជើងព្រៃ ស្ថិតក្នុង ស្រុកជើងព្រៃ តាមបណ្តោយផ្លូវជាតិ លេខ៦អា ចន្លោះពីភ្នំពេញ ទៅស្គន់ ខេត្តកំពង់ចាម ។ តំបន់នេះជា តំបន់សក្តិសិទ្ធ ដែលអ្នកស្រុកមាន ការភ័យខ្លាច មិនដែលហ៊ាន និយាយខុសមាត់ ខុសពាក្យ នោះទេ នៅពេលទៅ កំសាន្តម្ដងៗ ពួកគេតែងប្រយ័ត្ន មាត់ប្រយ័ត្នក ខ្លាំងណាស់ដោយ ពួកគាត់គិតថា បារមីទីនោះ ខ្លាំងពូកែ ។
ភ្នំជើងព្រៃមានភ្នំ២ ចែកដាច់ពីគ្នា ដែលភ្នំទាបនៅ ខាងត្បូងឆៀងខាងលិច ជាភ្នំប្រុស ហើយភ្នំនៅភាគ ខាងជើងជាភ្នំស្រី ។ ប្រវត្តភ្នំទាំង២ មិនខុសគ្នាពី ភ្នំប្រុសភ្នំស្រី នៅជិតទីរួមខេត្ត កំពង់ចាម ឡើយ គឺកើតចេញពី ការភ្នាល់គ្នា រវាងបុរស និងនារីដែរ ។ នៅលើ កំពូលភ្នំប្រុស មានស្នាម បាទជើងមួយ ដែលគេបាហៅថា ព្រះបាទ ទីនោះជាកន្លែង ដែលប្រជាជន គោរពនិងមានជុំនឿ យ៉ាងខ្លាំង ថាជាទីប្រកន្លែង មានបារមី ។ នៅលើភ្នំនេះ មានសំណង់ជាច្រើន តតត្រូវបានសាង តាមបែប សាសនា ស្ទើរតែ រាល់ថ្ងៃមាន មនុស្សចេញចូល ទៅបន់ស្រន់ យ៉ាងច្រើន ។ នៅលើភ្នំស្រី មានប្រាសាទបុរាណ ចំនួន២ និងមាន សំណង់តូចៗ ជាច្រើនទៀតត្រូវ បានសាងសង់ តាមបែបសាសនា ។ នៅខាងកើតភ្នំស្រី មានប្រាសាទ បាក់បែកមួយ ដែលគេស្គាល់ឈ្មោះ ថា ប្រាសាទកីនាងទាវ ។
នៅជុំវិញបរិវេន ភ្នំជើងព្រៃ មានសំណង់ យ៉ាងស្កឹមស្កៃ ជាច្រើនសង់តាមបែប សាសនាផ្សេងៗ រាប់មិនអស់ ហើយទីនោះ ជាកន្លែងដែល ពួកអ្នកមានបារមី ទៅធ្វើអ៌មសមាធិ រាប់រយនាកផងដែរ ។
-ប្រាសាទធំ
ប្រាសាទធំ មានទីតាំងលើទួលខ្ពស់ នៃខឿនវិហារសព្វថ្ងៃ ។ ប្រាសាទធំ រួមមានបីសាងសងឡើង ពីឥដ្ឋតាន ។ ប៉ុន្តែ ប្រាសាទធំ ខាងឆ្វេងត្រួវ បានរលំបាត់ រូបរាងអស់ ហើយនៅសល់ ដីទទេ តែប្រាសាទពីរទៀត នៅល្អ ដែលក្នុងប្រាសាទ នៅសល់រូប បដិមាករ និង វត្ថុបុរាណ បាក់បែកខ្លះ ដែលទាក់ទង ពហ្មមញ្ញសានា ។ ប្រជាពលរដ្ឋនៅ តំបន់នេះ គេជឿថាប្រសាទនេះ មានវត្ថុសក្តិសទ្ធិ ថែររក្សាប្រាសាទ ។ អ្នកស្រុកនៅទីនោះ មានជុំនឿថា បើអ្នកទេសចរ ដែលចង់ថតរូប ប្រាសាទ ដែលនៅសល់់់ ទាំងពីរ បើគ្មានការ អុជធូប បន់សស្រន់ សុំទេនោះ គឺមិនអាច ថតរូបជាប់ទេ ។
No comments yet... Be the first to leave a reply!