ខែកញ្ញា 9, 2011 
ដោយ : រតនា
ថ្ងៃទី 9 កញ្ញា 2011
CEN
លោក ឧបនាយករដ្ឋមន្ត្រី សុខ អាន ក្នុងពេល វិល ត្រឡប់ មកពី កិច្ចប្រជុំ ICAPP កាលពី ព្រឹក ថ្ងៃទី ៩ កញ្ញា ឆ្នាំ ២០១១ ។ លោក សុខ អាន លើកឡើងថា ពេលនេះ ដល់ពេល ដែល កម្ពុជា និង ថៃ ត្រូវ បន្ត ការចរចា លើ ការរុករក ប្រេង នៅ ព្រំដែន សមុទ្រ ត្រួតស៊ីគ្នា រវាង ប្រទេស ទាំង ពីរ ហើយ ៕ (រូបថត ៖ ស៊ីវ ចាន់ណា)
ភ្នំពេញ: មកដល់ពេលនេះ រដ្ឋាភិបាលកម្ពុជា និងថៃ គួរតែមានការពិភាក្សាលើការធ្វើអាជីវកម្មប្រេង និងឧស្ម័ន ក្នុងតំបន់ដែនសមុទ្រត្រួតស៊ីគ្នានោះ ដោយគួតែចាប់ផ្តើមពិភាក្សាជាមួយគ្នាឡើងវិញហើយ នៅក្នុងអាណត្តិរបស់លោកស្រី យ៉ីងឡាក់ ស៊ីណាវ៉ាត់ត្រា។ នេះបើតាមការបញ្ជាក់របស់លោកឧបនាយករដ្ឋមន្ត្រី សុខ អាន រដ្នមន្ត្រីទទួលបន្ទុកទីស្តីការគណៈរដ្ឋមន្ត្រី នៅពេលលោកវិលត្រឡប់មកពីកិច្ចប្រជុំ ICAPP នៅក្រុងណាននីង ខេត្តគ័ងស៊ីឈ័ង ប្រទេសចិន កាលពីថ្ងៃទី៩កញ្ញា ឆ្នាំ២០១១។
នៅព្រលានយន្តហោះអន្តរជាតិភ្នំពេញ លោក សុខ អាន បានមានប្រសាសន៍បញ្ជាក់ថា ថៃធ្លាប់បានធ្វើការប្រកាសចំនួន ២ដងមកហើយ ពីតម្រូវការប្រេងកាត ហើយកម្ពុជាក៏ត្រូវការប្រេងកាត និងឧស្ម័ន ដែលហៅថា មាសខ្មៅ នៅក្រោមបាតសមុទ្រដែរ ដើម្បីត្រូវធ្វើយ៉ាងម៉េចឲ្យមាសខ្មៅរបស់យើង ចូលរួមការអភិវឌ្ឍន៍កម្ពុជា ពីព្រោះកន្លងមកយើងមានវិស័យកសិកម្ម ទេសចរណ៍ កាត់ដេរ និងសំណង់ ដែលកំពុងសកម្មក្នុងការលើកកំពស់សេដ្ឋកិច្ចកម្ពុជា។
លោក សុខ អាន ដែលជាប្រធានអាជ្ញាធរប្រេងកាតជាតិកម្ពុជា ក៏បានបញ្ជាក់ថា ចំពោះបញ្ហាប្រេង និងឧស្ម័ន បានចាត់ទុកថាជាវិស័យមួយដ៏សំខាន់ ក្នុងការអភិវឌ្ឍន៍សេដ្ឋកិច្ចកម្ពុជាថ្មីមួយទៀត បន្ថែមពីលើវិស័យសំខាន់ៗ ដែលកម្ពុជាមាន។
លោកឧបនាយករដ្ឋមន្ត្រី សុខ អាន ក៏បានបន្ថែមថា កម្ពុជា និងថៃ បានចុះ MOU ជាមួយគ្នា ចាប់តាំងពីឆ្នាំ២០០១ មកម្ល៉េះ ឥឡូវដល់ឆ្នាំ២០១១ហើយ នៅពុំទាន់បានអនុវត្តន៍ការអភិវឌ្ឍន៍រួមគ្នា នៃការធ្វើអាជីវកម្មប្រេង និងឧស្ម័ន នៅតំបន់សមុទ្រត្រួតស៊ីគ្នាបាននៅឡើយ។
លោក សុខ អាន បានបញ្ជាក់ទៀតថា យើងអាចចរចារជាចំហររវាងគណៈកម្មាធិការទាំងសងខាង នៃប្រទេសទាំងពីរ ជាមួយរាជរដ្ឋាភិបាលថៃ ដែលដឹកនាំដោយលោកស្រី យ៉ីងឡាក់ ពីព្រោះកម្ពុជាអត់ទុកប្រេង និងឧស្ម័ន នៅក្រោមបាតសមុទ្រទេ គឺយើងចរចាគ្នាការអភិវឌ្ឍន៍រួមគ្នា ដោយធ្វើយ៉ាងម៉េចឲ្យមានផលប្រយោជន៍ទៅវិញទៅមក ប្រកបដោយសមធម៌ និងបានទទួលផលសមស្របរវាងគ្នានៃប្រទេសទាំងពីរ។
សូមបញ្ជាក់ថា លោកស្រី យីងឡាក់ នឹងដឹកនាំគណៈរដ្ឋមន្ត្រីថៃ មកទស្សនកិច្ចនៅកម្ពុជា នាថ្ងៃទី១៥ ខែកញ្ញាសបា្តហ៍ខាងមុខនេះ។ ប្រមុខរដ្ឋាភិបាលទាំងពីរ មានកិច្ចការសំខាន់ៗជាច្រើន ដែលត្រូវពិភាក្សាជាមួយគ្នា ដើម្បីស្តារទំនាក់ទំនងប្រេះឆា រវាងជម្លោះព្រំដែនប្រទេសទាំងពីរ កាលពីសម័យអតីតនាយករដ្ឋមន្ត្រីថៃ លោកអាប់អាភិស៊ីត។
កិច្ចព្រមព្រៀងរុករកប្រេងរួមគ្នារវាងរដ្ឋាភិបាលកម្ពុជា និងថៃ កាលពីឆ្នាំ២០០១ ត្រូវបានធ្វើឡើង តាំងពីសម័យលោក ថាក់ស៊ីន ស៊ីណាវ៉ាត់ត្រា ដែលជាបងប្រុសបង្កើតរបស់លោកស្រី យ៉ីងឡាក់ ជានាយករដ្ឋមន្ត្រីមកម្លេះ។ ក៏ប៉ុន្តែឆ្លងកាត់កិច្ចពិភាក្សាជាច្រើនលើករួចមក ប្រមុខដឹកនាំកម្ពុជា និងថៃ នៅតែមិនអាចឈានដល់ការធ្វើអាជីវកម្មប្រេងនៅតំបន់សមុទ្រត្រួតគ្នានោះនៅឡើយទេ។
ជាមួយនោះដែរ លោក សុខ អាន ក៏បានបញ្ជាក់ថា បញ្ហាច្បាប់សម្រាប់ការគ្រប់គ្រងប្រេងកាតក៏សំខាន់ខ្លាំងណាស់ដែរ ហើយអាជ្ញាធរប្រេងកាតជាតិកម្ពុជា កំពុងចាត់តាំងមន្ត្រីជំនាញ សហការជាមួយអ្នកជំនាញអន្តរជាតិ ដើម្បីសិក្សាច្បាប់ ពីបណ្តាប្រទេសជាច្រើន ដើម្បីបង្កើតបានច្បាប់ស្តីពីការគ្រប់គ្រងប្រេងកាត និងឧស្ម័ននៅកម្ពុជា ឲ្យក្លាយទៅជាច្បាប់មួយដែលល្អ ហើយរួមចំណែកឲ្យបានច្រើនបំផុតក្នុងការអភិវឌ្ឍន៍សេដ្ឋកិច្ចជាតិឲ្យបានច្រើន។
លោកឧបនាយករដ្ឋមន្ត្រី បានបន្តថា ការធ្វើច្បាប់ស្តីពីការគ្រប់គ្រងប្រេង និងឧស្ម័ននេះ គឺពុំអាចឲ្យប្រទេសណាមួយធ្វើច្បាប់នេះ ជំនួសកម្ពុជាខ្លួនឯងបានទេ។ ចំណែកឯការកំនត់រយៈពេលប៉ុន្មាន ទើបធ្វើសេចក្តីព្រាងច្បាប់ ស្តីពី ការគ្រប់គ្រងប្រេង ដើម្បីបញ្ជូនដាក់ឲ្យសភាជាតិ ពិភាក្សាអនុម័តពេលណានោះ គឺពុំអាចទាន់កំណត់ពេលវេលាបានទេ ពីព្រោះនៅមានកិច្ចការច្រើនទៀត ដែលរដ្ឋាភិបាលត្រូវធ្វើ ដើម្បីឲ្យស្របតាមបរិបទសេដ្ឋកិច្ចកម្ពុជា ៕
Camnews 
It is the best time that Cambodia has to use its oil revenue to strengthen its military capability. I am glad that our army has been reformed by the order of Samdech Decho Sen. Yesterday, I saw on the TV, there were almost 100 army generals are put into retirements. To do so, we do not want too many stars shinning on a very small nation like Cambodia.
pleas not glad friend, pleas think first after you glad, because we will lost our island to thailand about 27700 kilo met Kara
.
Te Oung, what is the name of the island you have mentioned, that will be lost to Thailand?